لغز جديد ( وقت الألغاز )

[سلطان السويهري]

لغز كلفني به الشاعر الشاب أحمد محمد السويهري أن أضعه بين أيديكم

في حداية يقول :

سلام باعداد المزون اللي تناشا من بحرها
برقه تقافاها الرعد والخير مقبل في نحرها
تدحم بعضها في بعضها لين تمشي في قطرها
تمطر وجاك السيل تال الليل يدحم من نصاه

والثانيه وش رجل في صدره علوم ما قهرها
جاب الخبر للي تحرى نشرته يبغى خبرها
من معركه دارت رحاها ما سلم من هو حضرها
الا قرينه في الشريعه يتبعه يرقب خطاه

 

[هذلي والفخر لي]

طيب كم الجائزه يابو ثامر؟؟

هذا اللغز متعوب عليه

على الاقل لازم شئ احسن من لا شئ هههه

 

[صالح الكعبي]

وعليكم السلام ورحمة الله وبركاته


الله وأعلم أنه هلال العيد

مشكور يابو رواد

وصح لسأن الشاعر / أحمد السويهري

تقديري لك ،،،،،،

 

[سلطان السويهري]

طيب كم الجائزه يابو ثامر؟؟

هذا اللغز متعوب عليه

على الاقل لازم شئ احسن من لا شئ هههه

خلاص جائزته 300 ريال ويصرف من بند الجوائز ومن الفائض

وعليكم السلام ورحمة الله وبركاته


الله وأعلم أنه هلال العيد

مشكور يابو رواد

وصح لسأن الشاعر / أحمد السويهري

تقديري لك ،،،،،،

صح بدنك .. ومالك لوا .. أعد المحاولة

 

[أبو حمدان]

إذا فيه جايزة محرزة أفكر في اللغز >>>> ماهو حلال الغاز يدور عذر

رايح أفكر ولي عوده إن شاء الله
مشكور يابو ثامر

 

[سلطان السويهري]

الله عطاكم يومين والا ترى ابقوله ، تراه سهل جدا

دل عليه هذا البيت

جاب الخبر للي تحرى نشرته يبغى خبرها

 

[قلم حر]

الحل


7

7

7

المذياع


شكراً أبو ثامر على النقل وصح لسان الشاعر

مودتي​

 

[يسوم هذيل]

أخوي سلطان الموضوع كله يدور حول الخبر فأعتقد إن الحل مذيع الأخبار وقرينه مذيع النشرة الجوية
أو كما قال أخوي ( قلم حر ) المذياع وأضيف قرينه التلفزيون . تحياتي للجميع .

 

[فواز السعيدي]

مراسل الاخبار وقرينه اللي يرقب خطاه المصور



والله اعلم

 

[جميل المطرفي الهذلي]

اذا كان المذياع فمنهو قرينه
وماهي المعركه الي جاب الخبر منها
الغز غامض او غير مركز او ينطبق على عدة اشياء
واذا الغز انطبق على عدة الشياء يصبح ضعيف لايقاس فوقه
ولاكن اذا كان خبر العيد او الهلال فهو ينطبق فوق الشخص الذي راء وشهد بطلوع الهلال ونقله الى اناس
والله اعلم وتقبل تحياتي

 

[أمير بكلمتي]

السلام عليكم ورحمة الله وبركاته

تحية طيبة للجميـــــــــع 000

وبعد أذن أبو رواد 000

طبعاً اتصلت بولد خالي ورحيمي أحمد السويهري وعرضت عليه الأجوبة السابقة وأي منها الصح 00

وقال : بأن جواب أبو عايش هو الصح والأكيـــــــــــــــد :

مراسل الاخبار وقرينه اللي يرقب خطاه المصور



والله اعلم

وقال : بيض الله وجه أبو عايش فهو شاعر وحلال الألغاز وإجابة هي الإجابة الصحيحة 0

وبالنسبة لرد الشاعر جميل المطرفي رد قائلاً عليه :

شكراً للشاعر جميل على بذل الجهد ولكن اللغز ليس له إلاّ حلاً واحداً فقط وقد جاء به فواز الهذلي


فشكــــــــــراً للجميــــــــــــــــــع على المشاركة << وانتظروا اللغز القادم

 

[أمير بكلمتي]

وهذه بيتين من الشاعر أحمد السويهري للشاعر فواز الهذلي بمناسبة حلّه للغز


بيض الله وجه فواز السعيدي = يوم حل اللغز ما ضاقت عسوسه
بلّغه عنّي سلامي يا عضيدي = جاب علم الصدق من صادق هجوسه

 

[هذلي والفخر لي]

ما شاء الله يافواز

ما يخيب الظن فيك دائما

وصح لسان الشاعر

والشكر لابو ثامر ولثامر على التفاعل

 

[سلطان السويهري]

حله فواز وطيب الله فاله

وأبو جميل يعترض على اللغز بقوله

الغز غامض او غير مركز او ينطبق على عدة اشياء
واذا الغز انطبق على عدة الشياء يصبح ضعيف لايقاس فوقه
ولاكن اذا كان خبر العيد او الهلال فهو ينطبق فوق الشخص الذي راء وشهد بطلوع الهلال ونقله الى اناس
والله اعلم وتقبل تحياتي

والثانيه وش رجل في صدره علوم ما قهرها
جاب الخبر للي تحرى نشرته يبغى خبرها
من معركه دارت رحاها ما سلم من هو حضرها
الا قرينه في الشريعه يتبعه يرقب خطاه

والمذياع يخرجه هذا البيت بكل وضوح :

الا قرينه في الشريعه يتبعه يرقب خطاه

وأقول المذياع ما يتبع خطى التلفزيون ، بل هو قرينه
لكن المصور يتبع خطى المذيع ، وين ما يروح وهو يتبعه

تحياتي

 

[سلطان السويهري]

ما شاء الله يافواز

ما يخيب الظن فيك دائما

وصح لسان الشاعر

والشكر لابو ثامر ولثامر على التفاعل

تسلم يابو بسام ،،،

 

[فواز السعيدي]

لاهنتو


وجهك ابيض يالامير انت واحمد وبلغه السلام ياسنايدي


تحياتي