طاري الشوق

[عبد العزيز الدلبحي]

الاخوة والأخوات أعضاء و زوار منتدى هـذيل

أسعد الله أوقاتكم بكل خير


أبيات للتواصل معكم ... كلي أمل بأن تنال بعض رضاكم ...

ترتقي بلا شك لوجودها بينكم

[poem=font="arial,5,#a0522d,bold,normal" bkcolor="" bkimage="backgrounds/17.gif" border="double,4,#a0522d" type=1 line=1 align=center use=sp num="0,"]

يا طاري الشوق لامريـت بـال الحزيـن=اللي بداخل فـؤاده شـب جمـر الغضـا
قل له ترى الشوق والذكرى وفيض الحنين=لعيون ذاك الغزال اللـي غرامـه قضـى
العام فالقلب تسكن وسط حصـنٍ حصيـن=واليـوم ياقـدرة الرحمـن حـل القضـا
يامعشر اهل الهوى والعشق يالساهريـن=لا شفتوا اللي جبينه فيـه نـور و وضـا
تراي مرهونها لـو كـان مانـي رهيـن=والقلب عن غيرها شام وسـلا واعرضـا
اللي لها من كنـوز الحـب كنـزٍ دفيـن=وارخصت لعيونها الحاضر مع اللي مضى
يالـذة الـزاد بعـد الجـوع للجايعـيـن=يا ضحك طفل الفقير اللي بلعبـه حضـى
يا عـود مـوز تمايـل والثمـر حبتيـن=تفاح في غصن موز بغصب مدري رضـا
لو كل رجال شافـك يـوم عـاده جنيـن=كان اكثر الناس باسبابك يجـون مرضـا
اخذت من نادرات الطير نظـره و عيـن=واخذت وجه القمـر لا عـم كـل الفضـا
وجمعت لك وردتيـن وبينهـن جمرتيـن=تصالحن في حمـاك وهـن قبـل بغضـا
لو قيل يخلق من الاشباه حـول اربعيـن=مافيـه مثلـك ولا واحـد ولا يفـرضـا
صحيـح مايفقـد الا كـل نـادر ثمـيـن=ولاني بمعتاض فيك ولو يجـون عوضـا
قطفت من حلـو وردك منـوة القاطفيـن=وبردت لاهـب فـؤاد فيـه نـار اللظـى
الله يوفقك يالغـض الغضيـض الحسيـن=والله يعيـن المولـع لـو بهمـه قضـى [/poem]


وسلامتكم

 

[راع الاوله]

يالذة الزاد بعد الجوع للجايعين
يا ضحك طفل الفقير اللي بلعبه حضى
يا عود موز تمايل والثمر حبتين
تفاح في غصن موز بغصب مدري رضا
لو كل رجال شافك يوم عاده جنين
كان اكثر الناس باسبابك يجون مرضا
اخذت من نادرات الطير نظره و عين
واخذت وجه القمر لا عم كل الفضا
وجمعت لك وردتين وبينهن جمرتين
تصالحن في حماك وهن قبل بغضا
لو قيل يخلق من الاشباه حول اربعين
مافيه مثلك ولا واحد ولا يفرضا
صحيح مايفقد الا كل نادر ثمين
ولاني بمعتاض فيك ولو يجون عوضا



لله درك لغه وتصوير ووصف رائع

صح لسانك ياعبدالعزير


وبانتظار جديدك

 

[سلطان السويهري]

صح لسانك . وصور رائعة ولو إن في خاطري شيء على البيت هذا :

لو كل رجال شافك يوم عاده جنين
كان اكثر الناس باسبابك يجون مرضا

 

[عماد الهذلي]

السلام عليكم ورحمة الله وبركاته

الله الله

صح لسانك ياعبد العزيز،،،لاهنت


قصيدة رائعة،، جميلة فيها احساس راقي،،

أمتعتنا ياعبدالعزيز،،،

ننتظرك دائما

تحية طيبة

 

[بن قاسي الهذلي]

صح لسانك ياعبدالعزيز


اعجبني مزجك بين المفرده الحديثه والمفرده الاصيله الجزله وهذه تحسب لك

لاهنت والله على هذا الابداع

 

[ذيب الفيافي]

الله الله الله

لله درك يا الدلبحي

قصيده جزله من شاعر جزل

صح لسااااااااااانك

 

[الهنوف الهذيل]

يا طاري الشوق لامريت بال الحزين
اللي بداخل فؤاده شب جمر الغضا
قل له ترى الشوق والذكرى وفيض الحنين
لعيون ذاك الغزال اللي غرامه قضى
العام فالقلب تسكن وسط حصنٍ حصين
واليوم ياقدرة الرحمن حل القضا


يعطيك العافيه اخوي عبدالعزيز وقصيده رائعه ومعاناة جميلة الصور من شاعر متميز ...
كما ودي افهم هذا البيت اذا تكرمت وما هي العلاقة بين الورد والجمر في صياغتها في القصيده :
وجمعت لك وردتين وبينهن جمرتين
تصالحن في حماك وهن قبل بغضا

وتقبل مررورري واطيل تحيه .

الهنوف

 

[حـمـدي الهـذلـي]

المبدع .. عبد العزيز الدلبحي .. السلام عليكم ورحمة الله وبركاته

صح لسانك مدد بلا عدد .. وعلا شأنك للأبد .. نص فاخر معنى ومبنى

ننتظر منك القادم بشغف .. فلا تطيل الغياب ..


قل له ترى الشوق والذكرى وفيض الحنين
لعيون ذاك الغزال اللي غرامــه قضــــــى

أخي عبدالعزيز .. ألا ترى أن كلمة ( وصاله ) أنسب من كلمة ( غرامه )

لأن ما بعد هذا البيت يؤكد أن الغرام لا زال باقي إنما الذي قضى هو الوصال

مجرد تساؤل .. و رأي شخصي يمكن توافقني فيه أو العكس ..

- بالنسبة لسؤال الأخت .. الهنوف الهذيل

بما اني أتيت بعدك فسأجيبك نيابة عن أخي عبدالعزيز وليعذرني كلاكما ..

الوردتين هما الوجنتين من الوجه .. وبينهما الجمرتين وهما الشفتين ..
وقد وردت في سياق تعداد أوصاف المحبوبة المتناولة في القصيدة ..

المعذرة أخي عبدالعزيز ان أطلت .. ودمت في حفظ الله ..

 

[بن قاسي الهذلي]

أخي عبدالعزيز .. ألا ترى أن كلمة ( وصاله ) أنسب من كلمة ( غرامه )

لأن ما بعد هذا البيت يؤكد أن الغرام لا زال باقي إنما الذي قضى هو الوصال

مجرد تساؤل .. و رأي شخصي يمكن توافقني فيه أو العكس

حيا الله حمدي ومداخلاته الجميله

كلمة قضى في البيت السابق ليست بمعنى انتهى ولكنها بمعنى قضاء وقدر

اي ان غرام هذا الغزال مقدر ومكتوب

اتمنى ان الصورة اتضحت الان

لك احترامي

 

[أبو حمدان]

صح لسان ياعبدالعزيز وافيه من وافي
قصيدة جزلة وتصوير رائع

 

[قــمــيدان]

اخذت من نادرات الطير نظره و عين
واخذت وجه القمر لا عم كل الفضا
وجمعت لك وردتين وبينهن جمرتين
تصالحن في حماك وهن قبل بغضا


ههههههههه

يا خطيرررررررررررر

والله مبدع وقصيدة مزركشة

صح لسااانك

 

[غريب الغربيه]

ماشاء الله تبارك الرحمن
ابدعت اخوي عبدالعزيز يالسمي
قصيده جميله ولا شك
وخصوصا هالبيتين
لو قيل يخلق من الاشباه حول اربعين
مافيه مثلك ولا واحد ولا يفرضا
صحيح مايفقد الا كل نادر ثمين
ولاني بمعتاض فيك ولو يجون عوضا
الاول قلب للمثل المعروف
والثاني حكمه جميله

 

[شامان]

عبدالعزيز صح لسانك
قصيده جميله في جميع ابياتها لكن هالبيت غير
يا عود موز تمايل والثمر حبتين
تفاح في غصن موز بغصب مدري رضا
للامانه هذا الشعر وانت الشاعر
سجل اعجابي لاهنت

 

[الـمـطــ الهذلي ــــرفي]

صح لسانك..

تصووير رااائع ..

ويعطيك ألف عافيه

 

[صدى الحق]

صح لسانك..
ويعطيك ألف عافيه

 

[عز الرفيق]

صح لسانك يا عبد العزيز

قصيدة جميلة
على قافية صعبة

لكن شاعريتك سهلت عليك المهمة

شكرا لك

 

[احب ربعي]

صح لسانك شاعرنا تصوير جميل

عساك عالقوة

 

[جميل المطرفي الهذلي]

صح السانك الاخ عبد العزيز الدلبحي
ان هذه القصيده من اجود ماقريته في هذا المنتدى واختلف تماماً مع الاخ حمدي بل غرام هي الاصح ومعناها واضح لايحتاج تفسير اما كلمة التواصل تدل بان لم يحصل غرام بل اتقارب وتفاهم وبعده يكون الغرام او لايكون