ياهل الجيب المجهّـز وناوين الشــمال

[عبدالله الطلحي]

الأحبة الغالين

السلام عليكم ورحمة الله وبركاته

لعيونكم الغالية وأذواقكم العالية

ياهل الجيب المجهز وناوين الشمالوقفوا لو خذت من وقتكم شيٍ قليل

ريضوا لي لين أجيب العمامه والعقالوالفراش وبعض الأغراض للدرب الطويل

للديار اللي سقتها مراويح الخيالعلها من بارق الوسم سيلٍ عقب سيل

ديرةٍ ربي كساها جمالٍ في جماللين صارت تشرح الصدر وتداوي العليل

ودي اقضي عدة أيام مع عدة ليالفي فضاها واهتني بالمساء عقب المقيل

علّي استرجع شبابي ولو قالوا محالعاقد الأمال في واحدٍ ماهو بخيل

كلما حاولت قالوا هدف صعب المنالقلت فعلاً صعب لكن ماهو مستحيل

بين شي من الحقيقه وشي من الخيالينبعث في النفس ذاك الشعور اللي جميل

ماتشوف العشب يطلع من احضان الرمالويابس الاغصان تخضرّ وتعود تميل

إبتعد عن زحمة الناس تلقالك مجالوإترك الدنيا لأهلها ودوّر لك بديل

لاتفكر في تجاره ولافي راس مالوانت لين اليوم شايب ولا عندك حصيل

كل شيٍ فات والعمر باقي لايزاللاتضيّع باقي العمر في الشيٍ الهزيل

ضاعت اعمار اكثر الناس في جمع الرياليتعب الرجال حتى يفاجيه الرحيل

التعب والكد لأم العيال وللعيالوآخر المشوار من يعترف لك بالجميل

ادري إن اهلك لهم حق مافيها جدالوانت ماقصرت وفّيت في وزنٍ وكيل

مير نفسك ناسي حقوقها يبن الحلالانت مايرتاح بالك بيوم ولابليل

تدّرج مثل المحاله تلاحيها الحبالفي عذاب وتسقي الناس عذبٍ سلسبيل

قوم وانظر في المرايه وسل نفسك سؤالويش بقا بالعمر للكد والحمل الثقيل

والله إن الصوره ابلغ جواب من المقالالزمن شاهد على الحال والواقع دليل

 

[أبو حمدان]

الله الله يابو ناصر
وش هالإبداع وبما أنني أول من دخل وقرأ هذه الرائعة
أتمنى أن تأخذني معك لهذه الديرة التي ذكرتها في قصيدتك
فلقد هبني الشوق لها

بل وهبني الشوق لسماع شعر عبدالله الطلحي
والله العظيم ليست مجاملة كل قصيدة أقرأها لك أو اسمعها منك
أشعر فيها بطعم الشعر الحقيقي الأصيل

صح لسانك الين ترضى يابو ناصر
أتحفتنا بهذه الرائعة وأطربتنا بارك الله فيك

 

[فواز السعيدي]

الليل الليل


ياسلااااااام يابو ناصر ياسلاااام


عز الله اطربتنا يالغاالي ::::




ماتشوف العشب يطلع من احضان الرمال0000ويابس الاغصان تخضـرّ وتعـود تميـل




ماتشوف العشب يطلع من احضان الرمال0000ويابس الاغصان تخضـرّ وتعـود تميـل






ماتشوف العشب يطلع من احضان الرمال0000ويابس الاغصان تخضـرّ وتعـود تميـل

 

[عماد الهذلي]

السلام عليكم ورحمة الله وبركاته

قصيدة رائعه من شاعر الحكمة ، ليست غريبة ، كل مايقوله عبدالله الطلحي ، يجب الأنصات له.

عبد الل الطلحي ، مدرسة شعرية نتعلم منها.

صح لسانك يابو ناصر

تحية طيبة

 

[رعدالمصيف]

الى متى يا ابو ناصر وانت تمتطي الاسلوب التقليدي في كتابة القصيدة

شاعر مثلك يمتلك ملكة شعرية فذه يجب ان تكون الفاظة اكثر عذوبة وسلاسة ويمكنه ان يتطرق للمعنى بابيات اجزل واعذب .


حان الوقت للتغيير يا ابا ناصر

 

[خالد الهذلي]

السلام عليكم ورحمة الله وبركاته

اشكر شاعر الحكمه عبدالله الطلحي وقد لا تساعد الكلمات في وصف سعادتي بقرائه هذه القصيده التي ينطبق عليها اسم قصيده الربيع والذي دائما ما يبعث الامل ويعيد الحياه
ولا يسعني الا ان اقف احتراماً وتقديراً لشاعرنا القدير واقله <دربك اخظر يبو ناصر> وتقبل مروري

 

[ذيب الفيافي]

والله ابداااااااااااع يبو ناصر

والابداع ماهو غريب عليك

صح لسانك وعلا شانك

 

[مطر الهذلي]

من اراد ان يستمتع با لشعر الحقيقي فل يستمع لشاعر الحكمة

عبد لله الطلحي

صح لسانك يابوناصر لا نملك من الكلمات غير ذلك

 

[بن مذيخر]

الله يابو ناصر تصدق إنك طمّاع يعني ماسدك الساحل اللي رحته قبل اسبوعين
ألا ان كان العشب في الشمال غير
الله يابو ناصر يعلم الله إني احبك في الله والانسان لازم يتمشى ويشم الهوى

يقول ابويه رحمة الله عليه لفالح

شعار حنا وسواقة وهيا نبى نقطع بطاقة* نبى نشم الهوى يافالح العلم مافيه اندراقه

 

[سلطان السويهري]

ميـر نفسـك ناسـي حقوقهـا يـبـن الـحـلال
انــــت مـايـرتــاح بــالــك بــيــوم ولابـلــيــل
تـــدّرج مـثــل المـحـالـه تلاحـيـهـا الـحـبـال
في عذاب وتسقي الناس عذبٍ سلسبيـل
قوم وانظر في المرايه وسل نفسك سؤال
ويـش بـقـا بالعـمـر للـكـد والحـمـل الثقـيـل
والله إن الصـوره ابـلـغ جــواب مــن المـقـال
الزمـن شاهـد علـى الحـال والـواقـع دلـيـل

صح لسانك .
رائعة من روائعك . ولاهي أول المفاجاءات ، إصداراتكم شاهدة على جميل الحكم ومن ذلك شريط ( غلطان )

وانصح الجميع بسماعه لشاعرنا أبي ناصر وانشاد أحمد الطلحي

 

[صآلح الهذلي]

السلام عليكم ورحمة الله وبركاته

اشكر شاعر الحكمه عبدالله الطلحي

 

[راع الاوله]

إبتعد عن زحمة النـاس تلقالـك مجـال
وإترك الدنيـا لأهلهـا ودوّر لـك بديـل
لاتفكر فـي تجـاره ولافـي راس مـال
وانت لين اليوم شايب ولا عندك حصيـل


حكمه غير مستغربه على ابو ناصر لله درك


وهنا ايضاً ينهي شاعرنا القصيده بتسأل يجعل القاري

يلتفت لحاله لبعض الوقت ليري ماقدم لنفسه وماذا اعطاها

قوم وانظر في المرايه وسل نفسك سـؤال
ويش بقا بالعمـر للكـد والحمـل الثقيـل
والله إن الصوره ابلغ جواب مـن المقـال
الزمن شاهد على الحال والواقـع دليـل

استاذي عبدالله الطلحي تقف الكلمات عاجزه عن وصف

ابداعاتك صح لسااانك لين ترضى وتقبل مروري المتواضع

 

[أبوفيصل]

الله الله يا أبو ناصر

إبداع غير مستغرب

الله يبيض وجهك والله لا يحرمنا من إبداعك

 

[مازن البقيلي]

اتوقع ان للابداع بقيه

مع شاعر الحكمه
وان هذه ليست اول مفأجاه ولا اخر مفأجاه

فهكذا تعودنا


ابووووو ناصر شهادتي مجرحه ولكن تقبل مروري

مازن البقيلي

 

[كنترول العالم]

ماعااااااااااد لي قوووووول ياعبد الله الاخوان ماقصرو ماقول الا الله يبيض وجهك وصح لسانك .............

 

[قرناس]

ابداع يابو ناصر

صح لسانك

 

[عبدالله الطلحي]

الله الله يابو ناصر
وش هالإبداع وبما أنني أول من دخل وقرأ هذه الرائعة
أتمنى أن تأخذني معك لهذه الديرة التي ذكرتها في قصيدتك
فلقد هبني الشوق لها

بل وهبني الشوق لسماع شعر عبدالله الطلحي
والله العظيم ليست مجاملة كل قصيدة أقرأها لك أو اسمعها منك
أشعر فيها بطعم الشعر الحقيقي الأصيل

صح لسانك الين ترضى يابو ناصر
أتحفتنا بهذه الرائعة وأطربتنا بارك الله فيك

أبو حمدان

شرف كبير لي تواجدك هنا
ومبادرتك التي تعني لي الكثير

أشكرك من القلب

وهذا من ذوقك يالغالي

.

 

[عبدالله الطلحي]

الليل الليل


ياسلااااااام يابو ناصر ياسلاااام


عز الله اطربتنا يالغاالي ::::




ماتشوف العشب يطلع من احضان الرمال0000ويابس الاغصان تخضـرّ وتعـود تميـل




ماتشوف العشب يطلع من احضان الرمال0000ويابس الاغصان تخضـرّ وتعـود تميـل






ماتشوف العشب يطلع من احضان الرمال0000ويابس الاغصان تخضـرّ وتعـود تميـل

الغالي / فواز الهذلي

حضورك مبهج

وكلماتك أوسمة شرف طال عمرك


لاهنت

.

 

[المحترف الطلحي]

[grade="00008b ff6347 008000 4b0082 ff1493"]ونعم يابن عمي تركتك متألق والآن اقرا لك وانت متالق وفقك الله [/grade]