الهمل مشتاق

[ابوجنوب]

[poem=font="arial,4,,normal,normal" bkcolor="" bkimage="" border="none,1," type=0 line=0 align=center use=ex num="0,"]
إيه يا دنيـا تورينـــا العجـــايب=ماتـدوم بحال كل لحـظه بحـال


كم واحد أحسبه ضمن الحبايب=رافـعٍ قـدره على هـام الجـبال


بس يتمنى واسوق لـه النجـايب=الخسـاير لي ولـه مني الكـمال


انا دونه بالسلاح وبا الطــلايب=ماقفٍ تعجز عنه بعض الرجال


مابه اغلى منك ياروح النشايب=لاهـيا.ترخـص ولاطـب الخـمال


الهمل مشتاق لـبروق السحــايب=صوب الوجهه على قـطرالخـيال


نافذٍ من ظلم ومعـدي الـزرايب=يـم مــنفوحه يبـا يحــط الـرحال


نعنبــوه النت جــلاب المــصايب=كـاشف الـعورات لاجاله مجــال


عزوتي ياهذيل يارجال الحرايب=يارجـالٍ ما تـصـدق با المـحــال


احذروا من غرةٍ تــركـزنصـايب=غرةالآمن عـلى الــجرف الهيال


بعدها ما يهم من جر النحـايب=كرموا الــميت بــدفنه يا عــيال[/poem]

 

[عماد الهذلي]

السلام عليكم ورحمة الله وبركاته


صح لسانك يابن جنوب،،، لاهنت


أبيات ، أوجست منها خيفه ، أن صدق حدسي،،

لايوصف الحي بالميت،،،،، لاسيما وأن الحي ،، إذا تكلم أسمع....

سعيد بهالنص لشاعرنا أبو جنوب،، أتمنى أن لايطيل علينا،،غيابه..



تحية طيبة

 

[عز الرفيق]

يا حيا الله ابو جنوب

سعيدين جدا بعودتك و بمصافحتنا لك و لجمال ما تأتي به

و هذا النص الرائع

برغم ما يحمل من انكسار لاصطدام الخيال بالواقع



كم واحد أحسبـه ضمـن الحبايـب *** رافــعٍ قــدره عـلـى هــام الجـبـال


,
,

نعنبـوه النـت جــلاب المصـايـب *** كاشـف العـورات لاجالـه مـجـال

,
,



فهو يحمل روح جميله و شعر أجمل


,
,

أبو جنوب

صح لسانك و على القوه



كل الشكر

على هذا الجمال

 

[خالد الهذلي]

اعجبتني القصيده واعجبني رد ابناء عمي وربعي الهذلان انا اشهد ان هذيل اهل فصاحه .........................................................وشكرا علي القصيده

 

[الـمـطــ الهذلي ــــرفي]

صح لسانك ياأبو جنووب ..

 

[ابوجنوب]

وعليكم السلام ورحمة الله وبركاته

كم انا سعيد والله ان يكون الاستآذ عماد في متصفحي ..

والله ليس ريائا.لكن محبه

صح بدنك .. يبن العم والله يبن العم شلت الابيات اللي تخوف

لاني انا اللي خفت من العواقب.

لكن الله يسدنا في غفلتنا ..آآآمـــين

والاسماع .. يقول الشاعر لشعب كامل وليس فردا واحدا ..

لقد أسمعت لو نا ديت حيا ولكن لاحياة لمن تنادي.

يكفي ان أبو جنوب ما زال يذكر من مثلك من الغالين على قلبي.

دمت بود وتقبل إحترآمي وتقديري

 

[ابوجنوب]

هلا والله بأخي الغالي:: عز الرفيق

صح بدنك ولاهنت

صدقني اني الاسعد اللي القى مثلك وشرواك

في إنتظاري.. وهذا إن دل فإنما يدل على مكانتي

في قلوب من أحببت , شرواك لا عدمتك.

وتقبل إحترآمي وتقديري

 

[ابوجنوب]

شكر ا جزيلاا أبو محمد (بن مغبش)

وانا ما انزل القصيده في المنتدى الا لمثلك وشرواك

من العراف فديتك.بس شهادتك وسام اعلقه على صدري

.. صد الله العدو ولَدُه.

إذا إنت منت على يميني من احط على يميني.؟

وتقبل إحترآمي وتقديري

 

[ابوجنوب]

صح بدنك أخوي الغالي المطـــــ الهذلي ــــرفي