نصيحه

[أبو محماس]

هذي قصيده للشاعر ابو نواف محمد سالم المسعودي الهذلي: يقول فيها

1/ لادق في وسط الضماير هواجيس
اونست كن النار وسط الضماير
2/ قامت تصافق قلت عوذا من ابليس
هذي خواطر بال والا سعاير
3/ عودت ادور للقلم والقراطيس
ودي ابيح ماتكن السرلير
4/ هات القلم عجل تراها محابيس
بساع يانواف واحذر تخاير
5/تراك من ربع (ن) تحوش النواميس
حماية التالي ليا ثار ثاير
6/ من لابة للضيف ماتذبح التيس
ذباحة الحايل وهذاه ساير
7/ جدك مضرا يسفه الخيل والهيس
وابوك ماخاوى من الناس باير
8/ ولا قط سج الرجل وسط الغطاليس
يمشي على وضح النقا والبصاير
9/ انصحك يانواف كب الدنافيس
اضعاف النفوس اللي تجر الجراير
10/ اللي من اعلوم المراجل مفاليس
اترك مجالسهم وسوق البشاير
11/ خاو الرجال امجودين المتاريس
مناقع العراف نسل الحراير
12/ اللي اليا شانت علاك التضاريس
تاقف معك وقفه تشوق النظاير
13/ اتعب وراهم والفعل للقرانيس
ودمح خطا الاصحاب لو دمك فاير
14/ ترى النشاما للنشاما مراويس
لادرهمت بقعاء وجات العزاير
15/ وخلك كما الصندوق واصبر كما العيس
والطاعه اتنومسك يوم الحشاير
16/ افهم كلامي زين ياترثة ادبيس
قدام عينك لا تهل العباير

 

[عناد طفلة]

صح لسان كاتبها وتسلم انامل ناقلها
و
دوم هذا التميز بالطرح
احترامي لك

 

[عز الرفيق]

صح لسان الشاعر :: محمد سالم المسعودي الهذلي

عز الله قصيدة في قمة الروعة

عساك على القوة اخوي ابو محماس

مشكور على النقل الأكثر من ممتاز

تحياتي