قصديتين محاولة مني مطلوب رأيكم الكربم

[أبو طلال الندوي]

هذي قصديتين من تأليفي وأبغى رايكم فيها

لأنها تعتبر من حاولاتي في الشعر

القصيده الأولى
بعنوان


غربة الحال

ياصــاحبي بشتــكي غــربة الأحوال

بشــكي فــؤاد مــات بيـن الضلوعي

وإن مـت ياصـاحبي وبانـت الأعمال

تكفى يومها ياصاحبي كف الدموعي

وإن جاك طاري لي مع الناس وأقوال

أبغاك ياصاحبي تبكي قلب مايطوعي

القصيده الثانيه

بسـم الله الـرحمن رب الـعـبـادي

سـبـحـانـه الـخـالـق ولاحـد بـداله

بحكي وسولف عن زمان معـادي

زمـان مـعـروف بـكـثـر الـجهالـه

زمـان فـيه الـحق يـدفـن بــوادي

والناس تمشي فيه بلا أيـة دلالـه

لا حـد يـلوم اللي سكن بالبـوادي

متحرص خايف من اللي في باله

شخص يعاني و بالقصايد ينـادي

شخص يسولف وش اللي جراله

شحص تلاقيه مـع النـاس عـادي

شخـصـاً دايم مـا تـلاقـي مـثـيـله

غريب أسمه شاكياً من البـعادي

أسمـه وحـالـه مثـل خـل وخـليله

وصلوا على محمد كريم الأيادي

مهدم أصـنـام الـجـهـل والضلاله

 

[أبو حمدان]

أخوي أبو طلال الندوي
انت حرصت على القوافي ووفقت فيها
فكانت القوافي صحيحة ولكنك أهملت الوزن
فمعظم أبيات القصيدتين مكسورة البعض فيهازيادة والبعض فيها نقص
ولو أن القصيدة الثانية بداياتها كانت أجمل وكانت الكسور أقل ولكن القصيدة الأولى
جميع أبياتها مكسورة وكذلك آخر القصيدة الثانية أيضاً بها كسور
ولكن بشكل عام أنت تمتلك موهبة شعرية تحتاج لصقل ومعرفة بأوزان الشعر
لأن خيالك واسع وأنا متأكد بأنك غذا استمريت على هذا المنوال وحاولت الإهتمام
بوزن القصيدة فستخرج لنا قصائد رائعة جداً لأن أسلوبك في صياغة الشعر يدل على ذلك
أرجوا أن تتحمل النقد بصدر رحب وأقول لك واصل وننتظر جديدك الأفضل

 

[أبو طلال الندوي]

مشكور ياغالي

وأتقبل النقد بصدر رحب وواسع

والإنسان يخطي ويصيب

ومشكور يأبو حمداان