قصيدتي عن المراحل العمريه للمتزوجين

[خالد الدعدي]

اولا بسم الله الرحمن الرحيم انا اخوكم خالد الدعدي .. وذي اول مشاركه لي بمنتدى عيال عمي .. ونعم بحالكم جميع ...
هذي مشاركه لي بأحد المنتديات الزوجيه بعدما احتد النقاش في احدى المواضيع الا وهي (( السن المناسب للزواج )) اللي يقول 30 واللي تقول 40 واللي يقول 25 ... فأنا لما شفت ذي العلوم استشطت غضبا وحنقا من اللي قاعد اشوفه ... لأن فيه كثير ناس ذوي 30 و 40 وحتى 50..! لديهم مشاكل بحياتهم وكأنهم مراهقين ..!! فأنا ساعتها تفجرت قريحتي الفطريه المعروفه عن ابناء هذيل بهذه الابيات المتواضعه ... اتمنى تنال اعجابكم .... ولاتنسون الردود..


واحد وعشرين ولي كل الفخر غيري ثلاثيني وصايع بالاسواق

ياعالم الحكمه ماتنقاس بالعمر يعني مافيه اربعيني وبالوالدين عاق؟

ويالخمسيني خسارة فيك خط الحبر ارضي زوجتك واعتني باللي باق

اما انت يالستيني. انا منك ميت قهر سوقك ماشي مع اللي تحب الاوراق

يارب زوجني والله لأحبها طول العمر بس تكون جميله وعفيفة من الاعماق

هذي ابيات عشريني مل من الصبر رجال يخاف ربه مو للشهوات ينساق

 

[عبدالله السويهري]

أخي الفآضل / خالد الدعدي

وعليك السلام ورحمة الله وبركاته

ويا هلآ ويا مرحبا بك بين أبناء عمك ونحن سعداء بإنظمامك لنا

وبكل صرآحه نحن سعدء بأن هنآك رجال مثلك وشروآك بيننا


القصيدة رآقت لي وفكرتها جميلة جداً وأبياتها في غاية الروعة وصح لسآنك وأعتلى شآنك

وهذا البيت يسوى القصيدة بأكملها

هذي ابيات عشريني مل من الصبر ** رجال يخاف ربه مو للشهوات ينساق

وإن شاء الله - الله يرزقك ببنت الحلال اللي تجنبك عن طريق الشهوآت

وأن يجعل حيآتك ملئه بالفرح والمسرآت

أرجوا ان تتقبل مروري من هنيه

أخوك / عبدالله بن مساعد

 

[خالد الدعدي]

شرفني مرورك ياغالي

 

[هذلي قديم]

حياك الله ياابن العم
والله يرزقك بنت الحلال

 

[خالد الدعدي]

من بؤك لباب السماء <<< ممسكه على المصري اليوم ههه

 

[سلطان السويهري]

الله يحييك يابو خلود وكفيت ووفيت

بس كأنها نثر ما نسقتها الله يهداك ولا عدلتها


والله يرزقك ببنت الحلال وبالموصفات المذكورة

 

[أبو رديد]

مرحبابك ياخالد

نتشرف بك


تعجبني القصايد إللي لها قصة ومحمور تدور حوله

صح لسانك

فيها الحكم واضحة


بيض الله وجهك


الله يرزقك بنت الحلال إللي تسرك إذا نظرت وتحفظك إذا غبت

 

[أبو حمدان]

محاولة شعرية جيده
تحتاج لوزن بعض الأبيات يابن العم لأن بعض الأبيات بها كسور

صح لسانك يابن العم وبيض الله وجهك

 

[خالد الدعدي]

انا اعترف اني لست من المتمكنين بالشعر طبعا ..! مالي غنى عنكم يا ابناء عمومتي ... وصاحب المعرفه والعلم بالشعر له كل الاحترام ... ولا تؤاخذوني ... مهما كان .وانا منكم و (( عود من طرف حزمة ))

 

[الضافر]

اخوي خالد الدعدي الله يوفقك لكل طايل

 

[خالد الدعدي]

آمين ... ولك من الدعلء المثل وازود

 

[خالد الدعدي]

آمين ... ولك من الدعاء المثل وازود

 

[أبو حمدان]

محاولة جيدة تحتاج لصقل يابن العم


أسمح لي يابن العم بنقل القصيدة لقسم المحاولات الشعرية