ديوانية الشيخ أبو حمدان الشعبية

[عمر العميري]

السلام عليكم ورحمة الله وبركاته

ابو حمدان كيفك ياغالي

محماس يامحماس طاسه حليب عجل

 

[هذلي والفخر لي]

السلام عليكم

وصباح الخير للجميع

محماس دام انك انت اللي جبتني هنا قم صب القهوه

ماني مسولف معك الا بعد اكيف الراس من دلة الشيخ ابو حمدان

وبعدين انت من الفضاوه تدور واحد يسليك

ترى انا فاضي مثلك ولا علي

بس لا تربطنا معك

ما تقول لي يا محماس كم عمر الفانوس الزمني؟؟

وان ما قلت لي او ما تعرف اسأل عمك ومن يمر عليك

ترى السؤال هذا مشغلني شوي

 

[هذلي قديم]

السلام عليكم ورحمة الله وبركاته
ماني شايف إلا المدرسين
أحبابنا الله يحفظهم
أبو بسام من صبح على القهوة والقدوع
وفتى هذيل
جالس في فية الشق
والله معاه حق الجو الأيام هذي
جو كشتات
والإجازة قصيرة
والجو هذي الأيام تهامي
الله يعين أهل اليمانية على البرد

يا محماس وين الطلب !!!
لازم أناديك
من يوم تشوف سيارتي مع الشارع الثاني
سوي الطلب
وأنا عند أبو شموخ في الفية
تعال يا أبوبسام
اطلع من عندك

اليوم وجدت بعض مسميات السيوف وأنواعها
فأحببت أن أوردها للفائدة


.

- اذا كان السيف عريضا فهو يسمى : صـفيـحـه .

- اذا كان صقــيلا فـهــو يســـــمــى:
خــشـيـب .

- اذا كان رقيـــــقــا فهو يسمـــــى:
مــهـْــــوٌ .

-اذا كان قــطــّاعا فهو يسمـــــــى:
مـِـقصـــل و مـِخضل وحـُـسام .

- اذا كان يمر في العـظـام فهو يسمى :
مـُصـّمم .

-اذا كان يصيب المفاصل فهو يسمى:
مـُطبـق .

-اذا كان ماضيا في الضريبه فهو يسمى :
رسـُوب .

-اذا كان صارما لا ينثني فهو يسمى :
صمصامه.

-اذا كان في متنه اثر فهو يسمى :
مأثـُور.

- اذا كان له بريق فهو يسمى :
إبريق.

-اذا كان سـُوٌّي وطـٌبع بالهند فهو يسمى :
مـٌهند

- اذا كان وسط السـّوط فهو يسمى :
مغول.

- اذا كان يستخدم لقطع الشجر فهو يسمى :
معضـد


خاتمة ( من التراث الهذلي )
العشية غرازي ضيان
إن عشت لا أبدله
بنحيلي وإلا ضيمران

 

[هذلي والفخر لي]

ارحب يابو سعد

وش هالكلام الطيب

صراحه منت بسيط

لكن اول مره اسمع ان السيف يستخدم لقطع الشجر !!!!!!!!

الا على الطاري ما عندك دوام اليوم؟

 

[هذلي قديم]

يعني لازم تفضحنا
يا ابو بسام
الحمد لله
والله على مكتبي
والشبكة في العمل عال العال
إدارة فنية
لازم يكون فيها شبكة داخلية
طبعاً إحنا نستفيد منها في النت
وهذا الشئ مجرب
في الشباب اللي يحبون التفريك >>> طبعاً أنا ماني منهم
أصبحوا يداومون دوام كامل
وعين المسئول تقر برؤيتهم على مكاتبهم
( إدارة المشاريع والشئون الهندسية )

 

[هذلي والفخر لي]

ههههههههههههه

اجل بالتوفيق يابو سعد

ومنها الشبكه احسن من لعبة سوليتير هههههههههه

الله يسعدك يا شيخنا الفاضل

 

[بن قاسي الهذلي]

السلام عليكم ورحمة الله وبركاته:


ياشباب ودي افضفض لكم عن مشاكلي مع المدير ,والله جنني وكرهني

في المدرسه كل شوي تعميم :smi_82:

وقع وقع ,وطردي من فصل لفصل مره هو ومره المراسل :47:

واليوم كنت ناوي اكلمه يعطيني الثلاثاء والاربعاء (طبعا اضطراري ,لانه مافيه امل

يتغاضى عنها:frown

المهم قبل ماجيه جاني ماشي 200 ومعه اوراق

والله اني يوم شفته ومعه اورااق اوجست خيفةً وبغيت انحاش

لكن تقطعت بي السبل وتسمرت في مكاني:sad_1:

المهم الرجال على طول بادرني بالحديث يا استاذ عبدالعزيز التقرير اللي

جانا من المستشفى (طبعا عذر سابق لي قام بمراسلة المستشفى

رسميا للتحقق من صحته )ليوم انت كنت فيه مداوم ونحن نريد اليوم الذي

يليه وكنت غائبا به:16:

بحلقت عيوني فيه وقلت اشوف التقرير

عطاني التقرير وكان فيه الاتي:

(حضر لنا .............. في يوم 6/2 الساعه 10:40 مساءًوبعد الكشف عليه تقرر منحه

اجازيه مرضيه لمدة يوم واحد من تاريخه )

المهم قلت طيب وش المشكله هذا اللي سار والاجازه واضحه مافيها شي

ورد علي بلؤم :يا استاذ هذه الاجازه لليوم الذي ذهبت فيه للمستشفى

وليس لليوم الذي يليه:47:


ابتسمت وقلت:يامديرنا الفاضل انظر الى وقت حضوري للمستشفى

واحسب بعدها اربع وعشرين ساعه:54:

رد علي المدير :لا ياعزيزي حسب النظام التقرير اللي جبته يعتبر لليوم

الذي ذهبت فيه:sly:


المهم فقدت اعصابي:36:

وقلت له اخصم والا احسبها سو اللي تسويه وطلعت بعد اخذت صوره

من التقرير


وهذا باختصار ماحدث لي اليوم مع هذا المدير ,وانا الحين اقلب في الامور

انا وش اسوي مع هذا الادمي

 

[حامد السالمي]

حيا الله الكل والجميع

صباح الورد والعنبر والكادي،


محماس : أحكر البراد منعنش تلقيمة تكفى.

وفين عمك اليوم أكيد عنده مفاجآت الليلة

الله يحيى ضيوفك كل باسمه.

اليوم الغزالة رايقة ههههههههههههه ..

ولأن الغزالة رايقة مني جايب اليوم عن الجن والعفاريت

أبجيب حداية من "الشغل القديم"

ما بديت الخبيبة وحُلْقوم
في الهجرة السابقة // يوم صفق الصفر كل يوم

لِعزاة تخلي الكبد كون
ياكم ثنت من شفية // غدى طريح السهوم

لكن اول مره اسمع ان السيف يستخدم لقطع الشجر !!!!!!!!

والله المعضد "داخل عرض مع السيوف"
انظر إلى براءة طرفة بن العبد منه وتنصله منه
حسامٌ إذا ما قمت منتصراً به ** كفى العوذ فيه البدء ليس بمعضد


العشية غرازي من العال
من رأس قٌنة حَضِرْ
كل خوطين تساوي "ريال"

ههههههههههه طبعا يوم كان الريال يسوى له مسواة.

 

[هذلي والفخر لي]

يابن قاسي مالك الا الصبر وش وداك له؟؟


الله يعينك على مديرك ويعين ابو شموخ على ( م غ )

والحمد لله كل شئ بالنسبه لي تمام التمام

والله لا يغير علينا

بالنسبه لقصتك كان حشرت المدير بالزاويه وتفاهمت معاه على رواقه

خابر الهذلان ماعندهم وقت مررررره

شراره فالزعل

 

[بن قاسي الهذلي]

يابن قاسي مالك الا الصبر وش وداك له؟؟


الله يعينك على مديرك ويعين ابو شموخ على ( م غ )

والحمد لله كل شئ بالنسبه لي تمام التمام

والله لا يغير علينا

بالنسبه لقصتك كان حشرت المدير بالزاويه وتفاهمت معاه على رواقه

خابر الهذلان ماعندهم وقت مررررره

شراره فالزعل

ماشاء الله عليك ,الله يهنيكم معه


لكن ان بغيت الصدق والله مادري وش اسوي

اذا خصم علي :hah:


المشكله مادري كيف اجادله بالنظام

لانه مامن احد يكلمه في شي والا ادهر عليه النظام يقول ويقول

تصدق والله وصلت معي اني اذا كان عندي ظرف

افضل يخصم ويريحني بدل مرمطة تعال وروح بين الدوائر الحكوميه

 

[حامد السالمي]

السلام عليكم ورحمة الله وبركاته
مساء الخير للجميع.
محماس زين قهوتك وقرب القدوع اليوم عندنا مسامرة ومنوعات للديوانية ، بس انتبه لمعاميلك وقهوتك لا يصير لك ما صار في قصة علوش في ديوانية ابن رشيد ؟
محماس : يا ساتر ويش هذي القصة ؟
هذي القصة حصلت في مجلس ابن رشيد كأي مجلس من مجالس الشيوخ والأمراء تدار فيه القهوة العربية ... وهناك أشخاص مكلفون بإعداد القهوة وترتيب الدلال .
وفي يوم من الأيام كان في ضيافة ابن رشيد ( علوش بن ظويهر العنزي ) وعلوش هذا عنده خبرة ومعرفة دقيقة بالقهوة ، ويعرف وش عيوبها من مجرد الشم أو الذوق ويعرف القهوة هي برية و لا مهي برية ، ويعرف حمستها هي محترقة وألا نية ، ويعرف إذا هجرت الدلال ويعرف طعم القهوة إذا تغيرت بأي شيء.
ويوم طلب ابن رشيد القهوة للمجلس فجاء صبابة القهوة وصبوا فنجال للأمير وبدو بالضيوف .... ويوم أعطوا علوش الفنجال ... وجاء يشرب رشف منه رشفة بسيطة وتبين أن في القهوة شي ، ومتغير طعمها بسببه .....نزل الفنجال وكبه كأنه بدون قصد .
ابن رشيد انتبه لعلوش : وسأله ليه يا علوش كبيت الفنجال قهوتنا بها شي ؟
قال : أبد في أول الأمر ... ولـّزم عليه الأمير ... وقال : لازم تقول وش في القهوة ليه ما شربتها .... قال : يا الأمير القهوة ( صايدة ) ... يعني طايح فيها شي من الحشرات .....
قال : وش هي صايدة ؟ قال علوش : صايدة أبو عوف.
ابن رشيد : سأل : اللي حوله ... يالربع انتم متطعمين في القهوة شيء ..... قالوا : ابد ما با القهوه شيء....
المهم علوش : قال إذا ما صارت القهوة صايدة .. لكم اللي تبون ....
قال الأمير : نادوا راعي القهوة .... نادوا ( راعي المعاميل والقهوة ) جاء راع القهوة.... قال ابن رشيد : يقول علوش إن القهوة صايدة .... ونبيك تجيب الخمرة نشوف هذا صادق والا لا .. والخمرة ( الدلة الكبيرة اللي تلقم فيها القهوة ) .
جابوا الخمرة وحطوا شوي ليف وكبوا عليه ( حثل القهوة) علشان ينشخل واخذوا يحركونها الين لقوا أبو عوف ..... انبهر ابن رشيد وقال لراعي الضيافة خل علوش يقعد عندنا عشرة أيام .....
صار علوش يقعد في صدر المجلس ....وابن رشيد ناوي يختبره ويتأكد من معرفته ..... قال لراعي القهوة .... إذا جاء باكر المغرب حط ورقة ( عرفـج ) في القهوة ( في الدلة اللي تصب منها لعلوش ) ....
ويوم صبوا القهوة قال ابن رشيد ترى الدلال منظفينها عقب أبوعوف تطعم بها شيء اليوم ....
قال : قهوتكم بها ريحة عرفج .
ويوم جاء باكر حطوا : كسرة مسواك .... وعرفها ..... وكل ما حطوا شي عرفة .... قال ابن رشيد لراعي القهوة : باكر اخلط ( حمسة مستوية وحمسة نية ) ... وصبوا لعلوش .... قال : هاه ياعلوش تطعم بها شيء .... قال : إيه : فيها حمسة محترقة وحمسة نية ....
عرف ابن رشيد إن الرجال داهية وخبير في القهوة ولزم عليه يجيه
كل شهر ....
فقال أحد الشعراء أبيات وثق بها القصة :

تستاهل الكيف الحمر يا ابن وايل ::: اِنت الذي تستاهل الكيـف كلـه
ياللي نقدته وسط ديوان حايـل ::: لولاك يا علوش ما حدن فطن له
بدلال من يقعد صغى كل عايـل ::: الضيغم مغني اليديـن المذلـه
==============

يجلى صدا قلبي ضبيح المهاريس
.لاجاك شراب التنباك يعومي
ودلال فوق النار دايم محاميس
.اكرامهن حق علينا لزومي
من صنعة الصبه وخمس تخاميس
بريه تعمل بهن كل يومي
وابهاره عشرٍ بليا دنافيس
كيف يعدا للنشاما القرومي
===============
استراحة :

لو بقي للهيل صبر على فوح الدلال :: ما بقي للقلب صبر على شيء يجيه
كنت أحسب الغلا زال وأثره لا يزال :: في الحشا ما كنه الا دخيل(ن) في الوجيه.
====
رجزة : للمرحوم ردة بن عبدالرحيم السالمي عام 1408هـ
في حفل زواج عند قبيلة النجبة في "الرايين" بالمحضرة.

سلام يا اللي تردف الكية بكية :: عادة لها من ساس جيلاً بعد جيل
تشهد لها الحدان مضحاها وفيه :: وإللي في مشرق شمس وإللي في المسيل
==
(حبيب والمطرفي)
في الطائف وعند قبيلة قريش وحبيب ومستور في القلطة وشاهد حبيب عبدالله المطرفي جالس مع الجمهور ويتكلم بصوت هامس لا يسمع
فقال معرضا به :
فتل / حبيب الحازمي :


آخر الليل نسمع للحيايا وشيش
وش وشي يا حيايا وش وشي وش وشي
الهذيلي جمعنا ماقفه مع قريش
كيف سار الهذيلي اقرشي
فقام الشاعر عبدالله المطرفي ورد عليه بما يلي :
نقض / عبدالله المطرفي

طيري يا طير ياللي ما بقي فيك ريش
السماء عالية والأرض ما تنمشي
انت يحكم عليك القاضي بن دهيش
قاضي العدل لا راشي ولا مرتشي

 

[أبو حمدان]

حياالله ضيوف أيو حمدان ياهلا والله وسهلا
وبيض الله وجيهكم كلكم على هذه العلوم الغانمة
وأخص بالذكر الغالي هذلي قديم على موضوع السيوف وانواعها ومسمياتها
والغالي الفارس أبو خالد على موضوع القهوة والقصة الجميلة والأبيات الرائعة

والله يكون في عونك يابن قاسي على مديرك مالك إلا الصبر وإن ماقدرت تصبر صكه كف على علباه الين يعرف إن الله حق >>>> لاوالله إلا نصحته
ههههههههههههههههه
ويامرحبا بمديرنا الغالي أبو بسام

ياحبي لكم وماأسعدني بتواجدكم جميعاً وبعلومكم الغانمه

 

[أبو حمدان]

حياكم الله يالربع في ديوانية الشيخ أبو حمدان
تم لتقاط هذه الصور للديوانية اليوم وحبينا نعرضها لكم :

هذه صورة للديوانية من الداخل بعد أن قام محماس يترتيبها وتزيينها
لإستقبال ضيوفنا الكرام ياهلا والله فيكم :

وهذي صورة التقطت لمحماس وهو يزين قرص الملة على الفطور
اليوم الصباح وكان من نصيب أبو بسام سرح عليه من الصبح وأفطر هو وياه سوى
محماس قال لي يابو بسام لاتنكر :

وهذي صورة لقرص محماس بعد أن أخرجه من النار ياطيبه طيباه الله يجعله هني
يابو بسام :

 

[أبو حمدان]

حياالله أبو المثلم والله ياهلا وسهلا
حظك طيب تونا صايدين لنا ثلاثة ضبان ومسوين عليها كبسة يحبها قلبك
أقلط على المقسوم حياك الله :

 

[حامد السالمي]

بالعافية يا أبا المثلم مطرح ما يسري يمري

 

[أبو المثلّم]

هههههههههه

الله يبقيك يا ابو حمدان

دمت ودام

ما آكل ضبان

منين صدت الضبان يا حُباب

 

[حامد السالمي]

حياالله أبو المثلم والله ياهلا وسهلا
حظك طيب تونا صايدين لنا ثلاثة ضبان ومسوين عليها كبسة يحبها قلبك
أقلط على المقسوم حياك الله :

طيب ضبان في الديوانية نمشيها !!

كيف نمشي البيبسي هههههههههههههه

وهو من الممنوعات في الديوانية هههههههههه

 

[أبو حمدان]

مجاراة لأخونا الغالي هذلي قديم الذي أفادنا مشكوراً
بتقرير عن السيوف وأنواعها ومسمياتها
يسعدني أن أقدم لكم هذا التقرير المصور عن البنادق القديمة التي
كانت تستخدم في الجزيرة العربية والبعض منها لازال إلى الآن موجود
أتمنى أن تستمتعوا معي بهذه المعلومات التراثية :

أم خمس
هي البندقية التي يتسع بطنها لخمس طلقات معاً وهناك عدة أسماء وأنواع لأم خمس مثل أم سك، النيمس أم كرار، أم ركبة، وأم صندوق

أم روحين ( مقمع )
ذات بيتين لأطلاق النار وعدتين متكاملتين في بندقية واحدة
كانت ذا أنتشار محدود أبتدا صنعها في سنة 1803

أم صبع
تحمل في بطنها طلقة واحدة، وتعبأ من أسفل بطن البندقية

أم شوكة
صناعةعثمانية تعبأ بطلقة واحدة في بطنها، ولكنكانت سيئة بجميع المقاييس، حيث لا تطلق مرات، وأن أطلقت تلتحم الفشقةفي بيت النار وتستخرج بصعوبة

أم عشر
بندقيةألمانية صنعت في سنة 1887 متتسع لعشرطلقات، ولكنها ثقيلة وكثيرة الأعطال مع صعوبة التصويببها

مارتين
يتسع بطنها لطلقة واحدة، وتعتبر طلقتها الأضخم، وهي صناعة أنجليزية وكان أهل الخليج يفضلونها

مارتين (الدقسا)
قصيرة جداً وهي أردأ نوع من بنادق المارتين

ماطلي أو ماطلية
يتسع بطنها لطلقة واحدة وهي صناعة أوروبية والأرجح مالطية
صنعت في العام 1857م، ولميكن لها أنتشار واسع كباقي البنادق مثل بندقية مارتين وأمأصبع

موزر (أم تاج)

تحمل في بطنهاطلقة واحدة، وسميت أم تاج لأنه منقوش على صفحة خزانة الطلقةتاج

وهذه من اقدم البنادق التيأستخدمت في منطقة الخليج عموماً**
تعبأ البندقية بالذخيرة من فوهتهاأولاً بالبارود ثم توضع الطلقة وتحشى حشواًبعامود

مقمع مسكوف
كانت أجود أنواع بندق مقمعأبتدا صنعها في سنة1803

ريفل،
يتسع بطنهالطلقة واحدةيتم أدخال الطلقة من أسفلبطنهاصنعت سنة 1857م

خديوي
يتسع بطنهالأربع طلقاتمجرية الصنع، وصنعت في سنة 1892

نيمس (ام خمس) وأيضاً (أمكرار)
يتسع بطن البندقية لخمس طلقات وهيألمانية الصنعصنعت في سنة 1917م وتم استخدامها لفترة طويلة

بعض انواع الزهاب وهناك مسميات عديدة
زهبة ، فشقة وفشكة، طلقة،وكل منطقة وتسمياتها

 

[أبو حمدان]

هههههههههه

الله يبقيك يا ابو حمدان

دمت ودام

ما آكل ضبان

منين صدت الضبان يا حُباب

لاتدقق يابو المثلم صدناها وبس تبي تاكل حياك الله ماودك
لاتحرجني عاد تكفى
هههههههههههههههههههههههه

 

[أبو حمدان]

طيب ضبان في الديوانية نمشيها !!

كيف نمشي البيبسي هههههههههههههه

وهو من الممنوعات في الديوانية هههههههههه

تصدق عاد والله إني كنت متوقع أي واحد رايح يسألني هذا السؤال
وأنا جبت صورة البيبسي متعمد على شان أشوف أنتم متذكرين شروط الديوانية وإلا نسيتوها يعني درس عملي >>>> أمش يابو رمش عذر أقبح من ذنب

هذا كل شي يابو خالد ؟؟؟