منور
سـلام تسليـم لذيـذ الطعـم محمـود الجـنـاب
للصاحب اللي جعل عمره ياهل الطاله مديد
ميعاد لو قالوا له الليله دنـا منـك الحسـاب
ياكيـف حالـه كـان ماجهـز لنـشـاده رصـيـد
ميعاد هذيل
يامرحبا ترحيب والخصمه على قد الجواب
ونته عليك ااديرها والعلم في بيت القصيد
انا مقدم خير ونتـه سـار فـي جـوك ضبـاب
تبغا تعلمني طريـق الخيـر يالرجـل الرشيـد
منور
دام البقا والطيبـه منكـم ومـن عنـدي تجـاب
وان درتها حصلتها واعطيك من عندي مزيد
محشوم مااعلمك يارجال فـي درب الصـواب
لكن ابـي ياصاحبـي بالعيـد تلبـس لـك جديـد
ميعاد هذيل
اناعزاتـي علمتنـي كيـف اعــدي بالهـظـاب
ونقض جواب الرجل في معنـاه ونقـي فريـد
اقلط على المعنى وهات العلم زيك ما يهاب
مــن لايـقـدم حجـتـه لـنـاس ماضـنـي يفـيـد
منور
انا اشهد انك ذيب مايخشى المواقف والصعاب
ربعـك رجـال ولـي بعـد ربـع يـضـدون الضـديـد
الجن يالصاحب يبي يرسل لهـا المولـى شهـاب
معـروف مابـاس شـديـد الا ولــه بــاس شـديـد
ميعاد هذيل
الجن في راسي ونا عندي لكم فصل الخطاب
والنعـم فربـعـك وناربـعـي عـلـى الزايدتـزيـد
ربعي بني لحيان على مجدها ليـن السحـاب
يوم الحرايب هم سنان هذيل والماقـف عنيـد
منور
الا قـريـت الفاتـحـه جـنـك يـبـا يـعـلـن ذهـــاب
انـتـم كـفـو وربعـونـا لـلـي ظـهـر بـايــد تـبـيـد
ربعـي تميـم اللـي علـى الدجـال لابـيـن عــذاب
والرجل من فعله يبا يبني على الساس الجويد
ميعاد هذيل
مضر جمعنا فيك مير الموت في عوج الرقاب
اناخـشـيـر امـجـادكـم والـعـلـم مـاجـبـه بـلـيــد
انكـان ناكرحصتـي الحـق بيـن الـنـاس غــاب
حنا فتحنا مصـر والمغـرب علـى وقـت الشديـد
منور
اي والله انتم سيف قاطع مايخون ابه النصاب
,,,,,,,,,,,,,,معكم بنينا في جميع اوطاننا مجد تليد
الفرس واتراك الخطا منهم مروين الحراب
,,,,,,,,,,,,, واضيقة اللي قال انا بالفعل بالعليا وحيد
ميعاد هذيل
دام اتفقنـا يارفيقـي زيـنـت السـيـف النـصـاب
الله يجمعـنـا مـعـك ياصـاحـب الــراي السـديـد
اخاف بعد اشوي يالصاحب تقول القاف شاب
الحـب عـانـه بالسنـابـل مـيـر يـاقـل الحصـيـد
