يبن مغبش لاهنت

[منور]

يبن مغبش نبي نسهر وناخذ علومك
والعلوم الجميله كل طيب يبيها

حامض العلم هاته قبل تقفي نجومك
خبرن عن حوال الارض واللي عليها

 

[عماد الهذلي]

السلام عليكم ورحمة الله وبركاته


الله الله

صح لسانك يامنور


ننتظر ابن مغبش


متابعين

 

[منور]

الغالي عماد

صح بدنك ولاقصرت على مرورك المشرف

 

[خالد الهذلي]

السلام عليكم ورحمة الله وبركاته

الله يصبحكم بالخير اعضاء ومشرفين والله يا اخ منور ما كنت موجود وقت البدعه اتشرف بالعب معك ولا ودي ارد وانت منت موجود لكن لنا لقاء انشاء الله واعذر اخوك الي ما يحب السهررر ..........................وعلمي وسلامتكم

 

[منور]

يالغالي ابن مغبش

مسموح يالغالي ولاقصرت

والوعد بعد العشاء يالمحترم ان فضيت

 

[خالد الهذلي]

السلام عليكم ورحمه الله وبركاته


هيه...........................

مرحبا ماعرفنا شاهدك من وسومك يامنور ترا العربان فيها وفيها
ودي اني لقيتك عند حزه قدومك كان نذبح لكم حايل تعلق بيديها

 

[خالد الهذلي]

يالربع ويش السالفه هذي ثاني ملعبه ماتكتمل والله اني كاب اشغالي ومقابل هالجهاز وانتظر .
مره ثانيه الي وده يلعب معي يتفق معي علي موعد بين .........................وعلمي وسلامتكم

 

[منور]

اخوي ابن مغبش
ارجو السموحه عن عدم تواجدي البارح,,,ويشهد الله انه بسبب الشبكه كانت مقطوعه البارحه,,,,ومع ذلك ابشر بالحق

واما حايلك فموفوره لك وماقصرت ربعك ماقصروا قبلك اكرموني اكرام صح بالردود,,,,وبالمحاوره مع النشمي سهم هذيل والوافي فواز

وبالنسبه انا من وين فالضيف في حكم المعزب وقد نشدني الشاعر فواز وعلمته ,,,,وان بغى رئيس الموقع البطاقه الشخصيه ليتضح اسمي وقبيلتي فعلى العين والرأس ماعلينا كلافه بس اهم شئ ترضى

وهالحين انا موجود وابشر باللي تبي وقدامك المحاوره ان بغيت تلعب والا على كيفك

ولك تحياتي

 

[خالد الهذلي]

الاخ منور الله يحييك تحيه المطر عندي وعند ربعي الهذلان وانا ما زعلت عشان ارضي وبالنسبه للحايل فهذي محاوره فيها نقض وفتل وقد يكون فيها نوع من الفكاهه واما عن البطاقه الشخصيه فمن المهم معرفه مع من اتقاصد ان كان قريب عزيته وان كان حريب حديته ...................................وعلمي وسلامتكم