قصة حلووووووة

[ملكة الحرف]

قصده حلووووووه

--------------------------------------------------------------------------------

يازين يوم اني أنا وانتي صغار
توما لبست شماغ وانتي عبايه

بالطول ماناصل ولا خمسة أشبار
دايم نقيس أطوالنا بالمرايه

مابيننا شين نخبيه وأسرار
ماغير لعب اطفال كل الحكايه

ماهمنا موجز ولا نشرة اخبار
التسليه صارت وسيله وغايه

وان جا فلم كرتون للقطو والفار
نجلس نتابع قصته للنهايه

بالمدرسه نزعل على شان الاصفار
انتي سبب لعبك وأنا من غبايه

ياما تهاوشنا على كيس فيشار
انحاش به وافرح بطردك ورايه

وان قلتي يابندر ياويلك من النار
اخاف واستسلم وأبين خطايه

والى ضربتيني تقل بيننا ثار
وان قلت كافي قلتي ماهو كفايه

والى خلصتي ضرب بيمين ويسار
اخذتي الفيشار واللي معايه

والى زعلت وقلت ابا اروح للدار
صحتي وقلتي آسفه يا غلايه

وأصدقك وأفرح بعد ذيك الأعذار
وأجيك لا حاقد والا أحمل وشايه

بس لو اشوفك مع بشرغيري أغار
لو كان اخوي أو من أعز اصدقايه

وأركض لخوك أقول شفها مع اكبار
عشان يفرض لي عليك الوصايه

هذي طفولتنا براءه وتذكار
دايم نحن اليا ذكرنا البدايه

واليوم ابا اكتبها سواليف واشعار
وأفكر انتجها بفلم وروايه

--------------------------------------------------------------------------------

 

[جميل المطرفي الهذلي]

والله ماني فاهم شئ تلخبط كياني ونا منول ما اتلخبط اهب عليك وجبتي وش قلتي المهم القصيده في الطفوله والله ذكرتني طفولتي والاعب مع الصقار في المدرسة كيف ترجع يازمن تقبلي مروري وتقديري واحترامي والا قصة حلووووووووه يــــــــــــــا-----

 

[خالد الهذلي]

يالربع ويش السالفه الظاهر الاخ نقل الموقع بكل مافيه مدري الاخ هكر ولا ايش السالفه ..........................................................؟؟؟؟؟؟؟؟؟؟؟؟؟؟؟

 

[أبو حمدان]

الموضوع ومافيه حسب ظني
الأخت وجدت القصيدة وأعجبتها وتبغى تنقلها لنا
تدرون وش سوت ؟؟؟
ضغطت ( ctrl ) مع حرف ( A ) يعني تحديد الكل

هذه الطريقة تقوم بتظليل كل شي موجود بالصفحة ثم أعطت أمر
( نسخ )
ثم أتت وفتح هذا الموضوع وأعطت ( لصق )

والصق كل ماتم نسخه بما فيه القصيدة المستهدفه وتورطت

هذا حسب ظني والله أعلم

 

[سلطان السويهري]

الموضوع ومافيه حسب ظني
الأخت وجدت القصيدة وأعجبتها وتبغى تنقلها لنا
تدرون وش سوت ؟؟؟
ضغطت ( ctrl ) مع حرف ( a ) يعني تحديد الكل

هذه الطريقة تقوم بتظليل كل شي موجود بالصفحة ثم أعطت أمر
( نسخ )
ثم أتت وفتح هذا الموضوع وأعطت ( لصق )

والصق كل ماتم نسخه بما فيه القصيدة المستهدفه وتورطت

هذا حسب ظني والله أعلم

برافووووووووو عليك

ويمكن يكون الشغله مقصودة

شكرا يا سحاب

 

[ملكة الحرف]

المعذرة المعذرة الموضوع ومافيه كما قال الأخ ابو حمدان غلط مطبعي.....وأرجو من المسؤلين تغيره تقبلوا شكري وعتذاري..

 

[ابنة هذيـــــل]

وات هابن وات از ذا براقراف
اي كانت اندرستاند اني ثنق

هههههههههههههه بالعربي والله ما فهمت غير انها بالعربي

 

[الـمـطــ الهذلي ــــرفي]

قصيده حلووووووه

--------------------------------------------------------------------------------

يازين يوم اني أنا وانتي صغار
توما لبست شماغ وانتي عبايه

بالطول ماناصل ولا خمسة أشبار
دايم نقيس أطوالنا بالمرايه

مابيننا شين نخبيه وأسرار
ماغير لعب اطفال كل الحكايه

ماهمنا موجز ولا نشرة اخبار
التسليه صارت وسيله وغايه

وان جا فلم كرتون للقطو والفار
نجلس نتابع قصته للنهايه

بالمدرسه نزعل على شان الاصفار
انتي سبب لعبك وأنا من غبايه

ياما تهاوشنا على كيس فيشار
انحاش به وافرح بطردك ورايه

وان قلتي يابندر ياويلك من النار
اخاف واستسلم وأبين خطايه

والى ضربتيني تقل بيننا ثار
وان قلت كافي قلتي ماهو كفايه

والى خلصتي ضرب بيمين ويسار
اخذتي الفيشار واللي معايه

والى زعلت وقلت ابا اروح للدار
صحتي وقلتي آسفه يا غلايه

وأصدقك وأفرح بعد ذيك الأعذار
وأجيك لا حاقد والا أحمل وشايه

بس لو اشوفك مع بشرغيري أغار
لو كان اخوي أو من أعز اصدقايه

وأركض لخوك أقول شفها مع اكبار
عشان يفرض لي عليك الوصايه

هذي طفولتنا براءه وتذكار
دايم نحن اليا ذكرنا البدايه

واليوم ابا اكتبها سواليف واشعار
وأفكر انتجها بفلم وروايه

--------------------------------------------------------------------------------







رد: قصده حلووووووه

--------------------------------------------------------------------------------

بس لو اشوفك مع بشرغيري أغار
لو كان اخوي أو من أعز اصدقايه


--------------------------------------------------------------------------------

بعد التعديل

 

[حامد السالمي]

الأخت المكرمة سحاب ، تحية وتقدير وشكرا لك على هذه المشاركة التي أعادتنا إلى سنين الطفولة العبقة ، ولقد شدني ما فيها من براءة وعفوية وبساطة

إلا أنني تفاجأت بالمكر والدهاء لدى هؤلاء الأطفال :

بس لو اشوفك مع بشرغيري أغار ///لو كان اخوي أو من أعز اصدقايه
وأركض لخوك أقول شفها مع اكبار /// عشان يفرض لي عليك الوصايه

ههههههههههه