علمي بها بأيام سن الطفوله‏ ...!!!

[سلطان الصماني]

[frame="1 50"]علمي بهـا بأيـام سـن الطفولـه

عهد البرائه والغلا بيـن الاطفـال


نلعب ونمـرح وانتلاقـا بسهولـه

نتبادل الضحكه على كـل الأشكـال


لـو اتأخـر يـوم جتنـي ذهولـه

يسوقها لـي الغـلا دون مرسـال


حتى منامي بعض الأحيـان حولـه

متعودٍ معها على الضحـك وجـدال


بالليـل اخوّفهـا ولاهـي زعولـه

تقول ماني خايفـه وانـت حيـال


لاقلت جاك الذيـب جتنـي جفولـه

وليا اشبكتني قلت ياعمري ظـلال


وكم مرةٍ قلـت ادرسـي ياكسولـه

تضحك وتعفشني تقول انت محتـال


ماني سواتك وتحسبنـي مهبولـه

شطّوره ولابي مثل غيـري هبـال


وكـم مـرّةٍ مثّلـت دور البطولـه

افزعلها واسوّي سـوات الأبطـال


كل ماأشتكت من طفل زوّد فضولـه

ابهدلـه واعطيـه كـفٍ ليـاعـال


كبرت وصارت نور عيني خجولـه

واصبح وجودي حولها يسبب اشكال


قالت تضل النفـس يمّـك ميولـه

واشفق لشوفك يابعـد كـل الأزوال


والله ماني مـن وجـودك ملولـه

لكن بلاي بعينهـم صـرت رجـال


زولك طويل وصعب حولي قبولـه

ومرات اشوفك تلبس شماغ وعقال


ترى الأهل راحو لبـوك وشكولـه

وادري المفارق بيننا فيـه غربـال


والله مهمـا حاولـو أو حكـولـه

تبقى الحبيب اللي له القلـب ميّـال


ياما منعني والـدي عـن وصولـه

وياما على ضهري عطاني من عقال


قال الغلا له حد واعـرف اصولـه

واللي مثل سنّك يصيـرون عقّـال


مايدري ان العقـل صعـبٍ حلولـه

واجسامنا تنبض بها قلوب جهّـال


وشفيك يادنيـا مشيتـي عجولـه

كم ضاع بأسبابـك أمانـي وآمـال


من بعد ماكنت انتظر شوف زولـه

قامت تبكينـي صورهـا والأطـلال


الروح صـارت بالفـراق معلولـه

وصار الغلا لصويحبي حب بهبـال


ياحظ منهـو فـي حياتـه ينولـه

ملاك بعيوني علـى الأرض تختـال


جاهـا حظيـظٍ غيـري ووافقولـه

وتحطمـت بقلوبنـا كـل الآمـال


راحت بعيد وصارت بغيـر دولـه

لكـن غلاهـا بالحشـا حـي لازل


ماطاع قلبي فـي غلاهـا عذولـه

ولايمكن انساها ولا أطيـع عـذال


ليت الزمن يرجـع بنـا للطفولـه

وابقى طفل . ماودّي اصير رجّـال [/frame]


[grade="00008b ff6347 008000 4b0082"]مما راقى لي[/grade]

 

[ميعاد هذيل]

والله ثم والله أنك شاعر مفوه قصيده تمنيت اني قايلها سجل اعجابي بك وبها

 

[سلطان الصماني]

تسلم يا ميعـآد هذيل .

ويعطيك ربي الف عآفيه .

ونورت صفحتي يالغالي ..

 

[الـمـطــ الهذلي ــــرفي]

والله ثم والله أنك شاعر مفوه قصيده تمنيت اني قايلها سجل اعجابي بك وبها

ماأقدر أزيد على كلام أخوي ميعاد هذيل ..

شااااااااااااعر بكل ماتحملة الكلمة من معنى

 

[سلطان الصماني]

تسلم اخوي ..

يعطيك الف عـآفيه.

ونورت صفحتي .

 

[فارس الصحـراء]

لاهنت


اخي الغالي


سلطان الصماني


على هذه الرائعه

 

[سلطان الصماني]

تسلم اخوي ..

ًٍ( صالح )ًٍَِ


ونورت صفحتي .

 

[جميل المطرفي الهذلي]

صح السانك قصيده ممتعه رايعه الى ابعد الحدود

تقبل مروري وتقديري

 

[مازن البقيلي]

يعطيك العافيه اخوي

سلطان

شاعر مبدع

 

[الشعيفي]

صح لسانك أخوي سلطان

بس هذي القصيدة ما قلت هي لك والا لا

لانك تقول في آخرها ( مما راق لي )

أرجو التوضيح

عموما الله يعطيك العافية

 

[سلطان الصماني]

يسلمؤ جميع .

ونورتو صفحتي ..

..

 

[بنت غير كل البنات]

صح لسانك يا اخ سلطان ويعطيك العافيه

 

[عبيدالله المجيريشي]

الله يسامحك ياسلطان خليتنا نصفر العدادت ههههههههههههههههههههههههههههههه
قصيده رائعه جداجدا اهنيك على هذه المعزوفه الجميله صح لسانك وتقبل مروري

 

[ابوهذيل]

صح لسانك،ولاهنت

 

[سلطان الصماني]

مششكورين يا حبـآيبي ..

( بنـت غير// عبدالله المحيريشي // ابــو هذيل ) .

نورتو صفحتي ..

يسلموو حبآيبي على الرد الجميل .

 

[عبدالرحمن الدعدي]

يعطيك العافيه على هذي القصيده تقبل مروري

 

[سلطان الصماني]

الله يعـآفيك يا بعدهم ..

ونورت صفحتي ..