اترككم معها
دنيـاك هـذي كلهـا هـز قـاووقماتعرف الصاحب من اللي معاديـك
واكثر كلام الناس بالمكـر والبـوقيهرج معك واليـا تقَّفيـت يرميـك
المال دايـم صاحبـه مرتفـع فـوقوالقل خايب لـو ترفعـت يرخيـك
عزي لمن دور لهـا عنـد مخلـوقامـا بخـل ولامنـن يـوم يعطيـك
اوصيك باالطيب ان كـان لـك ذوقارمـه وراك ولازم انـه يلاقـيـك
ياالعبد هون كـل مطـرود ملحـوقلا تشتحن لـك ربٍ ماهـو مخليـك
اللي جعل لك روح جاعلك مرزوقكما تكفل بـك مـن الخلـق كافيـك
يعطي وباب الرزق ماهوب مغلـوقواليا طلبته وانـت محتـاج يعطيـك
الرزق له حبسه وله وقت مطلـوقوان مت ظل عنـد قبـرك يناديـك
والموت جايك لو تقع جوف صندوقدع عنك ما بك من حـذر لا يعنيـك
لا تشتغل بالمال ترى المال ممحـوقمـا مالـك إلا مـا تمـده أياديـك
إن كان مالك يا فتى ضيـق السـوقتراه عند المـوت ماهـوب منجيـك
الجار والعاني لهم شـرط وحقـوقوالضيف واجب تكرمه يوم يلاقيـك
وان كان تبي تاخذ المـدح مطبـوقخلك مشمر دون ضيفـك وعانيـك
صون الامانه واظهر الهرج بصدوقولا تعاشر صاحب البـوق يعديـك
لا تصحب الخاين ولا تامـن الّنـوقوان لاح برق الحيـا عـذّرت فيـك
والدرب لا تامنـه لوكنـت مرفـوقالا بحـدٍ فـي يميـنـك يبـاريـك
اترك طريقة كل عاشـق ومعشـوقترمي بروحك باالشرك ثـم يرميـك
والكلب مايتبعك لـو تلبسـه طـوقولا خلاخيـل الذهـب مايراعـيـك
وباالصبر تغلب صاحب العزم ياشوقوالعزم طيب مير حـزات يرميـك
وافرح ليامنك عـن الشـر مـدروقواحذر صديقك واحذر الي يواليـك
هذا كلام الصدق ماهـوب مسـروقوابيـات ياقلبـي بنـاهـا يسلـيـك
من هاجس يطمي كما بحر صافـوقاحذر على القلب الشقي يوم يطريك
يارب تجعلني مـن النـار معتـوقواجعل ختامي طيبـا يـوم الاقيـك
