مطلق هذيل
:: عضو جديد ::
- إنضم
- 26 مايو 2008
- المشاركات
- 299
[frame="1 50"][poem=font="MS Sans Serif,4,#8b0000,normal,normal" bkcolor="" bkimage="" border="none,1," type=0 line=0 align=center use=ex num="0,"]
على عيد إنكساري في غرامك قبل تسع سنين=تذكرت وقلت أكلمك والنيه النيه
ألو...لبيه يا أغلى من ذبحني قبل عام الفين=ومت ولا حييت الا على ذكره وطاريه
أحبك وين ما سجت عيوني في الزمان الزين=وسجني زمان اللي متاهاته خياليه
ولا سجيت عن آخرلقاء عطارة البحرين=ودهن العود وأشياء الشيوخ الأرجوانيه
رعى الله كل يوم مرنا من قبل ذاك الحين=على ذمة صبى الأيام والأحلام ورديه
يومك تستحي تذكر بأن عمرك وصل عشرين=وأنا ما طاب لي إلا ما ورى العشرين بشويه
يا حلو أيامنا ومراهقتنا والبلا بعدين=كشفنا ضحكة أول حلمنا ودموع تاليه
ولكن ما ندمنا ليه؟..لأن العالم الحلوين=يعيشون الغلا وفق القوانين السعوديه
عفا الله عن ملذات الهوى والعشق والتخمين=وسجات الغرام ولذة الحب الحقيقيه
فديتك يوم تاخذني على كيفك ولا أدري وين؟=معك من وين ماذعذع هواك ومالت الفيه
غدينا كنك الشاعر وأنا واحد من الغاوين=نهيم بكل واد من العليا للعزيزيه
وبعد ما فاتنا ركب الحياه وشفت شوف العين=مسارات الطريق والإتجاهات المصيريه
عرفت أن كل شيء له نهايه والنيا والبين=مصير الشاعر اللي خانت أوزانه قوافيه
خلاص أعزم على الفرقا ولا لك في رقبتي دين=ترى حنا تعدينا الخطوط الإستوائيه
تفاهمنا على حسم الأمور وكلنا راضين=وتوادعنا مكن قلوبنا خضر وهواويه
ومع هذا عجزت أسج وأنسى وأترك المقفين=أغصب القلب لكن الهوى قدرة إلهيه
أعن لكل ما في نجد حتى شارع الستين=وأحن لذعذع الغربي على أهل الشرق عصريه
ولا منه سرى من كل ليل حروة الثلثين=عرفت ان نسبة النسيان دون اثنين في الميه
وفكرت أتبدوى مع أهل البل وأترك أهل الضين=يجوز البل تنسي من تبعها عن مشاهيه
وشريت الوضح لعل وعساي أسلى مع السالين=وقعدت أشد وأنزل في التهاتيه الخلاويه
ولكن ما تغير حال هذا أنت تحداني لين=نويت أتم نصف الدين والنيات مقفيه
وخذيت من البنات الغيد عقبك وحده وثنتين=عساي أسج عن طاري الهوى وطيوف راعيه
لكن الوضع هو..هو..ما تغير والزمان يشين=وحبك كل يوم يزين في العين الشقاويه
عسى ربي يعافيني ولا يبلاك قول: آمين=تراني كني اللي واطي له جمرة حيه
وتراني يوم كلمتك فديتك عقب تسع سنين=ما غير أهيض العبرات وإلا النيه النيه[/poem
ضيـــــــــــــــدان بن قضعان[/frame]
على عيد إنكساري في غرامك قبل تسع سنين=تذكرت وقلت أكلمك والنيه النيه
ألو...لبيه يا أغلى من ذبحني قبل عام الفين=ومت ولا حييت الا على ذكره وطاريه
أحبك وين ما سجت عيوني في الزمان الزين=وسجني زمان اللي متاهاته خياليه
ولا سجيت عن آخرلقاء عطارة البحرين=ودهن العود وأشياء الشيوخ الأرجوانيه
رعى الله كل يوم مرنا من قبل ذاك الحين=على ذمة صبى الأيام والأحلام ورديه
يومك تستحي تذكر بأن عمرك وصل عشرين=وأنا ما طاب لي إلا ما ورى العشرين بشويه
يا حلو أيامنا ومراهقتنا والبلا بعدين=كشفنا ضحكة أول حلمنا ودموع تاليه
ولكن ما ندمنا ليه؟..لأن العالم الحلوين=يعيشون الغلا وفق القوانين السعوديه
عفا الله عن ملذات الهوى والعشق والتخمين=وسجات الغرام ولذة الحب الحقيقيه
فديتك يوم تاخذني على كيفك ولا أدري وين؟=معك من وين ماذعذع هواك ومالت الفيه
غدينا كنك الشاعر وأنا واحد من الغاوين=نهيم بكل واد من العليا للعزيزيه
وبعد ما فاتنا ركب الحياه وشفت شوف العين=مسارات الطريق والإتجاهات المصيريه
عرفت أن كل شيء له نهايه والنيا والبين=مصير الشاعر اللي خانت أوزانه قوافيه
خلاص أعزم على الفرقا ولا لك في رقبتي دين=ترى حنا تعدينا الخطوط الإستوائيه
تفاهمنا على حسم الأمور وكلنا راضين=وتوادعنا مكن قلوبنا خضر وهواويه
ومع هذا عجزت أسج وأنسى وأترك المقفين=أغصب القلب لكن الهوى قدرة إلهيه
أعن لكل ما في نجد حتى شارع الستين=وأحن لذعذع الغربي على أهل الشرق عصريه
ولا منه سرى من كل ليل حروة الثلثين=عرفت ان نسبة النسيان دون اثنين في الميه
وفكرت أتبدوى مع أهل البل وأترك أهل الضين=يجوز البل تنسي من تبعها عن مشاهيه
وشريت الوضح لعل وعساي أسلى مع السالين=وقعدت أشد وأنزل في التهاتيه الخلاويه
ولكن ما تغير حال هذا أنت تحداني لين=نويت أتم نصف الدين والنيات مقفيه
وخذيت من البنات الغيد عقبك وحده وثنتين=عساي أسج عن طاري الهوى وطيوف راعيه
لكن الوضع هو..هو..ما تغير والزمان يشين=وحبك كل يوم يزين في العين الشقاويه
عسى ربي يعافيني ولا يبلاك قول: آمين=تراني كني اللي واطي له جمرة حيه
وتراني يوم كلمتك فديتك عقب تسع سنين=ما غير أهيض العبرات وإلا النيه النيه[/poem
ضيـــــــــــــــدان بن قضعان[/frame]
