نفايس فكر

[الضافر]

نــفايـس فــكــر
[poem=font=",6,,normal,normal" bkcolor="transparent" bkimage="" border="none,6," type=2 line=0 align=center use=ex num="0,black""]
الشاعر / عبيد الله اللحياني
سر يا قلم سطر من المثمن أغـــلاه = نــفايس مثل الـدرر في صدوفـــه
بصاير من فكر مــا تخطي اريــــاه = لوشاف في سير الزمن ما يعوفـه
وطبع الدهر لا مـــال شانت حلاياه = والــوقت كلاً يشتكي من صروفـه
ربيع فتنه مـــن مهدهـــا مـــــواشاه = بــــالحونها تطرب مسمن ردوفــه
غـــداها المدانـــي والمجانب تـعشاه = تبـــدأ بــمنـــــهـو حافــها ثم تحوفه
وكــل العرب منصاب ويـــكن بلواه = وعرف الدهر با لبوق ثاني عطوفه
ولا في النفوس اليوم صاحب ترجاه = لـومـدلك مــن كـــل مثــــمن قطوفه
مثـل سـحر فــرعون ضحــى تـولاه = رقــص حبالــه وسط جمـــــع يلوفه
وحقيقته تــظهر ليــا قمت تنـــخـــاه = لـــو قلت تــكفى قــال عيـت ظروفه
سج القدم وان ضقت في ارض معفاه = يــدله بــها صــدرًا قلــته الحـــــسوفه
وكـــن الجزع لاينشره من تـــــوحاه = والــجرح لايبـــدي لــمـن لا يـــروفه
والـــهم لامـــن باطـــن الحـال يبـراه = والصبر يـــبري مــن تــــحمل كلوفـه
واللــيل مــجهم ليـن تــعتاد مــــسراه = والـــــهول خــــاوه ثــــم تألف وصوفه
والــدرب مـــاتبخص بــه إلين تاطاه = والـــــوصف نص اللي عيونك تشوفه
وجــود قيــاد النفس عن مدلي رشاه = مــن غيــر دلــو والضماء شب جـوفه
والنـــفس فـــــي درب السعاده معنـاه = والصبح عـن ليــل المساهر خــلـوفــه
والسيف حــاز المدح من فعل شـرواه = ونـــفس الغــني عــن كل داني زهوفه
ومـــن مـد نــص الكـف جازيه بملاه = ضده بــضده قبـل تبــدي المـــــروفه
ولاتــرجي المقفي اليــا اعطاء مقفاه = يــريع مــن وقتاً تــقارع عـجــوفــه
والكــذب مــا اكبر منه عيب تتــــقاه = والـــجود تغسل كـــل ذارب كفــوفه
والصدق فــــي الأيام محجى ومنجاه = ثلـــب اليــمـين بــيوم بيــن كسوفـه
وان ما روتك يديك عــــدك بمضماه = بــلاقــع عــن كــل مــطمع مـخوفه
وقــدم مــن المعروف ذخــر وتلقاه = يــجزاك بـــه منهو خفـيه لطوفه
والموت ما قبلي احــــد حاش يمناه = يبطش بها منهو تــدانـت حتــوفه
ولا حان وقته بــان وصفه وطرياه = يسلب من الاجساد روح شغوفه
هذي هجوس اللــي تـفـكر بـــدنياه = بعــد رزت بــالحمل ماتع كتوفه
خـط اليمين بـلا مترجــم مـن شفاه = يسرد حـقـأيـق لــلذهيـــن معروفه
بنــي البطيحي ويتسامــى بــمــبناه= بشوارد من فــــكـر نفس عزوفه
والفكر يــدرك اول الـعـلم واقصاه = بثقــافتــه قـــدام يـــــقراء حروفه
قلته وصلـــى الله على من رضيناه = شفيعنا يــــوم الــحشر والـنـكوفـه[/poem]

 

[عماد الهذلي]

السلام عليكم ورحمة الله وبركاته



ماشاء الله تبارك الله اخي البطيحي


شاعر كبير وجزل ، قصيدة حكمة قمة بكل أمانة ، فيها الكثير من التجربة والفطنة.

سعيد بتواجدك معنا يابن العم ، فحياك الله


وننتظر جديدك

تحية طيبة

 

[بندر الحساني]

والله انت النفيس مو القصيده ....

صح لسانك يالغاااالي....


ودمت مبدعاً...

 

[الضافر]

اخوي عماد الهذلي وبندر الحساني والله ما زانت القصيدة الابمروركم الكريم ومدحكم الطيب اللي اتخذه سراج استضيء به الطريق الى كل ما ارجو ان ينال اعجابكم ,,الشكر اعجز من ان يعبر عن حقيقة الشعور تجاهكم دمتم فخر وذخر لكل طايل

 

[عز الرفيق]

ماشاء الله تبارك الله


قصيده رائعه أخي البطيحي

صح لسانك لين ترضى

 

[خالد الياسي]

وعليكم السلام ورحمة الله وبركاته

صح لسانك وعلا شأنك وبيض الله وجهك

قصيده جزله وفي انتظار المزيد منك...

 

[الضافر]

اخواني خالد الياسي , عز الرفيق السلام عليكم ورحمة الله وبركاته وبعد يعلم الله اني اذا لقيت في سطوري ما يرضي أهل الذوق الرفيع مثلكم ان هذا هو المكسب اللي اتمناه والغاية اللي اسعى لها الله يديمكم ياهل الفضل

 

[أبو حمدان]

الله الله يابطيحي
قصيدة من أجمل القصائد التي قرأتها
صح لسانك يابن العم وبيض الله جهك

 

[خالد الهذلي]

اللهم صلي وسلم على سيدنا محمد

وصح لسانك وبيض الله وجهك قلت فأجدت ونصحت فأسمعت فهنيئا لنا بتواجدك بيننا

فلقد ملئت جوانحي شعرا وحكمه وجزاله فلله درك من شاعر مفوه عسفت الحرف ولامست سماء الابداع

واعجابي بما تقدم ليس غريب عليك ولكنه يتجدد في كل مره وتذكر اننا ننتظرك دائما فلا تبتعد وتقبل شكري ,,,

 

[الضافر]

اخو ي ابو حمدان الله يحفظك من كل سوء و يعلم الله اني افاخر بحسن ثناءك وكريم مرورك وما تتركه من حسن الأثر الطيب

 

[الضافر]

اخوي ابن مغبش السلام عليكم ورحمة الله وبركاته وبعد
يعلم الله انك مليت صدري رضا وسرور بما خطيته من حسن الثناء وجميل المدح اللي صادر عن معرفه كبيره بالشعر فلك الشكر
يا استاذ الله يديمك يا رفيع القدر