قصيدة بمناسبة عودة ولي العهد ...

[ماطر السويدي]

قصيدة بمناسبة عودة ولي العهد صاحب السمو الملكي الأمير سلطان بن عبدالعزيز
الى أرض الوطن سالما ً معافى أطال الله في عمره وأدام الله لنا القيادة الحكيمة:



يالله يارحمن ياجـزل الاحسـان
يارافع ٍ سبع ٍ وسبـع ٍ مهدهـا

الحمد لك ياعالـم ٍ كـل ماكـان
ياخالق ٍ خلقك ومحصي عددهـا

على سلامة سيد الجود سلطـان
نرفع لك كفوف الضراعه ويدهـا

لاباس ياشيخ الكـرم ياكحيـلان
أزمه وعدى عن سموك جهدهـا

ياسيدي سلطان ياطيـر حـوران
ياسيد الأبيـات واللـي قصدهـا

متباشريـن بعودتـك يابليهـان
الشعب كلـه فرحتـه مابعدهـا

لنك كسبت قلوبنا كـل الاحيـان
حييت ياسيد القلـوب وسعدهـا

الكل ياشوق الغناديـر فرحـان
الله يمدد فـي سنينـك وامدهـا

لايابعد حيي وميتـي والاعيـان
تفداك نفسي لو تصيـر بلحدهـا

بحر العطا يمناك ياذرب الايمـان
يامزنـة ٍ غـرا تهامـل بردهـا

يابو اليتيم وملتجا كـل بلشـان
يافزعة اللي حاجتـه ماوجدهـا

ياسيدي ياللي لك الطيب عنـوان
في غيبتك روحي تزايـد لهدهـا

مافاد به سمرة سوالف وخـلان
وهموم بالي زاد بعـدك عددهـا

هم ٍ غدى في غيبتك ماله اوزان
واللي خفى ياميـر أمـر وادهـا

والحمد لله إنجلت كـل الاحـزان
في رجعتك نفسي تلاشى نكدهـا

أبطلب اللي فارض خمس الاركان
يحميك من شر النفوس وحسدها

وختامها صلو عدد وبل الامـزان
علـى نبـي ٍِ سنتـه مابعدهـا


الشاعر/ زياد عكروش الضويلي الشمري

 

[بث تجريبي]

[align=center]وعليكم السلام ورحمة الله وبركاته
قصده رائعة وإختيار جميل
صح لسان شاعرها وتسلم على النقل أخوي ماطر
إسمح لي بنقلها للقسم المناسب
وتقبل مروري وخالص ودي وتقديري[/align]

 

[أبو حمدان]

إختيار موفق للقصيدة ونقل جميل
بارك الله فيك أخوي ماطر

 

[أبو محماس]

صح الله لسانك يالسويدي وبيض الله وجهك قصيدة جزله من جزل لا فض فاك