جره شعيل

[خالد الهذلي]

السلام عليكم ورحمة الله وبركاته

الله يمسيك بالخير وجمعه مباركه انشاء الله........................

استلم ياحمدي

سلام والليله نويت امشي ورا جره شعيل
وليا لقيت اشعيل ياربعي ابعطيه العصا
اما رغا ولا هدر ولا برك حتي يشيل
وانا ادري انه ياوجيه الخير ما مره عصا

 

[خالد الهذلي]

وين رحت ياحمدي الشرده ماهي لنا يابن عمي

 

[فواز السعيدي]

اما رغا ولا هدر ولا برك حتي يشيل
وانا ادري انه ياوجيه الخير ما مره عصا


*****


الله الله


كلام

 

[خالد الهذلي]

حياك الله يافواز ونعم بك وبربعك وابنشدك عن الشاعر ناجي السعيدي هو كيف حاله

 

[مشهور الطلحي]

اما رغا ولا هدر ولا برك حتي يشيل
وانا ادري انه ياوجيه الخير ما مره عصا

اقرب ياحمدي

صح لسانك يابن مغبش شاعر وربنا وربك الله .

 

[خالد الهذلي]

تسلم والله يامشهور ويكفيك فخرا ان جدك قائد الغزوه المشهوره ضد الاتراك

 

[أبو حمدان]

وش حكاية المحاورات اليوم اللي ماتكتمل
كل مابدع شاعر ماجاء خصمه

تكفون اللي يبغى يلعب مع شاعر آخر يراسله أول شي ويبلغه
بالمحاورة وياخذ رأيه على شان يكون فيه تواجد من لشاعر

الآن محاورتين أو ثلاث كلها يبدع فيها أحد الشعراء ولايجد رد
بسبب أن الشاعر الآخر ماعنده علم عن المحاورة

نتمنى أن يكون هناك تنسيق بين الشاعرين قبل المحاورة

 

[خالد الهذلي]

السلام عليكم ورحمة الله وبركاته

حياك الله يامشرفنا الغالي ابو حمدان والله انا شفت الاخ حمدي موجود اليوم ولكن بعدها ماعاد لقيته ملاحظه في محلها والله لا يهينك

 

[خالد الهذلي]

تعديل بعد ماهود الليل ههههههههه

سلام والليله نويت امشي ورا جره شعيل
وليا لقيت شعيل انا بعطيه من ظرب العصا
اما هدر ولا رغا ولا برك حتي يشيل
وانا ادري انه ياوجيه الخير ما مره عصا

.............................................................................وسلامتكم

 

[حـمـدي الهـذلـي]

الأخوة مشرفين وأعضاء الذين تواجدوا هنا ..

السلام عليكم ورحمة الله وبركاته

أعتذر لعدم تواجدي معكم لأني والله لم يكن لدي علم بتواجدكم

الأخ ابن مغبش .. تحية عطره .. ياخوك والله مانتبهت لأني دخلت

وخرجت بسرعة .. وتركت الجهاز مفتوح وخرجت لظرف طارئ

وعندما عدت لم أجدكم .. وفي الليل رجعت بعد الساعة واحده ..

والدعوة لافيها ذله ولاشي وكلنا عيال عم ولابننا خسران ..

ولو تضايقت مني ابشر .. لأني حسيت انك فهمتني خطأ ..

أنا رديت على الأخ ميعاد هذيل ويعلم الله بعد اعتماد الرد وجدت

ردك قبلي .. وعندما وجدتك لم تنبه ميعاد للخلل رديت عليك ..

واكتشفت انك غير موجود .. وهذي مشكلة محاورات النت ..

وسوف أتواجد بأقرب فرصة لتكملة بدعتك الموجوده هنا .. لأني

مارضيت أرد وأنت غير متواجد .. والمعذرة من الجميع ..

 

[خالد الهذلي]

وعليكم السلام ورحمة الله وبركاته

الله يصبحكم بالخير اعضاء ومشرفين اشكر الاخ حمدي علي اخلاقه الرفيعه وتعامله الراقي وانا ادري والجميع يدري انه مايعرف الذله وقد يكون قد حصل تصادم في المحاوره ولكني كسبت معرفه جديده افتخر بها الاخ حمدي القصيد ليس كل شي دن دن يابن عمي وعساك علي القوه وبالنسبه للبدعه انشاء الله نتقابل واغيرها بما يتناسب مع واقع الحال لاني خسرت قاف وكسبت رجال.............................وعلمي وسلامتكم

 

[حـمـدي الهـذلـي]

تعديل بعد ماهود الليل ههههههههه

سلام والليله نويت امشي ورا جره شعيل
وليا لقيت شعيل انا بعطيه من ظرب العصا
اما هدر ولا رغا ولا برك حتي يشيل
وانا ادري انه ياوجيه الخير ما مره عصا

.............................................................................وسلامتكم

أخوي .. بن مغبش .. لم اجد الوقت المناسب لتكملة الطاروق

الظاهر انك تنام بدري ههههههههه .. لذلك رأيت أن ارد على

بدعتك .. مؤقتاً ولنا لقاء ان شاء الله ..

اســــــــــــــــــــــــــتلم ..

[poem=font="arial,5,#008000,bold,normal" bkcolor="" bkimage="" border="none,1," type=2 line=1 align=center use=ex num="0,"]
يامرحبا وشعيل للسارين في الطرقه دليل=وليا لقيته غصب قلت الحق دوبه حص حصا

يهدر ويبرك للثقيله بختصار اهوَ الشليل=يوم ان بعض الناس لايرمي ولايدني حصا[/poem]


لك احترامي وتقديري .. والقادم أحلى

 

[خالد الهذلي]

السلام عليكم ورحمة الله وبركاته

الله الله

يلي زرعت الحنظله ويش عاد باقي لك حصيل
ماتدري ان الحنظله ماهي بظل ولا دوا

الفرق بين مثل ما فرق الكثير من القليل
ارخيت صوتك بعد ما لجيتني بكثر الدوا

 

[خالد الهذلي]

السلام عليكم ورحمة الله وبركاته

تعديل بعد ما طار النوووووووووووووم

يلي زرعت الحنظله ويش عاد باقي لك حصيل
شيا حصيته ياعميلي وشي باقي منحصا
الفرق بين مثل ما فرق الكثير من القليل
ارخيت صوتك بعد ما لجيتني بكثر القصا