ربعي هذيل

[راكـــ الهذلي ـــــــان]

يسريبي الهاجوس مع شبت النار *** وجمر الغضاحاف الدلال المباهير
يسريبي لدار الوفا دار الاخيار *** دار النشاما والرجال المناعير
ذكرتها يومي على البعد صبار *** يوم بعدي كدر الروح تكدير
لاوحسافه بعدكم ياهل الدار *** في مارد عدودي شربت الغثابير
من عقب حلو العد انا ذقت الامرار *** عقب القراح وعد ظميا مسايير
كم ليلة ماذاقت عيوني الكار *** ساهر واعدك يالنجوم المناثير
كم ليلة ماطاب في نجد مسيار *** من عقب بيت مالفوه المسايير
ياذعار كيف اصبر على القوم ياذعار *** ياذعار من بعد العنا والمشاوير
احفيت رجلي تشتكي كل مشوار *** ما كنت اظن الطيب يجزى بتقصير
ياذعار ماني من هل البوق والعار *** ولاني من اللي يقبلون المحادير
ولاني مع العربان بياح الاسرار *** عساك يامن بحت الاسرار بالنير
ولاني مع الوافي بخاين وغدار *** يقطعك ياخوان يوم المعاسير
ولاني كما من لاعطا الضيف والجار *** ومن لاعطاهم حقهم للمحاسير
ابيع واشري في ثمينات الاسعار *** سوقي غلا لاهل الغلا بالتباشير
ربيعي هذيل اللي لها دوم تذكار *** اهل الوفا واهل الوجيه المسافير
اهل الكرم والضوء موفين الاشبار*** تغشاهم البيضاءنهار المعاصير
وحنا رجال هذيل من نسل الاحرار *** لطامت العدوان يوم المشاهير
وياطير يلي بالسماء تو ماطار *** بلغ سلام يشفي الروح ياطير
سلام ياهل الدار حشمه ومقدار *** سلام شاعر صخر القاف تصخير
شاعر بقتله نجد مارد ومصدار *** يشكي من الغربه ورمي المقادير
قلبه مع الايام والبعد محتار *** نصبر عسا قرب الفرج بالتصابير
وعزي لداري مادرت وين الاقدار *** ودتني لدار تثير النواظير
يالله يالي تسقى الارض بامطار *** يالواحد المعبود حسن التدابير
يالله تزيح من البلد كل خمار *** اهل البلاوي موردين القصادير
وتشيل منه صار للغرب سيار *** اهل القزوع اللي تحط المناكير
اللي مجالسهم عبيسات الانظار *** وهروجهم في مرذلات التعابير
اما هرج بالذم والابالاسفار *** والاهرج مهراج بيض الغنادير
ارداهم اللي ينحسبله مئة شار *** اللي يشوفونه فهيم المحاضير
يقول انا لسوق عاشق ومرار *** طاردتهم نسوان باحلى تصافير
هو مادرى بانه جنا لاهله العار *** ومن دق مسماره تدقه مسامير
اللي سواتك فوق الامات سبار *** يلقي على اهله في زمانه مسابير
واليا نصحته جاك منه التذمار *** ياحيف نصحي للعقول المصاغير
يالله عساهم عند قصاف الاعمار *** عند الاله مصور الكون تصوير
وختامها صلو على خير مختار *** محمد شفيع الخلق يوم المحاشير

القصيده للشاعر /سعد بن حامد المطرفي

 

[عمر العميري]

قصيده جزله ...... سلمت ياراكان

اعجبتي كثيرا

لكن هناك بعض الأخطاء الأملائيه

 

[طارق الزلفي الهذلي]

الله يعطيك العافيه على هالقصيدة الجميلة


وصح لسانك

 

[مطرفي الدلم]

قصيدة جزله من شاااعر جزل بيض الله وجهك ووجهه .

تحياتي .

 

[ذيب الفيافي]

الله الله

صح لسانك يبو راكان

 

[الـمـطــ الهذلي ــــرفي]

صح لسان من قالها..

وبيض الله وجهك..

 

[أبو حمدان]

قصيدة جميلة ومعبرة
صح الله لسان الشاعر

 

[عناد المطرفي]

صح لسانك ولسانه
يعطيك العافية

 

[بن مذيخر]

الله يعطيك العافية على النقل الجميل

 

[صآلح الهذلي]

الله يعطيك العافيه

 

[عز الرفيق]

قصيدة جميلة

صح لسانك اذا أنت صاحبها

و اذا منقوله صح لسان شاعرها و سلمت يمين نقلتها


شكرا لك