أسمعوا ياعيالي ..... اللي ماله أول ماله تالي

[أبو حمدان]

عادي مو بلازم اصل اهم شي شاركت وادليت بما سمعته من كبار السن عندنا اي في قبيلتي وشكرا

احسنت أيتها ألخت الفاضلة
والحقيقة أجوبتك أعجبتني كثيراً

وترى للمعلومية يابو بسام ترى عندنا العنز يقولون لها ( شاة )

 

[هذلي والفخر لي]

ماشاء الله حلوها الأخوان قبلي

ابو حمدان اعذرني لغيابي اليومين اللي عدت

واعتبرني مداوم الأيام اللي جايه المعذره مره اخرى

وياخوفي طب علينا الحكومه هاليومين فالديره

كل ماتعدى ونيت الآه ماليان حشيش

بعضه معوشر وبعضه صلايب ههههههههههههه

وين يا عمر؟؟

ماحد حلها كلها ترى

ننتظرك للمعلوميه

وخل المعوشر عنك

ترى الدرابيس امتن من بعض الصلايب ههههههههههههههه

ها يابو حمدان : تعرف الدرابيس؟؟؟؟؟؟؟؟

 

[حر أنا]

اعتقد ان الشاه الشقاء

اللي ما معها الا ديد واحد


<< وش ذا الولد

ههههههههههههههههههههههههههه

 

[أبو حمدان]

ها يابو حمدان : تعرف الدرابيس؟؟؟؟؟؟؟؟

أيو والله اعرفها جيداً
الدرابيس ياطويل العمر هي حبال تعمل بنفس طريقة الصلايب
يتم برمها مع بعضها ولكنها مصنوعة من نبات الرقم والقطبه والسيالة ومجموعة من النباتات المختلفة تجمع مع بعضها وتحبل مثل الصلايب ونظراً لتنوع النباتات التي بها سميت درابيس لأنه حتى شكلها يكون غير منتظم لتنوع النباتات اللي فيها وحجم حبالها أسمك وأكبر من حبال الصلايب والبعض يجمعها ويجعلها على شكل صلايب كل خمسة أوأربعة حبال مع بعض .
.

أما الصلايب فهي التي تعمل من الحشيش المعروف بإسم ( النجم )
وهو نبات يشبه النجيلة التي تزرع بها الملاعب الرياضية ولكنها أطول منها وفي أعلاها يكون شكل يشبه النجمه لذلك سميت بالنجم .

 

[ابنة هذيـــــل]

يا اخوي هذلي تراني ماني زعولة مير البلا المود اي المزاج مااااش وانا اختك
والله يسامح من عكر مزاجي .. وعلى راسي انت ومزوحك يا الغالي
ابو حمدان والله ماهو حاس بجمرتي الا انت مشكور

 

[هذلي والفخر لي]

اعتقد ان الشاه الشقاء

اللي ما معها الا ديد واحد


<< وش ذا الولد

ههههههههههههههههههههههههههه

علي الملازيم انك صح

بس جابوها قبلك هههههههه

 

[هذلي والفخر لي]

أيو والله اعرفها جيداً
الدرابيس ياطويل العمر هي حبال تعمل بنفس طريقة الصلايب
يتم برمها مع بعضها ولكنها مصنوعة من نبات الرقم والقطبه والسيالة ومجموعة من النباتات المختلفة تجمع مع بعضها وتحبل مثل الصلايب ونظراً لتنوع النباتات التي بها سميت درابيس لأنه حتى شكلها يكون غير منتظم لتنوع النباتات اللي فيها وحجم حبالها أسمك وأكبر من حبال الصلايب والبعض يجمعها ويجعلها على شكل صلايب كل خمسة أوأربعة حبال مع بعض .
.

أما الصلايب فهي التي تعمل من الحشيش المعروف بإسم ( النجم )
وهو نبات يشبه النجيلة التي تزرع بها الملاعب الرياضية ولكنها أطول منها وفي أعلاها يكون شكل يشبه النجمه لذلك سميت بالنجم .

ياجعل عيني ماتبكيك يابو حمدان

اثرك مخضرم من سننا جدي؟؟ هههههههههههههههه

 

[حر أنا]

مدري


بس انا شفت كل اللي وصلوا عندها يقولون معرف


وانا اذكر امي لما تحلب المعيز << حلوه المعيز


المهم انها تقول هاتم صخيل الشاه الشقاء خلوه يرضع قبل احلبها


<< جاب العيد

 

[هذلي والفخر لي]

يا اخوي هذلي تراني ماني زعولة مير البلا المود اي المزاج مااااش وانا اختك
والله يسامح من عكر مزاجي .. وعلى راسي انت ومزوحك يا الغالي
ابو حمدان والله ماهو حاس بجمرتي الا انت مشكور

هونيها يابنت الحلال

وخليك في مجلس ابو حمدان

والله وناسه وسعة صدر وعلوم غانمه

 

[هذلي والفخر لي]

مدري


بس انا شفت كل اللي وصلوا عندها يقولون معرف


وانا اذكر امي لما تحلب المعيز << حلوه المعيز


المهم انها تقول هاتم صخيل الشاه الشقاء خلوه يرضع قبل احلبها


<< جاب العيد

ياخوي شقا وتحلبها؟؟؟؟؟؟؟؟؟؟ هههههههههههههه

جبت العيد بشعبان

قول تنشد عن ولدها تبا تشبره

تشبره يعني ترضعه من وحده ثانيه

^^

هذي مجانا

 

[حر أنا]

اجل نسيت انا


ايه صح تشبره

طيب واذا كانت امه راجل وش تسوي <<< اتحداك تحل هذي


ههههههههههههههههههههههههههههههههههههه

 

[هذلي والفخر لي]

ههههههههههههه

الله من القروشه

لحست مخي يا شيخ

 

[أبو حمدان]

اجل نسيت انا


ايه صح تشبره

طيب واذا كانت امه راجل وش تسوي <<< اتحداك تحل هذي


ههههههههههههههههههههههههههههههههههههه

إذا أمه راجل ياطويل العمر يتم مسكها وتمسك رجلها لكي لاترمح بها صغيرها وتنفر منه حتى يرضع صغيرها ويكتفي من الرضاعه وتسمى عندنا (( نافر )) لأنها تنفر من ولدها وترمحه برجلها لذلك سماها بعض الناس (( راجل )).
وعلمي وسلامتك

 

[أبو حمدان]

قول تنشد عن ولدها تبا تشبره

تشبره يعني ترضعه من وحده ثانيه

^^

هذي مجانا

والله اللي مايعرفك يابو بسام يقول إنك من سننا جد أبويه

لكن ماهي منك من عمي ( غالي ) الله يطول بعمره ويحفظه إن شاء الله من كل مكروه.

 

[حر أنا]

إذا أمه راجل ياطويل العمر يتم مسكها وتمسك رجلها لكي لاترمح بها صغيرها وتنفر منه حتى يرضع صغيرها ويكتفي من الرضاعه وتسمى عندنا (( نافر )) لأنها تنفر من ولدها وترمحه برجلها لذلك سماها بعض الناس (( راجل )).
وعلمي وسلامتك

اسلم يا عمو ابو حمدان


طيب انا دائما اسمع امي تقول عساك بالهابي << تدعي على المعيز على ما اعتقد

وش يعني الهابي

 

[هذلي والفخر لي]

والله اللي مايعرفك يابو بسام يقول إنك من سننا جد أبويه

لكن ماهي منك من عمي ( غالي ) الله يطول بعمره ويحفظه إن شاء الله من كل مكروه.

ويطول عمرك ياجدو ههههههههه


يلا عاد

باقي لك حذفة عصا عن الـ 5000

شد حيلك وهاتها الليله هههههه

 

[أبو حمدان]

اسلم يا عمو ابو حمدان


طيب انا دائما اسمع امي تقول عساك بالهابي << تدعي على المعيز على ما اعتقد

وش يعني الهابي

هههههههههههههههه

أقول أعترف هي تقول عساك بالهابي للمعيز على قولتك وإلا لك أنت إذا خالفت أمرها ؟؟؟؟

الهابي ياطويل العمر الأمر الذي يهبي بالشيئ أي يخفيه من الوجود
وهي عندما تقول عساك بالهابي يعني جعلك تهبا ولاعاد تشوف طختك يالبعيد
هههههههههههههههههههه

 

[أبو حمدان]

ويطول عمرك ياجدو ههههههههه


يلا عاد

باقي لك حذفة عصا عن الـ 5000

شد حيلك وهاتها الليله هههههه

وهذي ياطويل العمر غلاق الخمسة آلاف مشاركة
ياالله عاد نبغى إحتفال كبير يليق بالمقام ولاتنسون الذبايح والعلوم الملايح .
مشكور يابو بسام حتى عن هذه الأمور لاتغفل
ماخاب من جعلك مدير عام
تصدق إني ماكنت أدري إني وصلت الخمسة آلاف أو قربت منها لأني ماطالعت في الإحصائيات .

والله إنك ذيب أمعط

 

[حر أنا]

لا الحمد لله امي ما تدعي علي

الا اذا عوزرت المعيز تقول الله يراك عنها اويه عليها

ههههههههههههههههههههههههههههه


طيب يا عمو ابو حمدان

اسمع امي احيان تقول هالشاه عاثر بالدقيق << وش يعني


عمو ما عليه لو غثيتك

 

[أبو حمدان]

طيب طيب

سلام عليكم قبل كوول شئ

ابو حمدان وضع الطريقه على جزأين

الاول خاص بالحلال والغنم وما الى ذلك من بهيمة الانعام:biggrin::biggrin:

والثاني كلمات << مع اني احرقت كل شئ عندي في موضوع المصطلحات:crazy:

عموما استلموا الاسئله :

الجزء الاول :

عنز ذرواء ..... عنز طحلاء ..... عنز صربه .... شاه دخناء .... شاه شقاء


الجزء الثاني :

مغراب ..... نفله ( بسكون النون ) ..... صليبه ..... مصرابه ..... شذره


فيه وحده من الجزء الثاني موجوده في موضوع المصطلحات اللي يدورها يلقاها:wink:

أخوتنا الأعزاء أردت أن أذكركم بالمصطلحات التي طرحها أبو بسام
الكثير منها لم يتم الإجابة عليها حتى الآن بقي 24 ساعة فقط على المهله نأمل التفاعل وأعطونا إجاباتكم قبل أن يطرح أبو بسام الإجابة النموذجيه

الله يوفقكم