>> ياوجودي <<

[جناااح]

من روائع ضيدان بن قضعان

قصيدة ياوجودي

http://www.youtube.com/watch?v=AeRzvgKmV7k

القصيده

ياوجدودي كل ماهب نسناس الشمال
وجد من حده زمانه على اللي ما يبيه

وياوجودي كل مااغفيت ثم مال الظلال
لاغفت عيني ولاذقت شي مشتهيه

وجد من قفى وهو في رجا كلمة تعال
والتفت من عقب مااقفى ولحدن لد فيه

وياعذابي لادنا الليل من روس الجبال
وانتهى يوم من العمر ماعاد ارتجيه

وانتي ابعد من سما الحلم ووصالك محال
يابعد من هل دمعي ضحى الفرقا عليه

ياغناتي لاتحسبين دمعي يوم سال
ضعف والا خوف والاكذا والا كذيه

والله اني من رجال يضدون الرجال
لكن الحظ الردي ساق دمعي كلبيه

ووالله اني كل مادار حوليك الجدال
قمت كن الموت يشر على قبري يإيديه

ووالله ان قد لي وانا اصد لاجالك مجال
صدت اللي لاتضايق تذكرقبر اخيه

ومن سألني قلت مدري واذا عاد السؤال
قلتله تكفى سؤالك ترى ماهو وجيه

وش تبيني اقول عما ترى ذبحي حلال
والخطا منها علي صرت احبه واهويه

عذرها لو ماتعذر مثل واضرب مثال
واحدن مايعرف الحر الأشقريشتويه

وان رجعنا للتواصيف لله الكمال
لا انتهى ليل المزايين جاتك تبتديه

كنها غفل مع البدو طاويها الحيال
ما يميز وصفها الا نبيه من نبيه




عسى ان تحوز على رضاكم

 

[بث تجريبي]

[align=center]
واهني اللي وصلها وذاق امن الزلال
رشفة مع غفلة الناس من فيها لفيه

واعزتي للي سواتي عشق ما لا يطال
ويوم طاله ضيع الحلم بين أمه وابيه

يااول احلام الطفوله على حد الخيال
الرجا بللي حمى البيت من حملة بريه

حال دونك سيف عنتر وتاسع حول حال
باثر حول حال دونك وانا ادعي هيه هيه

هيه يللي غرك الحسن واطغاك الجمال
والله ان اموت ماشفت لاوصافك شبيه

لو يسام الحسن والتيه بجنيه وريال
مابقى في سوق غيرك لا ريال ولاجنيه

كيف اهدك للمقابيل وانتي راس مال
راس مال ومال والماال مايعطى السفيه

حافظك حفظي لعيني ورمشي لك جلال
وانتي تشحين بالما وانا شفي مويه

شايفن ظلمك وساكت وطال الليل طال
لاتركتي طعن قلبي وانا ماقلت ليه؟

لو بقا للهيل صبرن على فوح الدلال
مابقى للقلب صبرن على شي يجيه

كنت احسب ان الغلا زال واثره لايزال
في الحشا ماكنه الا دخيل في وجيه

ساقني حبك على الموت وسنيني هزال
والظروف اقسى من الظلم للعرض النزيه

وانتي تسوقين عقلي على حد الهبال
تحسبين ان من بغى شي يقدر يشتريه

والا انا ياوجد حالي وجودن مايقال
وجد من ضحى بغاليه لرضا والديه

وياوجودي يااول العمر قبل ألبس عقال
وجد من باع آآخر العمر في رغبة ذويه

وياوجودي كل ماهب صوتك من شمال
وجد من حده زمانه على اللي مايبيه

تسلم على النقل المميز
رائعة من روائع أبو منصور
تقبل مروري وتقديري[/align]

 

[عمر العميري]

وعليكم السلام ورحمة الله وبركاته

مشكور اخي جناح لا هنت

وابو منصور من افضل الشعراء الموجودين على الساحه

ودائما ماسمعله

تقبل مروري يالغلا

 

[يسوم هذيل]

اختيار مميز جداً ونقل في غاية الروعة . تقبل مروري وأنا في انتظار اختياراتك المميزة

 

[خالد الياسي]

وعليكم السلام ورحمة الله وبركاته

اختيار موفق اخي الكريم بارك الله فيك..

 

[جناااح]

ياسلطان البيوت اللي قبل احسن :44:

 

[حدي نظر]

شكرا لك على الموضوع المميز

تقبل مروري وتحياتي