الآن هنا تنطلق المحاورة المباشرة . . فارس الصحراء . . بحر الندى

[خالد الياسي]

بحر الندى

عدد من كمل صيامه وصلى الفرض واتمهسلام الله على من يسمع الكلمة ويفهمها

بعد مرتبي الطرقه و شفت الناس ملتمهوتزهب في بنادقها وتربط في محازم

فارس الصحراء

هلا يامرحبا ترحيب لاهسه ولازمهاشاركبه مع اوجيه النشامى قبل اعلمها

ليا شفت الجيوش امليمه والقوم مهتمهتوخر عن وجيه اخيولها والاتقدمها

بحر الندى

ليا شان الدهر سمه ولن زان الدهر سمهوسلم لي على الهذلان جعل الله يسلمها

تبا تقعد على كرسي وماسة مجلس الامهوجثتك الكبيرة ما تقومبها قوايمها

فارس الصحراء

ترى من يمدحه لا زان لامن شان بيذمهوتسليمك وصل وهذيل واجد وين اكلمها

وقفت الوقفه اللي تظهر الك الماء من الجمهبعد نص العرب جور الظماء حرق براطمها

بحر الندى

عيال الوقت هذا نصهم ينكر حليب امهو حتى لو رضع من ديدها يمكن يسممها

ياصالح رحت بمهمه وجيت الصبح بمهمهلكن ان كثرت همومك على الهذلان قسمها

 

[الهنوف الهذيل]

مساء الخير يالربع

ماشاء الله ابداع صح لسانك يابو دخيل وصح لسان بحر الندى ...يعطكم الله العافيه ..

تحياتي


الهنوف

 

[مطرفي الدلم]

خلووووووووووووووووووووووووها

عيال الوقت هذا نصهم ينكر حليب امهو حتى لو رضع من ديدها يمكن يسممها

ياصالح رحت بمهمه وجيت الصبح بمهمهلكن ان كثرت همومك على الهذلان قسمها

الله أكبر بيوت شاعر حقيقي صارت هذي معركه شعريه حقيقيه :52:

 

[عباد الهذلي]

خلوهـآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ






ســـلآم عليكم من الله ورحمــة وبركــآآآآآتــــه ..

يــــآمرحبـــآ بالجميـــــع تــــرـراحيـــب المطـــرـر ...

هـــلآ وغـــلآ بشــآعرنـآ وفـآرسنـآ ( صالح المطرفي ) وأثني التحيــه لأخونـآ الكريــم وشـآعرنـآ الوافي ( بحـر الندى ) ..

 

[مطرفي الدلم]

بدري ياسهم هذيل هههههههههه

 

[فارس الصحـراء]

لكن المشكله حال اليتيم اللي مع العمه

................................. رضع راس اصبعه وهيه تعاين فاتحه فمها

بلشنا فاالسكون اللي لاهي فتحه ولاضمه

................................ وانا ربعي هذيل اللي تشرفني قدايمها

 

[فارس الصحـراء]

مررررحبا

يسهم هذيل

وين الغيبه يابعدي


مرررررحبا

بهنوف هذيل

حياك

 

[عباد الهذلي]

بدري ياسهم هذيل هههههههههه

رحت السوق خبركـ الزواج قــريب وتأخرت شويات :45: :33:

 

[عباد الهذلي]

مررررحبا

يسهم هذيل

وين الغيبه يابعدي

مرحبــآ مليــــون تـردفـهـآ مليــون ..

حيــآكـ الله يـآبن دخيــل الله ..

مـآهنـآكـ غيــآب يـآبعــدي وأتصــلت عليكـ قبـل يوميــن جوالكـ مقفــل ( مدري بأي ديـره خــآت ههههههههه )

 

[فارس الصحـراء]

مبرررررررروك

الف مبرررروك


خبر يشراء بفلوس

عقبال الثانيه والثاله والرابعه والخ ههههه

 

[مطرفي الدلم]

الليل يابحر الندى وش بلاك

 

[مطرفي الدلم]

رحت السوق خبركـ الزواج قــريب وتأخرت شويات :45: :33:

ألف ألف ألف مبروك مقدماً عسى الله يوفقك وحياة زوجيه سعيده

 

[عباد الهذلي]

الله يبــآركـ فيكـ آخوي صــآلح والفــآل لكـ ثـني وحنـآ خــلفكـ ههههههه .

تسـلم آخوي مطـرفي بــآركـ الله في عمــركـ ..

والدعوات في الطـريق إن شاء الله راح تــوزع ..

 

[أبو حمدان]

ألف ألف مبروك ياسهم هذيل منك المال ومنها العيال وجمع الله بينكما بالخير
فرحت لك والله فرحه كبيرة

 

[مطرفي الدلم]

يابحر الندى وش بلاك !!!!!!

 

[بحر الندى]

ترى صالح ليا هالحين باقي ما صفى دمهلو انه يعزم الخطار والدله يولمها

اكلت الحبه الصمه بعد طاحت من القمهو غرتك الرجال اللي تنطل في عمايمها

 

[بحر الندى]

يا مطرفي الدلم

عندي ضيوف وانشغلت فالعشا

 

[مطرفي الدلم]

ترى صالح ليا هالحين باقي ما صفى دمهلو انه يعزم الخطار والدله يولمها

اكلت الحبه الصمه بعد طاحت من القمهو غرتك الرجال اللي تنطل في عمايمها

ترى صالح ليا هالحين باقي ما صفى دمه = لو انه يعزم الخطار والدله يولمها

الله الله بيوت شاعر غييييير

 

[الهنوف الهذيل]

الف مبروك اخوي سهم والله يوفقك ويوفق كل معرس من شبابنا بالرفأ والبنيين

.. ..ترى صالح ليا هالحين باقي ما صفى دمه
لو انه يعزم الخطار والدله يولمها


اكلت الحبه الصمه بعد طاحت من القمه
و غرتك الرجال اللي تنطل في عمايمها

ابداع يابحر المعاني والجزل ولايهون ابو دخيل والحاضرين ماشاء الله ..



تقبلوا مرورري

الهنوف

 

[مطرفي الدلم]

يا مطرفي الدلم

عندي ضيوف وانشغلت فالعشا

بيض الله وجهك هذا حق واجب لهم