ديوانية الشيخ أبو حمدان الشعبية

[مشهور الطلحي]

اسمع ومافيه تسمع
ردة وفا جاتك تصرقع

 

[هذلي والفخر لي]

وين ايامك يابو محمد؟؟

وش علوم الشايب والاخوان

بشرنا عنك وعنهم

يعلم الله لكم معزه في القلب

 

[حامد السالمي]

سلام والمعنى زبادي نصقع بها روس الاعادي

اسمح لي يابا حمدان ان اترك هذه الرجزه التي لم تكتمل بين يديك


قلبي وروحي والمشاعر تعذرك مادري وش بعدها انشد ابو سعود واعلمكم

ابي مطويه تكون من جلد عنز ساحليه

وتكتب فيها المطالع اللي لي كلها

وابيها على رواق البيت الشعر

تنفذون سحبت على ابو سليم وجيتكم

تقولون مانقدر قلت الله يحفظكم تيوسكم عندكم وتيوسنا عندنا

تمنياتي لكم بالتوفيق

حياك الله يا ولد العم ..

قسم لك وحشة ..

تكفى يا أبو حمدان طلبات تيك أوف أوامر ..

 

[أبو حمدان]

نتشرف للانظمام لديوانية المباركة

خطوة موفقة يا شيخ المنتدى

ولنا نحن الشرف أيضاً بتواجدك معنا وننتظر مشاركاتك

 

[أبو حمدان]

ماشاء الله تبارك الله يابو حمدان مبروك افتتاح الديوانيه ونتشرف بالتواجد معاكم

الله يبارك بعمرك يابو ياسر وأحسن ماقلت
ونحن اللي لنا لاشرف بوجودك معنا
حياك الله

 

[أبو حمدان]

ألف مبروووووووووووووووك افتتاح الديوانية
في خضم التنافس على افتتاح الديوانيات ههههههههههههه

هذه زيارة أولى على عجل
والله توني أدري عن الديوانية
بس ياليت تعطينا جدول مواعيد الدوام

ولي زيارات أخرى إن شاء الله

هلا والله بالغالي اللي محله في سويداء القلب
حياك الله أخوي غازي وشرف كبير لي بتواجدك في ديوانيتي
وأحب أبلغك وأبلغ الجميع بأن ديوانية الشيخ أبو حمدان مفتوحة على مدار الساعة وحياكم الله في أي وقت تشاءون الديوانية مفتوحة والقهوة والعلوم الغانمة جاهزة على طول
قهوجينا ( محماس ) متواجد على طول في الديوانية ويلبي جميع الطلبات
حتى لو لم نكن متواجدين في الديوانية فالديوانية لكم جميعاً
ياهلا والله وسهلا

 

[أبو المثلّم]

مساء الخير يا ابو حمدان

ياخي صارت قصة لواحد من الشباب وجاني ينشد

يقول اتصل عليه رجال يعزم يقول انه فيه أصحاب له أجناب جايينه بعشاهم في محل صاحبه

المهم يقول بعد العشا قلت كثر الله خيركم يا معازيبنا ولكن ما أحد رد عليه

لا صاحب الفراش ولا اللي جايينه بضيفته

هل الخطا من صاحبي والا من خويه والا من الاجناب

ما رأيك أنا والله قلت ما أدري لكن أبى أنشد

تكفى يا ابو حمدان

 

[أبو حمدان]

وعليكم السلام ورحمة الله وبركاته

سلمت ودمت ياشيخنا الغالي

فكرة شيخ ولاشك ..

نتعلم ونستزيد منكم ومن شرواكم طال عمرك ..

لكن ماتشوفون أن الموضوع لوا كان في غير هذا القسم كان أفضل ..

مادام إنه يخص التراث وعلوم أهلنا الأولين ..


الله يبيض وجهك ياشيخ

ويبيض كل وجه من شارك في هالديونية العامرة بحس ربعي وسوالفهم ..

وعليكم السلام ورحمة الله وبركاته

كنت في إنتظار قدومك الميمون أخوي مشعل فأمثالك نفقدهم في الديوانية بلا شك وتواجدك له معنى كبير في نفس الشيخ أبو حمدان
تفضل إلى صدر المجلس ياهلا والله وسهلا شرفتنا بقدومك

وننتظر تفاعلك معنا في هذه الديوانية المباركة
أما مايخص القسم الذي طرحت فيه الديوانية فأنا سوف أرفع طلب للإدارة لنقل الموضوع إلى قسم الموروث الشعبي
وإن شاء الله يتم ذلك قريباً

 

[أبو حمدان]

صباح الخير شيخنا الجليل أبا حمدان ..
اللهم صل وسلم على سيدنا محمد ..
====
وأسمح لي أن أقص على أهل الديوانية قصة لشاعرنا أبي ذؤيب الهذلي
فقد كان محب متعشق للجمال أينما وجده، وقد كان يتغزل بعدة أسماء
نسائية خلدتها قصائده منهن " أم عمرو" تلك التي قال فيها :
أبى القلب إلا أم عمرو وأصبحت ::: تحرّق ناري بالشكاة ونارها
ومنهن "أسماء" التي قال فيها :
ألا زعمت أسماء أني أحبها ::: فقلت بلى لولا ينازعني شغلي
ومنهن "خثماء" التي قال فيها أرق قصائده ؛ ومنها :
وأرى البلاد إذا سكنت بغيرها ::: جدبا وإن كانت تطل وتخضب
وبحل أهلي بالمكان فلا أرى ::: طرفي بغيرك مرة يتقلب
وأصانع الواشين فيك تجمّلا ::: وهم عليّ ذو ضغائن دؤب
وتهيج سارية الرياح من أرضكم ::: فأرى الجناب لها يُحل ويجنب
وأرى العدو يحبكم فأحبه ::: إن كان ينسب منك أو يتنسب

الله الله يابو خالد
مشاركة فعالة وقصة حية من حياة شاعر هذيل أبو ذؤيب الهذلي
ومقتطفات رائعة من أشعاره الغزلية
الله يعطيك العافية ولازلنا نطمع في المزيد بلا شك

 

[أبو حمدان]

صبحك الله بالخير
يا أبو حمدان
فتحت الديوانية الله يعينك على التواجد المستمر
معقولة أجي من الصبح إلى الآن ولا أجدك
أنا قهوتي إذا ماشربتها من الصبح يصدع رأسي
وهذا الشئ مايرضيك !!

إهداء إلى الديوانية

يامسيكاً في الصداري
والصبا تاتي بريحه
ليت طلعه في جبلنا
واتغرز من مليحه

هلا والله بك مرات ومرات عديدة
القهوة دائماً جاهزة في الديوانية إذا جيت نادي على محماس ويصب لك القهوة تعرف يابو سعد إني رجال عندي دوام في الصباح بدري ولاأعود البيت إلا بعد الظهر
ولكن من بعد العصر إلى منتصف الليل تجدني في الديوانية إن شاء الله

وابشرك محضر لكم علوم غانمة كثيرة سيتم طرحها على مراحل خلال الفترة القادمه
ابشر بعزك والله


وصح لسان على الكلمات الشعرية التي ذكرتها شوقتنا والله يابو سعد

 

[أبو حمدان]

سلام والمعنى زبادي نصقع بها روس الاعادي

اسمح لي يابا حمدان ان اترك هذه الرجزه التي لم تكتمل بين يديك


قلبي وروحي والمشاعر تعذرك مادري وش بعدها انشد ابو سعود واعلمكم

ابي مطويه تكون من جلد عنز ساحليه

وتكتب فيها المطالع اللي لي كلها

وابيها على رواق البيت الشعر

تنفذون سحبت على ابو سليم وجيتكم

تقولون مانقدر قلت الله يحفظكم تيوسكم عندكم وتيوسنا عندنا

تمنياتي لكم بالتوفيق

من اللي لفانا ياولد
هذا أبو نور
أبشر باللي جيت به كل ماتتمناه يصير أنت تامر بس لكن لاتقول أبغى أدخن وإلا اشيش في الديوانية ههههههههههه
والله العظيم إني سعيد جداً بعودتك نورت ديوانية أبو حمدان بوجودك
وأنتظر بقية الأحبة ياالله تجيبهم يارب
وصح لسانك يابو نور ياصاحب الحوليات المعروفه
ولي عودة معك مرة أخرى أقلط تقهوى وواجبك تاكله وبعدين نكمل سواليفنا

ياهلا والله وسهلا

 

[هذلي والفخر لي]

ابو حمدان اشوفك مسنتر هنا على طول

مجلس المسابقه ينتظرك

ومر مجلس المحاوره على طريقك

عجل علينا خل الردود شوي

 

[أبو حمدان]

ابو حمدان اشوفك مسنتر هنا على طول

مجلس المسابقه ينتظرك

ومر مجلس المحاوره على طريقك

عجل علينا خل الردود شوي

أقول يابو بسام وش رايكم تنقلون كل الأقسام عندي في الديوانية
تراني مشغول بالديوانية وضيوفها كل شوي يلفون
وش رايكم نعقد إجتماع المسابقة في ذا >>>> قم بس قم ماباقي إلا هذي زودتها عاد
هههههههههههههههه

أبشر يابو بسام جايكم

 

[ذيب الفيافي]

سلااااااااااام عليكم


ابو حمدااااااااااااااااااااااان وينك عن المسنجر؟؟؟

يا خوي من اولا اكلمك وانت مطننننننننننننش

 

[أبو حمدان]

مساء الخير يا ابو حمدان

ياخي صارت قصة لواحد من الشباب وجاني ينشد

يقول اتصل عليه رجال يعزم يقول انه فيه أصحاب له أجناب جايينه بعشاهم في محل صاحبه

المهم يقول بعد العشا قلت كثر الله خيركم يا معازيبنا ولكن ما أحد رد عليه

لا صاحب الفراش ولا اللي جايينه بضيفته

هل الخطا من صاحبي والا من خويه والا من الاجناب

ما رأيك أنا والله قلت ما أدري لكن أبى أنشد

تكفى يا ابو حمدان

القضية شائكة يابو المثلم لكن عاد سأبدي رأي فيها
ونتمنى أن يبدي الجميع رايهم فيها
أنا رأي إن الخطأ يقع من صاحب الحلة اللي لفوه الربع بعشاهم
لأنه حتى لو إنهم جايينه بعشاهم فالحلة حلته وهو المعزب
وهو اللي عزم صاحبنا هذا في بيته
فلذلك المفروض أن صاحب الحلة هو اللي يرد عليه ولامانع أن يذكر أصحاب العشا ويثني عليهم وعلى كرمهم
وعلمي وسلامتك

 

[مشعل الهذلي]

السلام عليكم ورحمة الله وبركاته

ياخي صارت قصة لواحد من الشباب وجاني ينشد

يقول اتصل عليه رجال يعزم يقول انه فيه أصحاب له أجناب جايينه بعشاهم في محل صاحبه

المهم يقول بعد العشا قلت كثر الله خيركم يا معازيبنا ولكن ما أحد رد عليه

لا صاحب الفراش ولا اللي جايينه بضيفته

هل الخطا من صاحبي والا من خويه والا من الاجناب

ما رأيك أنا والله قلت ما أدري لكن أبى أنشد

تكفى يا ابو حمدان....ولا يهون الشيخ ..
...............

صاحبك يابو المثلم ليه يكرم قبل اللي عازمه طالما ان العزيمة ماهي بله ..كان المفروض ينتظر ..ومايستعجل .

لكن مادام أنه حصل كان المفروض الرد يجي من صاحبه اللي عازمه ...ومثل ماقال الشيخ يرد صاحب الحلة ويقول جاد الله على من جاد وماشابه ..


ومساء الخير لليدوانية وشيخها وضيوفها ..

لاهنتوا .

 

[هذلي والفخر لي]

بالنسبه لما طرحه اخونا ابو المثلم اقول له

اللي جايبين العشاء هم المعازيب الفعليين

وما جابوا العشاء في بيت صاحبهم الا وهم أهل محل بدون شك

كان على صاحبك الانتظار الا ان كانوا هم ينتظرونه يكرم

المسأله شائكه جدا ولكن ارى ان الرد المفروض يأتي من اللي جايبين العشاء

مع ان هناك عاده وهو ان اول واحد يكرم يقومون وراه المجموعه على طول ويكرمون

غريبه ان ماحد قام بعده !!!!!!!!!

بروتوكولات العزايم مهمه جدا ويجب على كل شخص الالمام بها

 

[أبو حمدان]

أبو المثلم
أ[و بسام
كفيتم ووفيتم بارك الله فيكم

عطونا علومكم يالربع ودنا بمواضيع تراثية تعلم الشباب بماضي الأباء والأجداد
تكفون ياربعي كل واحد يجيب لنا قصة وإلا سالفة وإلا معلومة
ولاننسى العادات والتقاليد البدوي والأدوات القديمة ومسمياتها
التفاعل تكفون

 

[أبو حمدان]

هذي قصيدة رائعة منتشرة في كل المنتديات
أعجبتني مثل ماأعجبت غيري بصراحة لم أعرف قائلها ولكنها
رائعة ووجدتها تلائم الديوانية ولابأس أن تتسمعونها :

[poem=font="arial,5,#8b0000,bold,normal" bkcolor="" bkimage="" border="none,1," type=2 line=0 align=center use=ex num="0,"]
قالت ترى منت بحلو قلت رجال=والزين ماهو من شروط الرجوله


الزين يلقى عند لباسة الشال=والرجل زين ان كان زانت فعوله


قالت علامك تلبس شماغ وعقال=انت بدوي؟ قلت بدوي من حموله


ماالبس بناطيل ٍ لها انواع واشكال=وامتر الشارع بعرضه وطوله


قالت أجل راعي معاميل ودلال=شرب القهاوي تحسبونه بطوله


قلت اسمعيني وأفهمي كل الاقوال=تمعني في كل حرف ٍ اقوله


كيفي يابنت الحضر دله وفنجال=وحليب خلفه بالمراح معقوله


حب الكرم والطيب وعلوم الابطال=مغروس فينا من زمان الطفوله


قالت ترى بنت البدو حظها مال=قلت احذري حذرا تكوني جهوله


بنت البدو يابنت تضرب بالامثال=غير الجمال وطاعه الله خجوله


زينه على كل المزايين تهتال=مثل القمر ينشاف ولاحد ٍ يطوله


ماتنخدع في كل ماكر ومحتال=اللي لهم بالسوق صوله وجوله


هي مهرة ٍ تصعب على كل خيال=وانتي ومثلك عسفها بالسهوله


قالت تغزل بي وشف حبة الخال=ناظر عيوني والرموش الكسوله


وانظر جديل ٍ فوق الامتان ميال=ومبيسم ٍ يعجبك تنظيم لوله


قلت العفو مايستوي زين وهبال=واللي تبينه شيبي عن حصوله


قالت وقلت وكلمة الحق تنقال=والزين ماهو من شروط الرجوله[/poem]

 

[عز الرفيق]

السلام عليكم

ماشاء الله عليك يا ابو حمدان

فكرة رائعة جدا

و نظرة ثاقبة و فراسة بدوي أصيل

لم أتصفح الديوانيه كاملة

و لكن ما رأيته يبشر بخير

ما أتمناه أن يتم التعامل هنا بجدية أكثر

لتعم الفائدة

و أنت يا ابو حمدان اسمح لي بملاحظة

ترى ماهو ضروري ترد على أي رد

خلنا نحس ان الديوانيه ديوانيتنا جميع

,
,
,

يقول سليمان بن شريم في مدح الملك فيصل بن عبد العزيز رحمهما الله


سلام يا شيخ ٍ من البعد يعنا له *** حريب الردى و المجد ما شيد الا له

سلامي عليه اعداد ما ربرب الطها ** و حن الرعد به , و أزعج البرق هماله

سلامي عليه تحية به و مرحبا *** تحية شفيق لا تسافه و لا داله

شفوقس على طاريه فرح ٍ بشوفته *** فرحت غريق , البحر لاثه على جاله

......... استعرتها كتحيه للشيخ أبو حمدان و لكل المتواجدين فردا فردا

...

سلااااااااااام عليكم


ابو حمدااااااااااااااااااااااان وينك عن المسنجر؟؟؟

يا خوي من اولا اكلمك وانت مطننننننننننننش

أبو حمدان هذي لا تعدي بهدوء