العب يالشاعر

[عـازف هذيل]

مع الله


ياسلام الله رده تاصل اجنود الخفاره ++++ردتن من دونها الميدان ياهل العسكريه

ودنا نعطي وناخذ مانبا مسيار حاره++++ابتلشنا فالشــباب اللي لهم روحه وجيّه

 

[صفق الهوى]

مرحبا بك عد ما وسط البلد جندي واشاره 000 ردةً من دونها الميدان وعزومُ قويه

قودها ياصاحبي والنار تولع من شراره 000 والشراره مثل برق لاح فالدار الخليه

 

[عـازف هذيل]

البقا ياللي يرحب بالعرب ويشب ناره ++++ كل ماطفت يصـــافقها الهوى وترد حيّه

شفت لي تجار بالميات في سوق التجاره++++والبنوك ثنين وازمتها يقولوا عالميه

 

[صفق الهوى]

عينك اللي شافت الدعوه تبشر بالبشاره 000 مير ثوبك لا يشم النار والذمه بريه

احمد الله حافظُ لي راس مال من الخساره 000 من بنوك اهل المعزه والوفا والمقدريه​

 

[عمر العميري]

والله شعار ولا فيكم حيله

لكن حددو التوقيت مع بعض

عشان يكون فيه تفاعل

دمتم بود

 

[عـازف هذيل]

كان وانك راع بندق نوز لاتخلف عياره ++++ بعد رزينا الاشـــــاره لاتزم البندقيه

من يزكي الوادي اللي تو مابانت ثماره ++++ في مذاهب ربعنا يوم المذاهب حنبليه

 

[صفق الهوى]

لو يسيل السيل مع وادي الهدا يروي القراره مير ماشي فايده لو سال في صبح وعشيه

صاحبي عازف رجل لكن غير في مساره بعد عشوه الرجال يجازي الحسنه بسيه

 

[صفق الهوى]

بعد التعديل


لو يسيل السيل مع وادي الهدا يروي القراره 0000 مير ماشي فايده لا سال في صبح وعشيه

صاحبي عازف رجل لكن غير في مساره 0000 بعد عشوه الرجال يجازي الحسنه بسيه

 

[عـازف هذيل]

مع الله


كانت ثعول المخايل فالسماء مثل المناره ++++وهبت اهبوب الصبا فوق الجدي والعـقربيه

كيف نقبل حكم قاضي ماسح اسمه في قراره ++++انت يالقاضي قضيه قبل تحكم فالقضيّه

 

[بن معيش]

عازف هذيل
البقا ياللي يرحب بالعرب ويشب ناره ++++ كل ماطفت يصـــافقها الهوى وترد حيّه

شفت لي تجار بالميات في سوق التجاره++++والبنوك ثنين وازمتها يقولوا عالميه

صفق الهوى
عينك اللي شافت الدعوه تبشر بالبشاره 000 مير ثوبك لا يشم النار والذمه بريه

احمد الله حافظُ لي راس مال من الخساره 000 من بنوك اهل المعزه والوفا والمقدريه

صوت وصدى انشهد بيض الله وجيهكم وصحت السنتكم

 

[فارس الطلحي]

بيض الله وجيهكم يالشعار النشامه

 

[السيف الصقيل]

الله عليكم شعااااار كفو تقبلو مروري