يا عتابه الفخر.. هذا زمنا

[سعد القثامي]

السلام عليكم

شاش راسي وكتبتها في ربعي الهيلا

وبدون قصور في باقي القبائل


[poem=font="arial,5,#8b0000,normal,normal" bkcolor="" bkimage="" border="none,1," type=2 line=0 align=center use=ex num="0,"]
دربنا العز ومراسيمه وطنا=إنتهاضة قامه وطيب وصلابه
إنشد التاريخ هو وش عد عنا=اللسان السيف والتفكير لابه
والفعل مجدٍ ترزم ثم تبنا=حافله بالمكرمه سيرة عتابه
وصلهم كنك زرعت الأرض حنا=وصدهم تنكيس أعلام وكآبه
يا عتابه الفخر.. هذا زمنا=إنتصارات وحضارات وحبابه
إيه حنا فارس الفريس منا=ايه حنا في مواقفنا ذيابه
إيه حنا نصنع التاريخ حنا=مانهاب الموت مانخشا إقترابه
لاإنتخينا جاك حرٍ ماتونا=ولاإنتحينا مثل ماتنحي سحابه
ولاإنتثرنا بالمطر غيثٍ يدنا=وإن حضرنا ماحضرنا بالنيابه
إن فزعنا قامت بروقٍ تثنا=وإن جزعنا راحت الدنيا خرابه
يوم أخو عبده تحامانا وكنا=إنخلقنا روس وأرقاب ومهابه
إنشد التاريخ هو وش عد عنا=حافله بالمكرمه سيرة عتابه[/poem]

وسلامتكم

 

[عماد الهذلي]

السلام عليكم ورحمة الله وبركاته


صح لسـانك ،، ياسعد ،، صح لسانك

ونعم بك وبقبيلة عتيبة ،، يستاهلون المدح.

قصيدة جميلة ،، ولاهي غريبة على شرواك ،، ضشاعر ولك حضورك الأنيق....


ملاحظة لاتنقص النص جماله،، في قولك:

يــا عتـابـه الفـخـر.. هــذا زمـنـا

أعتقد الشطر ينقصـه ،،، كلمة ، أو حرف،،ربما سقطت سهوا،،


تحية طيبة

 

[سعد القثامي]

السلام عليكم ورحمة الله وبركاته


صح لسـانك ،، ياسعد ،، صح لسانك

ونعم بك وبقبيلة عتيبة ،، يستاهلون المدح.

قصيدة جميلة ،، ولاهي غريبة على شرواك ،، ضشاعر ولك حضورك الأنيق....


ملاحظة لاتنقص النص جماله،، في قولك:

يــا عتـابـه الفـخـر.. هــذا زمـنـا

أعتقد الشطر ينقصـه ،،، كلمة ، أو حرف،،ربما سقطت سهوا،،


تحية طيبة

صح بدنك وماعلك زود وشهادتك فخر لي

اما عن الملاحظه

مافي البيت نقص ولا شي

اذا انت تشوف في البيت شي يخل في المعنى ولا الوزن ولا القافيه ابده لي

ودمت بخير ...

 

[خالد الهذلي]

صح لسانك ونعم بك وبربعك عتيبه دائما قصائد الفخر يكون لها طابع حماسي خاص اشكر الشاعر علي هذه القصيده
واضم صوتي الي صوت الشاعر الذي اشار الي وجود خلل في البيت:

ياعتابه الفخر هذا زمنا...................

واعتقد ان الصواب:
ياعتابه الفخر هذا هو زمنا...................

اشكرك مره اخري علي القصيده............................................وعلمي وسلامتكم

 

[عماد الهذلي]

السلام عليكم ورحمة الله وبركاته


أخي الغالي وشاعرنا سعد


أنظر ماقاله ،،ابن مغبش،، ستجد البيت ينقصه فعلا ،، كلمة.....وهذا ماقصدته،،

عموما هي وجهة نظر ،، ويبقى القرار الأخير لك..

تحية طيبة

 

[هشام الهذلي]

ونعم فيك وفي ربعك

والفخر ضرباً من ضروب الشعر

صح لسانك


وأتفق مع الأخوان

البيت بالفعل فيه كسر

حيث فيه زيادة ونقص

الزياده في الهاء من عتابه

والنقص بمقدار حرفين متحرك ثم ساكن بعد ( هذا ) أو قبلها .

تقبل مروري

 

[عزيز قوم]

ونعم بعتيبه تستاهل هذه القصيده

 

[أبو حمدان]

والنعم فيك وفي الهيلا كلهم
وصح الله لسانك وعلا شانك

 

[جميل المطرفي الهذلي]

اخي سعد قصيده جزله من رجل جزل وفي قبيله عريقه تستاهل المدح وثناء
واتقدير لها تاريخها مثل با قي القبايل وامن حقك ان تفخر بقبيلتك بل واجب عليك مدحهم وعتيبه غنيه عن اتعريف با افعالها وامجادها وتاريخها 0وملاحظة الاخوان على القصيده وخاصه ملاحظة الشاعر بن مغبش انته تقول (ياعتابه الفخرهذازمنا)
وتعديل بن مغيبش ((يا عتابه الفخر هذا هو زمنا)) في الحقيقه ان بن مغبش لم يوفق في اتعديل فقد طال الشر واختلف عن وزن باقي الابيات وانت نقصت حرف فا لو قلت ( ياعتابه ياالفخر ذا زمنا) هذا واراي الاول والاخر لكبار الشعراء والمفكرين وانقاد علماً واللامانه ان ماقلته لايخل با القصيده والاكن فيه ثقل واضح
تقبل مروري وتقبل تحياتي وتقديري


9[/size][/color]

 

[سعد القثامي]

كلن با اسمه

ماعلك زود

واتقبل ارايكم وانتقاداتكم بصدر رحب

والبيت مافيه كسر يا هشام الهذلي

بس السالفه اختلاف اذواق وارى

ويقول الشاعر سعود ابن مناور العتيبي

لو يتفق ذوق البشر كان اكثر العالم تبور=يسطي خلف هذال فالاذواق ثم يحتلها

دمتم بحفظ الباري ...

 

[راع الاوله]

ونعم بعتيبه الهيلا

وصح لسانك ياسعد

تقبل مروري وتحياتي

 

[سعد القثامي]

صح بدنك

وماعلك زود

وشاكر لك

 

[هشام الهذلي]

واتقبل ارايكم وانتقاداتكم بصدر رحب

والبيت مافيه كسر يا هشام الهذلي

بس السالفه اختلاف اذواق وارى

ويقول الشاعر سعود ابن مناور العتيبي

لو يتفق ذوق البشر كان اكثر العالم تبور=يسطي خلف هذال فالاذواق ثم يحتلها

دمتم بحفظ الباري ...

اخوي سعد القثامي

عند حديثي عن ( الوزن ) كنت بعيد كل البعد عن المسألة الذوقية فأنا لم أقل الوزن لم يعجبني بل قلت الشطر مكسور

والمسألة هنا مسألة أشبه ما تكون ( بالمعادلات الرياضية ) ومسألة الرأي فيها لا يقبل القسمة على أثنين فإن لم يكن الشطر صحيح الوزن فهو مكسور وينتهي الجدل عند هذا الحد


عموماً أخي


أنا ما زلت مصر على رأئي ولست أول من صرح به ولست الأخير أيضاً فأغلب من مر على القصيدة أشار للكسر


ولكن إن كنت أنت مصر على رأيك


فنرجو أن توضح لنا حجتك


لكي نستفيد فقد نكون جميعنا على خطأ


تقديري لك

 

[سعد القثامي]

هلا هشام

الربع قالو ان البيت فيه نقص
وابن مغبش عدله كذه
ياعتابه الفخر هذا هو زمنا
وجميل قال
ياعتابه ياالفخر ذا زمنا

وانت تقول انهم قالو ان فيه كسر

على العموم انا لا ارى ان في البيت كسر

وراضي كل الرضاء عن القصيده

وشاكر لك

 

[ابنة هذيـــــل]

صح الله لسانك يا ابن عتيبة والنعم بك وبربعك
لا هنت قصيدة رائعة ولا تهون باقي القبايل

 

[سعد القثامي]

ماتهاب

صح بدنك وماعلك زود

وشاكر لك

 

[كنترول العالم]

والنعم فيك يالغالي قصيده روووووعه وجمال وتستاهل قبيلة عتيبه ربع وفا وطيب

ومن رايي بالقصيده مابها كسر وافيه من وافي والبيت اللي تحدثو عنه الاخوان انا غنيته ولابه كسر ووزنه متفق مع باقي الابيات

تسلم والله يحيك في مجالس هذيل ,,,,,,,تقبل مرووووووري

 

[ابو ذياب]

صح لسانك
قصيده وافيه من شاعر جزل
واعتقد ان البيت الذي اختلفوا فيه الاخوان سليم من الكسر
ربما لو قال الشاعر( ياعتابه عزوتي هذا زمنا)
لكانت الصوره اوضح
ولكن رغم ذلك فالبيت سليم من ناحية الوزن ميه بالميه
وانا اختلف مع الاخوان
والله يعطيكم العافيه جميع

 

[بث تجريبي]

والست أنعام بك وبربعك الهيلا

سعد القثامي شاعر جزل لا يشق له غبار

وتتمتع بخلق راقي وحس جميل

وشهادتي فيك مجروحه لكونك أحد أعضاء مجلسنا الموقر

أستاذي الفاضل أرى أن ملاحظة الأخوان في محلها كون أن هناك
كسر في البيت رغم أني لست شاعر لاكني

من محبيه ومتذوقيه

تقبلي مروري بصدر رحب

دمت مبدع

 

[هذلي والفخر لي]

صح لسانك اخوي سعد

نعم فيك وفي قبيلتك كلها

مايلحقكم شك


وبالنسبه للاختلاف الحاصل على اذا ما كان البيت مكسور ام لا

فيختلف الحكم باختلاف التشكيل على البيت

فعندما تضع فتحه على حرف الهاء ( في كلمة عتابه ) وايضا فتح الفاء والخاء وتسكين الراء ( في كلمة الفخر )

ستجد البيت سليم من الكسر تماما


هذا اللي عندي بهذا الخصوص

وموفق اخوي سعد