سلام من هاجس تهدر كما السيل=متقنع الوادي بعرضه وطوله
والخوف يدخل في قلوب الرياجيل=من خاف يسلم من سبايب فعوله
من يآمن السرحان لا هود الليل=ويبات فالوادي ويآمن سيوله
والرجل ما يسمع هل القال والقيل=حتى ولو غنوله وصفقوله
يلبس عقال العز والثوب تفصيل=ما يلبس إلا ثوب قده وطوله
راع الوفى ما ينقص الوزن والكيل=عند العرب حتى العرب يسمعوله
يأخذ ويعطي بالحكم والتماثيل=وتحب تسمع كل شي(ن) يقوله
يمشي طريق العدل ما يتبع الميل=ماله ومال اللي يقرقع طبوله
بعض العرب ما يقطعون المداهيل=والبعض متجود بغارب ذلوله
وانا من اللي يتعب الجيش والخيل=كسب المراجل ما تجي بألسهوله
كم واحد(ن)يتعب بكتب المراسيل=ويراسل الشعّار ويثمنوله
وكم واحد(ن)يتعب بليا محاصيل=يسرح بزيتونه ويضوي بفوله
وكم واحد(ن)عينه على الجدي وسهيل=والفارس اللي جاب كاس البطوله
من لا صبر ذاق العناء والغرابيل=في دنيته والناس ماهم بحوله
والصقر ما ياقع على قنة الفيل=له ماكر(ن)ماكل رجل(ن)يطوله
والفعل عند أهل السيوف المصاقيل=اللي لهم فالمجد صوله وجوله
أمشي مع العالم واحب التساهيل=والشعر ما يصعب عليه وصوله
شاعر وبحر الشعر روعه وتجميل=واعرف صواب الحق واعرف قبوله
والله ما تعجز علي المداخيل=واعرف خروج الصيف واعرف دخوله[/poem][/QUOTE]
صـح لسانك اخوي ياسر قصيدة رائعة من شاعر اكثر من رائع كنت احاول اني اختار بيت جميل من القصيدة لكن لقيت نفسي اخترت كل ابيات القصيدة لجمالية جميع ابياتها ما اقوول الا بيض الله وجهك وصح لساانك على هالقصيدة الاكثر من رائعة
ولكن حبيت استفسر ليش اخر قصيدة لك اتمنى ان لا تحرمنا هذا الابداع اذا مو عشانك عشان اعضاء المنتدى اتمنىا ان تفكر في الامر وان تعود الينا من جديد بقصيدة من قصائدك الجميلة
وتقبل تحياتي <<مـــرام الخــــليج>>
