قصيدة غزلية بعنوان ذكرتك

[الخيال]

بسم الله الرحمن الرحيم



السلام عليكم ورحمة الله وبركاته

وبعد قصيدته الأولى ها هو يطل علينا الشاعر : فهد محمد البقيلي الهذلي بقصيدته الغزليه الرائعه وهي بعنوان ( ذكرتك )

[poem=font="arabic transparent,5,#00008b,bold,normal" bkcolor="" bkimage="" border="none,1," type=2 line=0 align=center use=ex num="0,"]
ذكرتك يا بعد عمر المسافر والدروب طوال=وانا في داخلي لهفة عيون الحاير المشتاق
اجيب البيت في حينه واشيله شيلة الموال=بلحن العاشقين اللي يبين لوعة العشاق
ترى درب الهوى كايد وحمل الشوق ما ينشال=وهمه لو سكن بالقلب لا يفنى ولا ينطاق
واشوف العلم حلم اللي وقف يبكي على الأطلال=الين امست مشاعرنا شتات بغبة الأعماق
ذكرتك قبل تذكرني ولا تنشد عن الأحوال=وانا افل الدفاتر والبلا يوم اكشف الأوراق
شربت من الهوى ما يشربه ظامي فقير الحال=وجرّبت السهر واتعبت قلبي والقدم والساق
وانا ماني خوي الهم لا طرقي ولا رحّال=ولو همي سكن قلبي ضحكت وخاطري ما راق
تعال اسمع وحاكيني تعال اشرب معي فنجال=تعال اهمس بجنب إذني وخذ مني علوم دقاق
تراك اللي ينسيني تعب وقتي ولو ما زال=تعال ازعل وخاصمني وخلك للرضى سبّاق
تعال بشيطنة طفل صغير وحكمة العقال=نبي نجمع شتات افراحنا ونجدد الميثاق
ولا نشكي من أوجاع الزمان ونظرة العذّال=ولا نبكي على ذكرى نهايتها عنا وفراق[/poem]

وسلامتكم

تقبلو ودي واحترامي
الخيال

 

[مازن البقيلي]

الله يبيض وجهك الخيال على النقل الرائع


وصح لسان الشاعر وقلبه الخضررر

وهذا ليس بغريب على شاعر احتضن الشعر من صغره




سجلني اول مقعد

 

[حـمـدي الهـذلـي]

وعليكم السلام ورحمة الله وبركاته

صح لسان أبو محمد .. وسلم ذوقك ..يالخيال ..

ولكن أين صاحبها ؟؟ لماذا لاتأتي قصائده تحت معرفه ..

نتطلع لتواجده بينا هنا .. وشكراً لك على النقل ..

 

[عز الرفيق]

رائعه جدا

صح لسان الشاعر فهد بن محمد البقيلي الهذلي

تشرفنا بمصافحة ابداعه

و نتمنى تواجده معنا

كل الشكر أخي الخيال على النقل المميز

 

[عماد الهذلي]

السلام عليكم ورحمة الله وبركاته


قصيدة رائعه

لاهنت أخي الخيال على النقل ،، وصح لسان شاعرها،،مثل ماتفضل الأخوة قبلي ،، نتمنى مثل هالشاعر يكون بيننا.


ومدام القصيدة منــقولة أخي الخيال ،،أسمحلي بنقلها لقســم المنقولات،،،


شكرا لك

تحية طيبة