وشلون حال المملكة ..؟ [ دام الخيانة من ملك ]

[عناد طفلة]

​

قبل أبتدي عندي طلب ركِّز طلب ماهو " رجاء " !
مـــا أبي تجــــاوبــــني .. ولا تــســتغرب إني أسألك​

لا تعتبر جمر الحكي من شاعــــرك يعـني " هجاء"
لو كنت بهجي حضرتك ما خفت منِّك .. قلت لك!​

هذي القصيده مصنِّفه في دفتري قصة " رثاء "
حبٍ يمـــوت وتنولــد .. وحبٍ يعــيش ويقتلك!​

ناديت لك ياما .. ولا لبِّيت لي , وضاع النداء !
مبحوح صـوتي والصـدى مــن كثر مـا نــاديــتــلك!​

أقــرب مـن ثــيابي عـلي وأبـعد من نجوم السماء
ورغم إبتعادك والتعب ..أرسم طموح وأمهلك ..​

ما كنـــت لي الداء وأنا ما كنت ل جروحــك "دواء" ..
ما عشت في دنياي لي !!عايش ولكن عشت "لك" !​

علمتك القلب الوفي .., ما يخذلك فيه " إنتماء " !
وعـلمـتـني كيف العـشم في مــن تحــبه ....يخــذلك!!​

علمتك إن أصل الهوى يرجع ل كلمة " إحتواء " !
وعـلـمتني إن الـهـوى , مـا عـاش يـوم بــداخــلك !​

علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..سـاحلك!​

ما تستحي ,, ودامك كذا ؟ - إفعل حبيبي ما تشاء!
تــوِّي عــرفت إنِّي كثر مــا أعْـــرِفِك .. كنت أجهــلك !​

ما كان قلبي بس لك وقلبك لعب دورالدهاء !
وما كنت لك أقرب من أنفاسك وأقرب من هلك؟!​

ما عاد تفرق غيبتك أو رجعتك .. عندي سواء!
كنت إهتمامي ورغبتي .., والحين دوري أهملك !​

لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !​

إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك!​

قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز على " مستقبلك​

 

[أبو حمدان]

من روائع الشاعر / أحمد الصانع

الأخت عناد طفله

أولاً اشكر لك النقل المميز لهذه القصيدة الجميلة
ثانياً لابد أختي الفاضلة أن تذكري بأن القصيدة منقوله ولابد من ذكر شاعرها
حفاظاً على الحقوق الأدبية للشاعر
أتمنى أن تنتبهي لهذا مستقبلاً
ولك طيب الود

ينقل الموضوع لقسم المنقولات

 

[عناد طفلة]

من روائع الشاعر / أحمد الصانع

الأخت عناد طفله

أولاً اشكر لك النقل المميز لهذه القصيدة الجميلة
ثانياً لابد أختي الفاضلة أن تذكري بأن القصيدة منقوله ولابد من ذكر شاعرها
حفاظاً على الحقوق الأدبية للشاعر
أتمنى أن تنتبهي لهذا مستقبلاً
ولك طيب الود

ينقل الموضوع لقسم المنقولات

حياك أخوي أبو حمدان
منور صفحتي
لهذي اللحظة و لهذي الثانية وانا اقول الموضوع ينثل و يحذف ومكرر
و اليوم انت صاير استاذ و تقولي ينقل
طيب يا عم انقله و المره الجايه راح أنتبه
أي أوامر أخرى ..؟
وحياك الله كل مره تعال بمواضيعي هههههههههههاااي
دمت برحة بال خيو



​

 

[أميرة الورد]

قصيدهـ قمة الروعه
وشهوله تتنقل.؟؟!!؟؟!!

عموماً عنآد طفله يسلمك ربي على الذوق الراقي

كل الود لروحك....,

 

[عناد طفلة]

مرورك الاروع
و مبروك على النيو لوك ^_*
تسلمين لي غلاي على طلتك