ياجاهل الدنيا ترى الموت قافيك @اغنم شبابك والتزم وش تحرى

[كاسب الطيب]

قصيد أعجبتني اشارككم بها

والحقيقة بحثت عن شاعرها فلم اجده

هاكم القصيدة




ياجاهل الدنيا ترى المـوت قافيـك
اغنم شبابك والتـزم وش تحـرى
أغنم شبابـك دام ربـي معافيـك
لاتحسب أنك دايم بخيـر تسـرى
أذكر نهـار أن المغسـل يعريـك
ما تشعر أنك مـن ثيابـك تعـرى
نهـار للبيـت الحقيقـي نوديـك
تحمل على الأكتاف وبك إنتـدرى
إلى بيتك المعلوم تذهب ونرميـك
وحيد مالك عـن سكونـه مفـرى
بيت ظلام وفيـه ينعـاد ماضيـك
وتشوف ما قدمت خيـرا وشـرى
كان العمل طيب فـلا بـد ينجيـك
وان شان حتى القبر منـك يتبـرى
أغلى العرب عندك يروح ويخليك
في حفرة هي السكـن والمقـرى
لا من صديق و لا رفيـق يسليـك
تحت الثرى تسكن والأصحاب برى
والمال للوارث بعد كـان يلهيـك
عن الطاعة اللي في ذراه إنتـذرى
هذا مصير الكـل والعلـم ينبيـك
و لا خير في حلـو تقفـاه مـرى
وصلوا على الهادي شفيع المماليك
ما هل وبلا تالـي الليـل سـرى












اخوكم / كاسب الطيب

 

[سلطان الندوي]

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
أغلى العرب عندك يروح ويخليك=في حفرة هي السكـن والمقـرى [/poem]


مشكور قصيدة جميلة جداً
ومعبرة

 

[كاسب الطيب]

مشكور على مرورك على الموضوع ياغالي

واتمنى من الاعضاء اذا قرأ احدهم الموضوع ان يكتب مشاركته



اخوكم / كاسب الطيب

 

[كاسب الطيب]

مشكور على مرورك عالقصيدة ياغالي

 

[ابو سعد]

اخوي كاسب الطيب


قصيده رائعه فعلا و قد اجاد قائلها


و اذا عرفت من هو ارجوا منك ان تكتب اسمه ها هنا



شكرا لك









تحياتي ,,,

 

[هذلي والفخر لي]

[align=center]قصيده جميله جدا

ولكن هل من قارئ متعظ؟

يعطيك العافيه كاسب الطيب

على النقل المتميز[/align]

 

[كاسب الطيب]

مشكور على مرورك عالقصيدة ياغالي