آه وويلاه من صكـات غبـر الليالـي

[علي العجلان المطرفي]

السلام عليكم ورحمة الله وبركاته

القصيدة للشاعر عجلان بن سعد العجلان المتوفى في الرغبه سنه 1373هـ رحمه الله

آه وويلاه من صكـات غبـر الليالـي
شايلٍ من الهموم اللي تضـد القبيلـة
كل ما ضاق صدري قمت أدوج لحالي
ثم هلت دموع العيـن مثـل المخيلـه
ما لقيت الرفيق اللي على شف بالـي
دالهيـنٍ وكـلٍ رايـحٍ فـي سبيـلـه
واهنـي الفدامـه دالـهٍ مـا يبـالـي
ما تولع بحب اللـي نفـل كـل جيلـه
يا سليمان يا عـزي لحالـك وحالـي
كن قلبك وقلبي فـوق حـام المليلـه
يا سليمان شب الضـو ودن الدلالـي
حـط بريـةٍ مـع زعفرانـه وهيلـه
سجتي مع لطيف الروح هي راس مالي
يجلي الهم لـي واجـه خليـلٍ خليلـه

http://www.zshare.net/audio/67341704afaa68e1/]ajlan.mp3

[RAMS]http://www.zshare.net/audio/67341704afaa68e1/]ajlan.mp3[/RAMS]

 

[علي العجلان المطرفي]

عدد الأعضاء الذين شاهدوا هذا الموضوع : 8

عدد الردود : 0

وينكم يالربع لا ردود ولا شي !!

القسم عليه ثلاثه مشرفين وينهم مالهم حس

 

[صالح الكعبي]

وعليكم السلام ورحمة الله وبركاته

هلا والله بك أخي علي

القصيده جزله لفظاً ومعنى .. رحم الله قائلها

اشكرك على النقل يالغالي وفي الواقع أن قصائد القدماء يجد القارئي فيها الحس الشعري الصادق

تقبل ودي قبل ردي

 

[علي العجلان المطرفي]

صالح الكعبي

بيض الله وجهك يابن العم اسعدني تواجدك

 

[مطرفي الدلم]

بيض الله وجهك يابن علي قصيده جزله والله يرحم صاحبها .

تحياتي .

 

[علي العجلان المطرفي]

مطرفي الدلم

نورت الموضوع يبن العم وتقبل تحياتي

 

[غليص هذيل]

بيض الله وجهك

 

[علي العجلان المطرفي]

غليص هذيل

ابيض وجه اسعدني مرورك