قصيدة..في الأمير سلطان بن عبدالعزيز......

عماد الهذلي

:: عضو جديد ::
إنضم
8 ديسمبر 2007
المشاركات
8,373
السلام عليكم ورحمة الله وبركاته

وها أنا اليوم أكمل مسيرة العطاء ، تواصلا مني ومحبتا في هذا الصرح الشامخ ، واعضاءه الموقرين،وزواره الافاضل....وجايب لكم قصيدة في قدوم اميرنا سلطان وهي قصيدة لشاعر لن افصح عن أسمه( هوه عاوز كذا) لكنه شاعر هذلي ، أمل ان تنال على رضاكم:
:47::47::5::5:

حداني الغلا ياظلمة الدور وين النوروبت احتري ضو القمر وآتقدآآبه
عليه سواد الليل حالك وانا مجبوراداري من الوجـد الردى واتسلابه
وأنا عشت دهر اردها من علو الزورواقول الصبر. لو المناديب مرتابه
لكن الغلا فيني نبش كل عرق شعوروجيت أنتخي فالشوق واستنهض ركابه
أنا جيت للي لاحضر ماهو بمنكوركريم العطا راعي الوفا ماقفل بابه
سبقني على بذل الشعر بذله المشكوروأخذني سنا التاريخ للمـجد وكـتابه
سلامي على سلطان راعي الوفا والشوروأنا خابر إن البيت يركي على اطنابه
أمير العطا لو مد كفه تموت دهوروينب تحتها من عطا سيدي غابه
لو يمر كفه من على الشوك صار زهوروطاح الندى والزهر مال ايتغناابه
يموت الجفا ويعيش حبه دفا وسرورويصيح الوطن بالحب وتضمه شعابه
تشوف الحيا يكسي الصحاري والارض البورويهذي المطر بأسمه ويستانس اطيابه
زرع في صدور الشعب طيّبه رخا وجذورنمـوت لوفاه .. وبالوفا دوم نحيابه
صحيح أن ابو خالد بسط كفه المعموربحر جود عشنا من ضفافه وعشنابه
لكنه على الاعدا مواري زناد يثورعلى طيبتة ،، مايقبل الغدر واصحابه
عوايد هل العوجا وكيد العدا مدحورهل السيف (لا دارت رحى الحرب)،،وخضابه
هل العرف فوقات الملاقي طوال شبوررجالن على الهقوات للمجد كسّـابه
يا أمير المحبة من يقول الصدور قبورلك الله بأسمك عاشت صدور تتشابه
نمد الكفوف وندعي الله ست شهوريردك لنا يا كاسي الجود بثيابه
ايوالله نحبك صدق، ماهي شهادة زورمحبة حقيقية ولاهي بكذابه
يابو خالد أنته النور من مايحب النور؟وفيك الصفات أبلغ من الشعر واسرابه
ولو ينمدح مثلك فبيتين دون قصوررسمنا وجيه الشعر باللوان خلابـه
لك الله نحبك دام فينا دما وشعورولجلك نرود الموت ونعاند اسبابه
ترانا جنود الحق مانخلف الدستورولاندرق و الحق فيدين طلابه
هنا شادت صدور اليتامى بلاد ودورعلى العز دولة عن هل الدون وثابه
بعد جيت ياسلطان لا ارض الوطن ماجورعسى الله يديمك للوطن نار شبابه
سلامتك يا رمز الوفا ياحكيم الشورفرشنا الغلا لك سيدي وانته اولابه
ونحتنا على عوج المحاني غلاك سطورغلا شعب كامل بالوفا قابل احبابه
من هذيل نهديك القصايد غلا وحبورونهديك من صدق الولا صافي الجابه
 
التعديل الأخير:

ابوفهد الياسي

:: عضو جديد ::
إنضم
17 سبتمبر 2007
المشاركات
8,085
من هذيل نهديـك القصايـد غـلا وحبـور​
ونهديك من صـدق الـولا صافـي الجابـه​


ابيات جميله ورائعه بروعة قائلها
وهذا البيت يغني ويكفي عن كل الابيات
و صح لسانك مدد بلا عدد ياعماد الشعر
وسلامي لك من أرض الوطن
 

عمر العميري

Administrator
إنضم
5 يناير 2006
المشاركات
10,191
وعليكم السلام ورحمة الله وبركاته


قصيده رائعه صح لسان قائلها

ومشكور على النقل الرائع ياعماد

ارق التحايا
 

أبو حمدان

:: عضو جديد ::
إنضم
2 ديسمبر 2006
المشاركات
7,299
عماد والله ياسلوبها ماهو رايح بعيد عنك يابعدي
بصراحه قصيدة قمة كلها جزالة واسلوب سهل وجميل

صح لسان قايلها مهما يكون وبيض الله وجهك يابو معتوق
 

سلطان السويهري

أبو رواد
طاقم الإدارة
إنضم
21 مايو 2006
المشاركات
7,484
لو يمـر كفـه مـن علـى الشـوك صـار زهـور​
​
​
وطـــاح الـنــدى والـزهــر مــــال ايتـغـنـاابـه​
​
​


صور رائعة ، من ملح الشعراء


مــن هـذيـل نهـديـك القصـايـد غــلا وحـبـور​
​
​
ونهديـك مـن صــدق الــولا صـافـي الجـابـه​
​
​


سلمت يمينك يابو معتوق وصح لسان الشاعر ن وكأني عرفته
 

رايد الهذلي

أبو سليم
إنضم
10 يناير 2006
المشاركات
3,547
حداني الغلا ياظلمـة الـدور ويـن النـور
وبـت احتـري ضـو القمـر وآتقـدآآبـه

عليه سـواد الليـل حالـك وانـا مجبـور
اداري مـن الوجـد الــردى واتسـلابـه

الله الله . . . وكبر

اعجيتني كثيراً

وأنا عشت دهر اردهـا مـن علـو الـزور
واقـول الصبـر. لـو المناديـب مرتابـه

جميل جداً . . واسلوب رهيب



بعد جيت ياسلطان لا ارض الوطن ماجـور
عسـى الله يديمـك للوطـن نـار شبـابـه

كلام من القلب . . وابداع شاعر محترف




صح السان قايلها وسلمت على النقل يابن معتوق . .

وكأني عرفت صاحبها . . شاعر لا غبار عليه . . بس ليته ما يتغلى ويشاركنا


ابو معتوق سلملي عليه . .




احترامي
 

عماد الهذلي

:: عضو جديد ::
إنضم
8 ديسمبر 2007
المشاركات
8,373
انا ابي ناقد يعلمني ان فيه نقد


ابي رجل يقرا النص للنص بعيد عن الشاعر،،، ابي واحد يقول هالقصيدة لفلااااااااااااااااااااااااان.....


ولازلت ماني قايل
 

حامد السالمي

أبو خالد
إنضم
4 ديسمبر 2007
المشاركات
18,815
وعليكم السلام ورحمة الله وبركاته

صح لسانك عماد الشعر والتميز


جزاك الله خيرا
 

العود القماري

:: عضو جديد ::
إنضم
26 يوليو 2009
المشاركات
1,232
صح لسانك يالفند الضبيبي

قصيده وطنيه رائعه ..... ونتمنى مشاهدة المزيد من قصائدك

ارق التحايا
 

أبو عمار

:: عضو جديد ::
إنضم
30 يناير 2009
المشاركات
616
صح لسانك يالفند الضبيبي

شاعر كبير ياولد العم

وفي انتظار ماتنزل القصائد بأسمك
 

شاهر العميري

:: عضو جديد ::
إنضم
29 أكتوبر 2009
المشاركات
238
صح لسانك اخي الفند الضبيبي

شاعر جزل وكلمات عذبه

قصيده محبوكه

والحمدلله على سلامة ولي العهد

وهذه الباسقه تجعلنا متشوقين للمزيد من شعرك العذب

ارق التحايا
 

عماد الهذلي

:: عضو جديد ::
إنضم
8 ديسمبر 2007
المشاركات
8,373
يعني بصراحة...جات اجابات فالاخير تعطي أمل.............................


الفند الضبيبي؟؟؟ اجابه


بس صحيحه ماهي صحيحه..............ودي بواحد يعطيني اثبات..ابي شخص فعلا يقرأ شعر .... ويقدر يثبت أن قائل القصيدة فلان؟؟؟؟


عموما قربتووا ترى..................؟؟؟ فكروا ياربعي تكفون


حنا أهل الشعر،،، مانقول بس نفهم وننتذوق الشعر؟؟
 

عماد الهذلي

:: عضو جديد ::
إنضم
8 ديسمبر 2007
المشاركات
8,373
صدقوني هالقصيدة بالذات مفصليه!!!!


نعم ستعطي أنطباع للكثير ، أن هناك جمههور يستحق التعب والجهد،،أم لا؟؟؟



أكثرنا يعرف أساليب بعض..... لماذا لا نتجه للأسلوب ؟؟ ونعرف الشاعر من خلال أسلوبه؟؟



الفند العيون عليك..............................وينك وينك؟؟

انا اعرف الفند..... يموت فشعر نزار قباني....ليه لا!!!:smi_82:


إذا ثبت انه الفند...............اول من يطالب بالصبغه أنا..طبعا صبغة الشاعر!!!

ههههههههههه


تحية طيبة
 

رايد الهذلي

أبو سليم
إنضم
10 يناير 2006
المشاركات
3,547
ياعماد ... الشاعر .................... وانت عارف لا تحداني


ترا علمتك ........



ياحبي له بس له جمهور بس متغلي ربنا وربه الله


يارجال عطنا من قصايده بس نبي نستمتع
 
عودة
أعلى