ماعاد باقي غير رمي عمامتي وعقاليه !! بن قاسي

[هشام الهذلي]

الله الله

[poem=font="arial,5,#8b0000,bold,normal" bkcolor="" bkimage="" border="none,1," type=2 line=0 align=center use=ex num="0,"]
حنّا نحب الوقفه اللي كنّها صمّ الجبال = ونزعل على ميقاف مايشرى بربع رياليه


لولاك راعي كيف وتقدّم مباهير الدّلال = ماكان قلنالك سلام الله وكيف الحاليه[/poem]

الله الله


طيب يا فواز طيب


لولاك راعي كيف وتقدّم مباهير الدلال ,,, ما كان قلنا لك سلام الله وكيف الحاليه


وأنا أشهد

 

[فواز السعيدي]

اسلم يابو سعود



الله لايهينك يابعدي

 

[فواز السعيدي]

وينك يابو بساااام



محتاجين تنسيق لاهنت

 

[بن قاسي الهذلي]

الله الله:

واحنا بعد مانكره اللي لا مشى مشيه عدال:::يمشي على وضح النقا ماننقصه مكياليه

ياراعي الكيف استوت هرجه على كل الحوال:::اما تجمعنا سوى ولا بتقعد خاليه

 

[بن قاسي الهذلي]

وأنا أشهد

ماعليك زود يابو سعود

 

[هشام الهذلي]

الله الله:

واحنا بعد مانكره اللي لا مشى مشيه عدال:::يمشي على وضح النقا ماننقصه مكياليه

ياراعي الكيف استوت هرجه على كل الحوال:::اما تجمعنا سوى ولا بتقعد خاليه

يا سلام يا سلام


( سوى ) هذا آخر كلامك ؟؟؟ هههههه


صح لسانك يا ابن قاسي

 

[فواز السعيدي]

اما تجمعنا سوى ولا بتقعد خاليه






اما تجمعنا سوى ولا بتقعد خاليه




اما تجمعنا سوى ولا بتقعد خاليه






اما تجمعنا سوى ولا بتقعد خاليه



الله الله


ياسلام يامبدع


لا والله سوا سوا ان شاء الله


صح لسانك يامبدع


وشكرا لكل من تابعنا


والمعذرة على القصور

 

[ابوفهد الياسي]

مساء الخير لجميع الحضور

الشاعر فواز الهذلي

الشاعر بن قاسي

 

[بن قاسي الهذلي]

( سوى ) هذا آخر كلامك ؟؟؟ هههههه

نعم نعم يابو سعود هههههههههههههههه

 

[بن قاسي الهذلي]

مساء الخير لجميع الحضور

الشاعر فواز الهذلي

الشاعر بن قاسي

مسا الخير ياحكيمنا الغالي

 

[بن قاسي الهذلي]

شاعرنا الكبير فواز بن عايش السعيدي


تشرفت باللعب معك


واشكر كل من تواجد معنا



دمتم بخير

 

[فواز السعيدي]

هلا يابو فهد


حي الله هالطله


نورتنااا

 

[مطرفي الدلم]

يعطيكم العافيه يافواز وبن قاسي محاورة راائعه فاتتنا لكن الجايات أكثر .

تحيااتي .

 

[شاام]

كم ماشي يابن قاسي؟؟؟؟

هد السرعه ياشيخ

هههههههههههههههههه ههههههههههههههههههههههههههه

شعرائنا عم يبدعو ...

وابو المثلم ابداع كمان ... ولحقو بن قاسي ...

اتركهم شوي ورح يطلعو لغة جديدة


بس والله اللمة حلوة ..

زكرتوني بالصفة ...

 

[هذلي والفخر لي]

وينك يابو بساااام



محتاجين تنسيق لاهنت

استلمو ولا تدققون تكفون



فواز


يامرحبا بالشاعر اللي جالـه الليلـه مجـال
لو كـان مـن نـاسٍ تغـلاّ والحقيقـه غاليـه

انا نصيتك في لزوم اتسدّه ازحول الرّجال
وش عاد لو اني رميت عمامتي وعقاليـه



بن قاسي

دام البقا من هاجسٍ جاوب كريمين السبال::::::اللي لهم عند العرب قدر ومكانه عاليه

ماني براكبها سوا لابد تعرف هالمثال::::::::اسلم وسلم لي على هاك القلوب الساليه



فواز


الله يذكر خادم البيتين باطيب مايقال
كل النّشاما تشكر انجازاته المتواليـه

هذا جزا اللي ودّه يورّدك للعد الزّلال
بغيتك تعدّي معي في عالي المنزاليه


بن قاسي

هذاك يلقاها في دار الاخره وقت الكيال::::مير الذلول ام الرسن ياهي لكم والا ليه

انا وردت العد يوم الوقت ميلاته جزال:::::اشوم عن كل الدلي واشرب بدلو لحاليه


فواز


تعال في صف الرّجال اهل الشّهاميّه تعـال
لاتقصـر ايمينـك عـن الهـذلان يارجّالـيـه


كلمتك هاذي وش تبا مردودها يبن الحلال
ليتـك مقفّـل خزنـتـك والهـاتـف الجوّالـيـه


بن قاسي


ابك انت صاحي ياولد مايوم حطيت الثقال ::::اركي لها مع لابتي مركى جمل وجماليه

ابيك ترجع للشداد اللي من الممقرود مال::::العقل ينقص لا هرجنا في العلومٍ الباليه


فواز





ياصاحبي يالخالدي تفشل فنون الانتحـال
لاتنتحل شخصية اللي صان راس الماليه

انته نسيت الوقت والدنيا نزولٍ وارتحال
لو جـا نظـام السعـودة ماشفتلـي بنقاليـه


بن قاسي

لك ثوبٍ ابيض تلبسه واخر بعد وقت الزوال:::احترت اميز في خطى بكره تدرهم جاليه

الله يثبتنا على طاعه وذكرٍ وابتهال:::::والا شياطين البشر في جوف نارٍ صاليه


فواز

حنّا نحب الوقفـه اللـي كنّهـا صـمّ الجبـال
ونزعل على ميقاف مايشرى بربع رياليه


لولاك راعي كيـف وتقـدّم مباهيـر الـدّلال
ماكـان قلنالـك سـلام الله وكـيـف الحالـيـه


بن قاسي

واحنا بعد مانكره اللي لا مشى مشيه عدال:::يمشي على وضح النقا ماننقصه مكياليه

ياراعي الكيف استوت هرجه على كل الحوال:::اما تجمعنا سوى ولا بتقعد خاليه

 

[هذلي والفخر لي]

عسى مانسينا شئ بس

 

[فواز السعيدي]

تسلم يابو بسام


وافي وضافي



ولايهون بقية الربع

 

[أبو حمدان]

خسارة مادريت عن المحورة
والله محاورة مثل هذي ماتتفوت لكن حسبي الله على الظروف
اللي ماخلتني أدخل بدري لأستمتع بمحاوة الكبار
فواز الهدلي
و
بن قاسي

صحت السنتكم وبيض الله وجيهكم

 

[ابو محمد الخالدي]

صحت ألسنتكم وبيض الله وجيهكم على المحاورة الرائعة يابن قاسي و فواز

الله لايهينكم

 

[راعيها]

بيض الله وجيهكم محاوره رائقه بقوه شعراء كبار لاشك فواز الهذلي+بن قاسي

= قمة الابداع ,,,,,,,,,,,,,,, يعطيكم الف عافيه