محاورة شاعرهذيل عبيدالله القارحي ومحمدبن طمحي

[خوتي للذيب]

السلام عليكم ورحمة الله وبركاته

جايب لكم محاورة رائعة لعبيدالله وبن طمحي

عــــــبـــــــيـــــــدالله
الــــــقـــــــارحـــــــي​

سلام الله سلامن فيه رعد وفيه بـرق وسيـل
تحدر بالمسيل اللي سكن بـه قاطـع الساقـة
انا شديت حيلي ليت ابن طمحي يشـد الحيـل
على وضح النقا والذوق لـه فالنـاس ذواقـة ​

مـــــحـــــمـــــدبـــــن
طـــــــمـــــــحـــــــي​

هلا يا مرحبا والضيف اله تقدير بـن وهيـل
وتكميل الرجال الي لكسـب الطيـب عشاقـه
علامك يالهذيلي في كلامـك منفعـل بالحيـل
سوات الي يكب البـاب ويعـود مـع الطاقـه ​

عــــــبـــــــيـــــــدالله
الــــــقـــــــارحـــــــي​

انا شايف جمل مسعود شبهه مع جمال اعقيل
مركب في بعض مقدم جمـل ومؤخـرة ناقـة
وبوعينين حوله وجه اسود من سـواد الليـل
نسى ميقاف عمه يوم جـات القـوم منساقـة ​

مـــــحـــــمـــــدبـــــن
طـــــــمـــــــحـــــــي ​

ترا مابه غرابه لو سوا تمشي جمـال وخيـل
وهـذا تنطلـق ساقـه وهـذا تنثـي ساقـه
هنا وقف وقول( استب) هرجك في عدل ميـل
ومن يهرج بعدل وميل لازم تكشـف اوراقـه ​

عــــــبـــــــيـــــــدالله
الــــــقـــــــارحـــــــي​

عساها كلها يابوبـدر فـدوة جمـال اهذيـل
نهار العيد في ساحة منـا والـدرب مخناقـة
ليا وقفت في موقف يضرك حيل فنـت حليـل
سنة وانته بدون امع البدون ابكـل مطراقـة ​

مـــــحـــــمـــــدبـــــن
طـــــــمـــــــحـــــــي ​

هذا راين محايد والحمول الها جمـال اتشيـل
وفيه اجمال عاديـه وفيـه اجمـال عملاقـه
انا لي ماقفن معروف مابين الجـدي وسهيـل
وكلمتك الاخيره ردهـا جاهـز علـى الفاقـه ​

عــــــبـــــــيـــــــدالله
الــــــقـــــــارحـــــــي​

عطيتك راي في الموجز عطيتك راي يالتفصيل
وحطيت الهدف مابين سقف البيـت وارواقـة
ورى ماتحفـظ التكبيـر يابوبـدر والتهليـل
ورى ماترجـم الشيطـان والا يـدك منعاقـة ​

مـــــحـــــمـــــدبـــــن
طـــــــمـــــــحـــــــي​

كلامـك يالهذيلـي فاهمـه ومـحلله تحليـل
ولا خيل خيالـن مـن ورا الظلعـان براقـه
ترا طيب الرجل فالدين والاخـلاق والتكميـل
يعز الرجـل فيطيبـه وفـي دينـه وبخلاقـه ​

 

[أمجاد]

شـكــ وبارك الله فيك ـــرا لك .. ومنكم نستفيد. لاعدمنا شعارنا لك مني أجمل تحية .

 

[خوتي للذيب]

هلابك نسمه

ولاعدمنا مرورك

ولاشكر علي واجب

 

[طيب الهقوات]

محاورة جميلة تسلمون يالربع

 

[أبو المثلّم]

سلام الله سلامن فيه رعد وفيه بـرق وسيـل
تحدر بالمسيل اللي سكن بـه قاطـع الساقـة


يا سلام

مبدا حلو وقاف كله قوي ومميز

 

[مطرفي الدلم]

بيض الله وجهك قاااااااف رائع وإبداع من أبو غيث ولايهون بن طمحي .

تحياتي .

 

[صافي الروح]

تسلم يمناك لا عدمناك

 

[صدى الحق]

تسلم يمناك لا عدمناك

ولا جديد ابو غيث مدرسه لشعر

 

[هذلية نجد]

لا فض فووووك ياصقر هذيل

ابو غييث وما ادرااك ما ابو غييث

عبيدالله احب اقوول لك انت فخر لنااااااااااااا