الليل ياهذييييييييييييييييل

[مشعل المعبدي]

ياسلام الله على الي يردون السلام=من رجال(ن)فالمواقف حكيم(ن)شارها=
ياهذيل الي لكم مقعد(ن)فوق السنام=حظكم مايجلب الا جزال اخيارها=

 

[عمر العميري]

وعليكم السلام ورحمة الله وبركاته

حياك الله ياسموم القيض

يجيك اللي يسد اللزوم

 

[السيف الصقيل]

مرحبا ترحيبت ن عد وبال الغمام
من رجال ن فالمواقف تشاهد نارها
لا تجيب الحاجه اللي لكم قدر ومقام
الدعاوي عندنا ماتضيع اسرارها[align=center][/align]

 

[مشعل المعبدي]

البقا يصحابنا والفشق وسط الحزام=والبنادق ماتجمل بدون اعيارها=
لاتسوق شعيل فدرب من دون الخطام=يالهذيلي والسلع عارفين اسعارها=

 

[فواز السعيدي]

الله الله


الله يقويكم ..


متابع ..

 

[السيف الصقيل]

ما قفي معروف ياذيب في يام ن وشام
لا تسلح والمعارك عليك اخطارها
بالخطام يقاد ما سيق ميزها تمام
والمدينه ما نزلها يكود انصارها

 

[مشعل المعبدي]

المواقف كلها مع جملها لرحام=والسوالف بينه سرها وجهارها=
انت ياولد الهذيلي يبو عشرين عام=ماتفرق بينها كود شفت اصرارها=

 

[عباد الهذلي]

السلام عليكم ورحمة الله وبركاته

سمـوم القيـض
والسيـف الصقيـل


محاورة قويـة وممتـعـه

.
.
يـآليت تحـديد موعـد لتكملـه المحـآوره كـل يوم واحـد يكتب بيـت واليوم الثاني يرد عليـهـ زميـلهـ

مـآ ينفـع كـذا الله يوفقكم ..

حـددو الموعـد للمتـعـه ولجماليـه المحاورة وإثارتهـآ حتى يستمتع معكم الجمهور ...



بارك الله فيكم

 

[سلطان السويهري]

شاعرية قوية وياليت يتحدد موعد مثل ما قال المشرف

 

[السيف الصقيل]

مشكله يا صاحبي البصل عقب الصيام
لا خبطنا الارض فوقك يطير غبارها
انت يا اللي تحت ظلي عليك الحر حام
لو تعذر ما تفيدك كثير اعذارها

 

[السيف الصقيل]

هلا وغلا
مروركم شرف لنا
والله اتمنى ذالك
وانا لقيت البدعه ورديت والشاعر غير موجود
وبيض الله وجيه المتابعين والشاعر سموم القيض

 

[مشعل المعبدي]

صح لسانك يسيف الصقيل استمتعنا معك بمحاوره جميلة وشكر الاخوان على مرورهم الجميل ونشاء الله تجمعنا محاورات اخرى وشكرا

 

[السيف الصقيل]

صح بدنك وتشرفت بالعب معك