انشد عن العتبان في كل الاقطار/ تلقى العتيبي عز من ينتخيبه

[سعد القثامي]

للخيل خياله وللشعر شعار
اقولها في مدح ربعي عتيبه
لطامة العايل هل العز والكار
ذباحة الحايل ولاهي غريبه
لنا الكرم والطيب عنوان وشعار
وسيوفنا فوق المعادي عطيبه
يوم المعارك جالها عج وغبار
ربعي عتيبه مارضت بالغليبه
حنا سوات السيف والسيف بتار
والسيف له عند المخاليق هيبه
انشد عن العتبان في كل الاقطار
تلقى العتيبي عز من ينتخيبه
واليوم في جزل المعاني ابختار
واشرف على المرقاب واعوي لذيبه
سود الليالي مبهمه والفلك دار
دار الفلك ياخوي دوره عجيبه
ماني من اللي يسبر يمين ويسار
وليا لقا الفرصه تناوش صحيبه
انا سعد ابن قثام نسل الاحرار
احل عسرات الامور الصعيبه
قلته وانا في خاطري بعض الافكار
اعدها من دون شك وريبه
بعض العرب مشغول في نقل الاخبار
احد(ن) يودي علم واحد يجيبه
احد(ن) يودي علم لو كان ماصار
واحد يصدقله ويفتل شنيبه
وبعض العرب في خوته يجلب العار
يعيب العربان ماشاف عيبه
ياللي تحزم بندقك مالها عيار
وليا رميت ابه الهدف ماتصيبه
ماقدمك الاالجمر مع صالي النار
واللي يدوس الجمر يونس لهيبه
يحماني الله من صواديف الاقدار
الواحد اللي كلنا نحتميبه
وختامها صلوا عدد وبل الامطار
على رسول(ن) كلنا نقتديبه

 

[قلب الحجاز]

ونعم بعتيبه بيننا وبينهم صهر وجيره ..
ولاتهون باقي القبائل
أبدعت ياالقثامي

 

[أبو حمدان]

ونعم فيك وفي ربعك عتيبه
وصح لسانك

 

[صالح الكعبي]

وعليكم السلام ورحمة الله وبركاته

انشد عن العتبان في كل الاقطار
تلقى العتيبي عز من ينتخيبه

ونعم بربعك عتيبه يالقثامي ولاهانوا القبائل

قصيده جزله معنى ومبنى

تقديري لك

 

[عماد الهذلي]

السلام عليكم ورحمة الله وبركاته

صح لسانك ياقثامي....


تمدح ربعك ، ونعم بك وبهم،،، وحياك الله في مجالس هذيل.

ننتظر جديدك

تحية طيبة

 

[الرائق]

صح لسانك قصيدة جزله والنعم بعتيبه ولاتهون باقي القبائل
ومرحباً بك في هذا الصرح الشامخ

 

[سعد القثامي]

حياكم الله يا الربع

وماعلكم زود ياهذيل
وانا من زمان معكم بس ضروف العمل صعبه

 

[عز الرفيق]

و نعم بقبيلة عتيبه

قصيده رائعه و شاعريه متمكنه

صح لسانك أخوي سعد

و بيض الله وجهك


تحياتي

 

[سعد القثامي]

حياك الله وشرفني تواجدك

 

[سمو الذات]

صح لسانك ،،

ونعم بعتيبه ،، بيض الله وجهك يا القثامي قصيده جزله ،، ننتظر جديدك ،،،


تحياتي .

 

[صعيب الندوي]

ونعم وسبعة أنعام بك وبربعك , قصيدة تستحق الإشادة .صح لسانك ولا هنت .​

 

[ابوجنوب]

والنعم يا العتيبي كفووو راعيها

لنا الكرم والطيب عنوان وشعار
وسيوفنا فوق المعادي عطيبه!!

انا اشهد اهلها صح السانك

 

[عايش بكيفي]

صح لسانك يالقثامي ونعم والله بعتيبة

 

[جموح أنثى]

إي والله ونعم وسبعة أنعااااااااااااااااام بعد
بعتيبه يفدااااااااااااااااني لها ولهلها
ولايهووونون باقي القبااايل والعربان
صح السانك وعتلا شانك
أجدت القصيد وبدعت بعد~