[poem=font="times new roman,6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
أنا من هواكم يا هوا البال في خطر = عليل الحشا عيا الدكا تر يداوونه
وأنا لو شكيت اللي جرالي على الحجر = يون الحجر من ونتي لين توحونه
سبب واحداً ما عاد جاني عنه خبر = محله بعيد وحالة إعداي من دونه
على البال يطري كل ما يطلع القمر = قمر عشر وربع ياخذ أوصاف من لونه
ألا واعذاب اللي تصبر ولا قدر = ومن ما حصل له باح للناس مكنونه
ترى من يقول اصبر على الهجر ما صبر= ولو قال ابصبرتفضحه دمعة اعيونه
الا يا وجودي وجد من عظمه انكسر = ولا حصل اللي من مطيحه يشيلونه
قعد في عجاج الخيل يوم انه انعثر = وهو ما حسب ربعه منول يكبونه
يلوموني اللي في الهوا ما لهم نضر =بعيدين عن درب الهوا ما يمرونه
ولا جربوا فرقا ولا جربوا سهر = ومن يوم يمسي الليل كله ينامونه
وراعي الهوا يسهر وغرقان في بحر = وقلبه سباه من المزايين مزيونه
يعد السنه با لليل واليوم والشهر = ويخفي صوابا في الحشا ما برا كونه
علاجه صعيب وعند واحد من البشر = وباقي العرب لو عا لجو ما يفيدونه[/poem]
