المطنوخة

[عز الرفيق]

السلام عليكم

تشرفت بالمشاركة في مسابقة .. ( شاعر المنتدى ) لشهر صفر لعام 1430هــ

و فازت القصيدة المشاركة بالمركز الأول ..


أتشرف بطرحها بين أيديكم لقلوبكم و سمو فكركم ..

,
,

المطنــــوخـة






[poem=font="arial,5,#00008b,bold,normal" bkcolor="" bkimage="" border="outset,1," type=1 line=0 align=center use=ex num="0,"]
يميل قلبي مع نسيم الذعاذيع = يميل و انسام الهوى في عـدلها
الشوق مزع مهجة الصب تمزيع = اثر الهوى لا حـل حال ٍ نحلها
العام يوم ان الليالي مطاويع = و الشاعـر إليا هاز طرقه بتلها
ليل ٍ تقديه النجوم اللواميع = و صبح ٍ يضيع مع الموادع و يلها
في مرقب ٍ ريعه بداله على ريع = مـرقب على دار ٍ و ليفه حللها
مداهل القبس السباع المهاليع = سبع ٍ نحا عنها و سبع ٍ دهلها
مستشنق أخت الموت عوق الطواميع = غير الصبي الصيرمي ما نقلها
و الوعـد لا جا للثريا توابيع = جوف لبيوت الي تذري ظللها
و الليل: ماله عين , و السر: ما ذيع = مامون و قلوب العدا في وجلها
ياخذ من الصافي الزلاله قراطيع = طب النفوس المرهفات و عللها
يفرح بروحه تحت ليلين و تضيع = في صدر " شلال من النور".. و الها
.. مطامع ٍ يا ويلها من مطاميع = و الروح عن غاياتها من سألها
هذا قبل سعي الليالي بترويع = روحين يا غير الهوى ما حملها
و اليوم ماله غير ندب المداميع = اليا وقف له ساعة ٍ في طللها
أطلال عفتها الهبوب الزوابيع = حيت يا دار ٍ حبيبي نزلها
حيت من نو ٍ صدوق ٍ متابيع = تسيل وديانك و يخضر جبلها
تمسي تحت ظل السحاب الهواميع = و يصبح خزاميها يكايد نفلها
مرابع ٍ كانت لقلبي مرابيع = كانت و كنت و كان للحب ملها
لين الفراق الي حكم لي بتقطيع = حبل الرجا و الروح خيبت املها
و خطيت عن طرق المحبة تواقيع = و ادخل على نفس ٍ هواها زللها
و أغضيت طرفي عن جميع المفاريع = لين إرتكت لي من شعاني جهلها
الهـيــبه الي تامر الريح و تريع = مطيحة روس العيال بثـقلها
صكت مشاريع و فكت مشاريع = و من فـك بيبان الهوى ما قفلها
قلت : الهوى.. يا متلفين المواليع = قالت : عـسير دروب دور سهلها
قلت اهذلي ٍ ما يعرف المهازيع = قالت : حلال رجال محد ٍ بحلها
قلت : اهذلي يامر على الصعب و يطيع = نفسه على كود العظايم جبلها
قالت : رجال الموت و ان جـو مفازيع = و الي بسد و جيههم من وصلها
قلت : الكلام أحلام , و الفعل تقنيع = قالت : و لا للجابه إلا بدلها
مطنوخة ٍ ما هي طناخة مداليع = طناخة العيال من روس أهلها
و الله يا لولا جا للاحكام تشريع = لين استوت عـوج النفوس بعدلها
لاخذ من الصبيان حيث البواتيع = بشــارة النفس الشقيه باجلها
سلايل هـــذيل الحرار القواطيع = روس الرجال و كـل دار ٍ بــهلها
واحــدهـم اليا صار للوقع تشنيع = و نفسه نهته عن الملاقى ... زهلها
و انطح بهم هاك الربوع المجاميع = و انثر مناياها و أبيح حللها
لـين أجمع الضدين لقـيا و توديع = فرح و فوز قلوب , وقلوب ولها
و ان قيل:: يا شاري الخطا بيع و نبيع = أقول ما للجابه إلا بدلها[/poem]

 

[عمار السويهري]

والله قصيدة جميلة جداااااااااااا ومبروك الفوز باعز الرفيق

 

[ذيب الفيافي]

:

الله الله الله عليك يبو هذال

صراحه القصيده تستحق الفوز وبكل جدار

صح الله لسانك والله لا يحرمنا من ابداعاتك

:

 

[عز الرفيق]

والله قصيدة جميلة جداااااااااااا ومبروك الفوز باعز الرفيق

حيا الله عمار السويهري

الجميل هو تواجدك يا الغالي

تشرفت بوقوفك عليها

لك مني كل التحايا


شكر لك

 

[عز الرفيق]

:

الله الله الله عليك يبو هذال

صراحه القصيده تستحق الفوز وبكل جدار

صح الله لسانك والله لا يحرمنا من ابداعاتك

:

حيا الله ذيب الفيافي

الفوز الحقيقي أخي سلطان معرفتك و المكسب صداقتك

الله يديمك كما أنت

,
,

سلطان الدعدي

كل التحايا

 

[حامد السالمي]

السلام عليكم ورحمة الله وبركاته ،

نشكر للشاعر هذا النص الجزل ، ونهنئك على المركز الأول
وبالنسبة للقصيدة فقد كانت مثخنة بالصور الشعرية
والمحسنات البديعية.
والأساليب البلاغية منتشرة في أرجاء
النص وموظفة باحترافية شاعر وفي الأماكن المناسبة
وللأغراض المناسبة، وقد أعجبتني استخدامات أسلوب
الكناية في عدة مواضع منها :
(أخت الموت) ، (عوق المطاميع) ، ( الليل ماله عين).
إضافة إلى حسن الاستهلال . وحسن ختام القصيدة الذي تشعر
معه وأنك قد انتهى بك المطاف الشعري بكل سلاسة وإنسيابية
ولا حاجة لإضافة اي بيت ، أما الوحدة الموضوعية النسيجية للنص
فقد كانت في غاية الترابط من أول بيت حتى آخر بيت ،
وفقك الله وسدد خطاك.

 

[ابو بدر]

ميه ميه مبروووووووووووووك عقبال كل شهر

 

[راع الاوله]

الشاعر القدير عز الرفيق


قصيده رائعه من شاعر متمكن

واستحقت المركز الاول بكل جداره

الف الف الف مبروووك وتستاهل

وصح لسااانك لين ترضي يالمبدع

 

[هذلي والفخر لي]

وعليكم السلام ورحمة الله وبركاته

قصيده لا تمل

قرأتها سابقا وقرأتها الآن وسأقرأها لاحقا باذن الله

صح لسانك يابو هذال

وألف مبروك الفوز يالغالي

 

[عماد الهذلي]

السلام عليكم ورحمة الله وبركاته

قصيدة جميلة وتستحق الفوز ، ويستاهل شاعرها كل خير.


الف مبروك يابو هذال ،شاعر لاتحتاج شهادة ،وقصيدة مميزة ، فكل شئ.



تحية طيبة

 

[عمر العميري]

قصيده جزله

وعلى قول ابو بسام قصيده لا تمل

الف مبروك تستاهل الطيب كله

 

[قرناس]

عليكم السلام

عز الرفيق

الف مبروك

وبيض الله وجهك

فعلا قصيده جزله

 

[أبو حمدان]

ألف ألف مبروك الفوز يابو عباد
وحقيقة قصيدة تستحق الفوز بكل جدارة
قرأتها عدة مرات في قسم المسابقة وقرأتها هنا
وفي كل مرة أطرب لقرائتها والله حقيقة وليس مجاملة
صح لسانك وعلا شانك

 

[حـمـدي الهـذلـي]

الأخ والشاعر الرائع .. عز الرفيق .. السلام عليكم ورحمة الله وبركاته

ألف .. ألف .. ألف .. مبــــروك .. قصيدة مطنوخة من شاعر مطنوخ ..

وفعلاً تستحق أن تتزين بها واجهة المجالس لمدة شهر ..

صح كلك أخي .. عز الرفيق .. ودمت في حفظ الله ..

 

[راعيها]

صح لسانك شاعرنا .......قصيده اسم على مسمى حقيقة

يعطيك العافيه وننتظر ابداعك القادم بشووووووووووووووق كبير

 

[ابوفهد الياسي]

السلام عليكم ورحمة الله وبركاته

مطنوخه والله مطنوخه

قصيده تستحق الاشاده والمركز الاولى عن جداره واستحقاق

وصح لسان شاعرنا فيصل السالمي (عزالرفيق )

والف مبروك فوزك بالمركز الاولى يابو عباد

 

[مشعل الهذلي]

وعليكم السلام ورحمة الله وبركاته

و أغضيت طرفي عـن جميـع المفاريـع
ليـن إرتكـت لـي مــن شعـانـي جهلـهـا
الهيـبـه الــي تـامــر الـريــح و تـريــع
مـطـيـحــة روس الــعــيــال بـثـقـلـهــا
صـكــت مـشـاريـع و فـكــت مـشـاريـع
و مـن فــك بيـبـان الـهـوى مــا قفلـهـا
قلـت : الهـوى.. يـا متلفـيـن الموالـيـع
قـالــت : عـسـيـر دروب دور سهـلـهـا
قـلـت اهـذلـي ٍ مــا يـعــرف المـهـازيـع
قـالـت : حــلال رجــال مـحــد ٍ بحـلـهـا
قلت : اهذلي يامر على الصعب و يطيع
نفـسـه عـلــى كـــود العـظـايـم جبـلـهـا
قالت : رجال الموت و ان جـو مفازيـع
و الــي بـسـد و جيهـهـم مــن وصلـهـا


صح لسانك ياعز الرفيق

وتستاهل كل خير ..

قصيدة حملت من الجمال والروعة والإبداع ما جعلها تفتن الجميع وتستحق الإشادة والتكريم والمركز الأول بإمتياز ..

الف مبروك ياشاعر المجلس ..

 

[سلطان الندوي]

قلت : اهذلي يامر على الصعب و يطيع
نفـسـه عـلــى كـــود العـظـايـم جبـلـهـا

والنعم يافيصل

صح لسانك والف مبروك

تحيتي

 

[مـسـك]

...
قصيده جميله وراقيه وتستحق الاعجاب والمركز الاول بجداره.

الف مبروك اخي الكريم تستاهل وفالك التوفيق دووم.

احترامي وتقديري.
...

 

[حسام الهذلي]

مبرووووووووووووكـ الفوز بالمركز الاول .. وعقبال باقي الشهر ..

ولك مني خالص الشكر والتقدير ..