قصيده جديده

[أبو محماس]

بسم الله الرحمن الرحيم
يعود ابداع الشاعر محمد خريص المسعودي الهذلي ابا نايف واشكره كل الشكر على اعطائي قصائده فيهدي اليكم هذه القصيده في النصح ( نصيحه ) /
1/ لو السراة تشيل همي كان من همي بكت
جلست افكر فالهموم وزدت هم القلب هم
2/ جلست افكر فالسنين المقبلة واللي مضت
وليا الزمان اللي قضيته مهم والمقبل اهم
3/ لا تامن ايام الدهر لو كان يمك قبلت
لو كان تصفي يوم لك يوم تذةقك الندم
4/ وحذر تصادق واحد لا جا لازومك يلتفت
كبه وعيش بلاه لونه قريبك وبن عم
5/ اليا نخيته فاللزوم اما زعل ولا سكت
ولا جلس يرطن على راسك مثل رطن العجم
6/ وحذر تعارضلك علوم عن طريقك جنبت
من عارض الغاوي غوى مثله لو انه محترم
7/ بعض السوالف ناقصه لو كان يمك وجهت
خلك ليا جات العلوم الناقصه مثل الاصم
8/ كل الظروف اصبر لها لوانها فوقك قست
وحذر تشير وتستشير من العرب عمي وغشم
9/ النار لو مصدر لهبها من شراره ولعت
ون ولعت ماتنطفي لو السبب حبة خشم
10/ ومن العلوم اللي تبادله الرجال اليا صفت
اوجز اعلومك بختصار وقودها قود السهم
11/ كم واحد سولف وقالوله بعد ليته سكت
السالفه لا طولت عن حدها ماتنهظم
12/ دور على قفر الخلا لو المسافه طولت
الديره اللي سال واديها بعد وبل الوسم
13/ تنثر نظرك اليا اخظرت فيها الغصون وربعت
اما المدينه لا تجيها الا ليا رحت الحرم
وسلامتكم وتقبلو تحيات ابو نايف
والكاتب ابو محماس

 

[أبو المثلّم]

الله الله

جزاااااالة


جلست افكر فالهموم وزدت هم القلب هم


صح الله لسان الشاعر

تسلم على النقل المميز

تحياتي للجميع