عبرود نيمس
:: عضو جديد ::
- إنضم
- 18 أغسطس 2009
- المشاركات
- 40
بسم الله الرحمن الرحيم
السلام عليكم ورحمة الله وبركاته
اعزائي اعضاء منتدى ربعي وقومي هذيل الاصيله اليكم هذه المشاركه وهي عباره عن 33 بيت في النصح والحكمه ارجوا منكم قبولها بحلتها التي عليها .
ابن عمكم / علي حسن اللحياني
[poem=font="traditional arabic,6,black,normal,normal" bkcolor="transparent" bkimage="" border="none,6," type=0 line=0 align=center use=ex num="0,black""]السلام عليكم ورحمة الله وبركاته
اعزائي اعضاء منتدى ربعي وقومي هذيل الاصيله اليكم هذه المشاركه وهي عباره عن 33 بيت في النصح والحكمه ارجوا منكم قبولها بحلتها التي عليها .
ابن عمكم / علي حسن اللحياني
ارفعك يا ثوبي عن اللي يشنيك=واربطك فحزامي عن رخوم تشناك
لا صينت اطرافك تبيض بواقيك=وان سلمت اطرافك ترا العيب عداك
لا تلامس الجربان وابعد لا يعديك=وان ناشك المقروح امرضك واعداك
اشمر عن اللي لونها فيه تشكيك=ما ينقلب حالك ولا صرت شكاك
بعض العرب وده بشره يوطيك=واحذر من اللي ضحكته كان وطاك
دور على اللي وان حصل شق يرفيك=لا شاف خملاتك يلمك ويرفاك
ماهو كما اللي بالقفى يفتري فيك=مثل المقص لسانه اللي تقفاك
لونك يشادي للبن في غداريك=ابيض ولا همك ضلامك وغدراك
وان حاول الحساد طمسة مواريك=تحت التراب ابقى كما نبتة الراك
اغصانها اللي باينه مي مساويك=واليا بحثت العرق تطلع بمسواك
يا ثوبي المصيون تكفى حذاريك=لا يلطخك طين المراغه وحذراك
صنتك بدمي عن شماتة عدويك=بالله لا تقارب خسيس تنواك
انت البحر والخوف يمة موانيك=لا يرسي فالمينا عدو تمناك
اكمامك اللي فضلها فوق اياديك=تحميك من حر اللواهب وتاقاك
صفق الهوا( ف) اطرافك البيض يآذيك=مير احتمل جهلة سفيه توذاك
يا ثوبي اسمع جابتي يوم احاكيك=وافطن لنصح اللي تهمه وحاكاك
نصح الذي شاف الثياب المداهيك=من عقب زينتها بها دهك وانهاك
من بعد ثوبي يا لساني اناديك=جاوب على صوت الفتى يوم ناداك
لا تبرم الجابه وكلمه ترديك=كم من جواب فالمهاليك ارداك
بعض الكلام يزيد رفعة معاليك=واشكل كلامك للشرابيك وداك
قول الصواب من المراجل يدنيك=قول الخطا ابعدك عنها واقصاك
قول الصحيح وحفظ ربي يذريك=لا تخاف والله من بلى الناس يدراك
من بعدها يا عين تكثر بلاويك=ان ما قصرتي الشوف يا كبر بلواك
بين الرموش السود بانت مغازيك=لا لد طرفك بان امرك ومغزاك
غضي بنظراتك عن امر ما يعنيك=لا تكثرين اللد والصون يبراك
نضرة حرام تغز طرفك وتعميك=لا عاد شوفك كان ربي هو اعماك
واوصيك يا ساقي واوصي خطاويك=درب الخطا محفوف مرصوف بأشواك
درب الزلل جمر بناره يكويك=ما ينفع الما كيته كان كواك
الله يا ساقي يسهل مماشيك=بدروب خير يا عسى الخير ممشاك
يانيه!الله مطلع في خوافيك=ما نعلم اسرارك وربي هو اخفاك
دسك مريض القلب من دون يبديك=وسط الضلوع وقال غيرك ولا ابداك
نية خزى لا فاز منهو يخاويك=يضحك بوجهك وان تقفاك عضاك
تمت وذكر الله من الشر ينجيك=ثم الصلاه اللي بها تطيب دنياك[/poem]
