المحاورة كاملة :
عمر الخالدي
جاني الخط بالعنوان والمضمونما فهمته ولا ادري ويش تفسيره
والحقيقة تقال احمض من الليمونمير عند الصدوق احلى من الشيره
حامد القارحي
اكثر الناس بالموضوع ما يدرونغير واحد سكن في داخل الديـرة
الصداقة لها عند العـرب عربـونميـر حـطـو لـهـا لـفـه وتـدويـره
عمر الخالدي
حولكـم علـم لا صاحـي ولا مجنـونكيف ذاك الغصن طارت عصافيره
يصـدق الحـلـم للنـايـم ويــوم يـخـونوالحيا في الوجيـه اعـرف تباشيـره
حامد القارحي
إثر ابو زيد في راسه ثلاثة عيونوالمسيحي غلب شره على خيـره
والله انـي قفلـت البـاب بالكيـلـونلنِي اعرف حقوق الجـار والجيـرة
عمر الخالدي
احفظوا من دروس الوقت لا تنسونواكتبوهـا فـي تاريـخ العـرب سيـره
حيـلـة ام الحـيـل يحتالـهـا شـــارونيحسـب هذيـل تاكـل مــن خنـازيـره
حامد القارحي
أنعرف وانكشف مخزونه المدفونمابـقـى غـيـر بــرادي وتعـمـيـره
يابن قشموع تمر النخل فالعرجونوالبلح والرطـب ممنـوع تصديـره
عمر الخالدي
اكثر عيـال حـوا سيرهـم مدهـونوابرق الريش وش طول مناقيره
كل واحد ركض يمه معه كرتونوالمزارع وضـع للتمـر تسعيـره
حامد القارحي
بعد و ريتـه الدايـن مـن المديـونودي انشد عمر وش هي معاذيره
يوم عينه تشوف الزاد فالماعـونويش يحـداه مـا ياكـل كمـا غيـره
عمر الخالدي
المماليـك قــدام المـلـوك يـجـونقبل عبد العزيـز وقبـل اساطيـره
ما اقبل الزاد يا حامد وانا مغبونجـوع بطنـي بعفـة نفـس تشكيـره
حامد القارحي
فيه بيتِ يقول ان سبح الغيطـونكملـه ياعمـر و تـشـوف تأثـيـره
كانك اتقول غاسل يدك بالصابونانشغل خاطـري واشغلـت تفكيـره
عمر الخالدي
العيال اربعين في عصمة الملعونكل عشرة مجمعهم في تاشيـره
البنادم بـلا حريـة ويـش يكـونمال راعي تحت حكمه وتدبيره
حامد القارحي
لا تفصل على هامان يا فرعونثوب ما هو مقاسه فيه تشميره
الرياجيل حره والحمى مصيونوانت حولت من جرفاَ فدحديـرة
عمر الخالدي
ما بغير مقاس ولا بغيـر لـونثوبك اللي لبسته وين ازاريره
بيني وبينكم شرع الله المامونفيـه يلزمـك تهليـلـه وتكبـيـره
حامد القارحي
ما نخيتك يابن قشموع طالب عونكــل راعــي بعـيـر يعـقـل ابعـيـره
علمـوا صاحبـي ياصحابنـا تكفـونيطلـب الاستخـاره يــا الله الخـيـره
