قصيده لي بنت عم....صاحب القصيده

[ولد الشاعر]

السلام عليكم ورحمة الله وبركاته ​

اليوم حبيت اجيب لكم موضوع اشغل الناس كثير​

وهو صاحب القصيده المشهوووره ((لي بنت عم ماوطت درب الادناس))​

طبعا انا كنت ابحث عن القصيده والي غناها المطرب راشد الماجد​

ولقيت اغلب المنتديات واكثرها كاتبين ان الشاعر بلوي ..وشمري ...الخ​

سئلت الوالد الله يطول بعمره عن هذا الشاعر (( سعد بن مشعل المطرفي))​

فقال لي - بحكم انه له بالموروث - انه هذا الشاعر هو من شعار قبيله هذيل ​

وهو من مطارفه الشليات .. وان الي رد عليه هو الشاعر هليل المطرفي الهذلي​

وهو والد الشيخ - شويمي بن هليل المطرفي الهذلي (( شيخ الشليات ))​

والطريف في الامر ان الراوي المعروف محمد الشرهان نسب هذه القصيده الى نفس الشخص​

ولكن نسب الشاعر الى قبيله (( بلي ))​

وان شاء الله عما قريب آتيكم بنسب الشاعر سعد المطرفي الهذلي وابن عمه الشاعر هليل المطرفي الهذلي​

واترككم مع القصيده​

يــاراكــب ثـنـتـيــن يــشـــدن الاقـــــواس
مـــن دار ريــضــان الـحـجــر حـركـنــي​

مـافـوقـهـن كــــود الــدويــرع وجــــلاس
وســفــايــف بـــيـــن اربــــــع يـلـعـبـنــي​

تحركـنـا مـــن عـنـدنـا حـيــن الامـــراس
ومــضـــى ســـــواد الـلــيــل مـابـركـنــي​

حـكـن عـلـم عـذفـا يـسـارن مــن الـــرأس
والـظـهـر مــــع ورد الـحـفــر يـشـربـنـي​

وحطـو لـهـم مــع هقـلـة الحـضـر بــلاس
عــن الحـضـر والـلـي بالـخـلا يسرحـنـي​

ولـيــا لفـيـتـوا عـنــد مـدقــوق الالــعــاس
الـــجـــادل الـــلـــي بـالـمـحـبــه مــحــنــي​

قولـوا علـى حبـل الـرجـا نـطـوي الـيـاس
ولـبــيــض غــيـــره كـلــهــن يـحـرمـنــي​

ولــو يـنـدوي جـرحـي دويـتـه بـزفــواس
ولا بـنـي رفــاف الـبـيـت مـنـكـم ومـنــي​

والله يــعــلـــم بـالـخـفــايــا والآجــــــــاس
حيـث مضـى مـن صـغـر سـنـك وسـنـي​

وياعـم اللـي طعـت بـي هــرج الانـجـاس
طـاوعـت هــرج الـنـاس واخلـفـت ظـنـي​

طـعــت بـــي يـاعــم دايــــس ودربــــاس
وعــــــوارض صـدقــتــهــا وابــعــدنـــي​

ومن لااخـذ مـن درس الاسـلاف نبـراس
تـمـضــي حـيــاتــه بـالــرجــا والـتـمـنــي​

واقفـيـت اديــر بظـامـري كــل هـوجـاس
عـلــى ولـيــف بـالـحـشـا غــــاب عــنــي​

تكـبـي خواطـرهـم لـيــا جـيــت عـســاس
ولاتـقــل انـــا مـنـهــم ولاهــمــب مــنــي​

ومـريــت دار مـاتـقـل جــنــة الاونــــاس
وونــيــت ودمــــوع الـعــيــون ذرفــنـــي​

جـيـت الـمـراح الـلـي بالعـشـب مـحـتـاس
العـشـب فــي مـضــرب وســـادة مـعـنـي​

مـحـذا شـبـة الـنــاس ومشـتـاقـة الـــراس
وثــــــــلاث لايــبـــكـــن ولايـنــبــكــنــي​

لــي بـنـت عــم مـاوطـت درب الادنــاس
ولادنــســت يـــــوم الـنــســاء يـدنـسـنــي​

ضربتهـا وانـا احسـب الضـرب نومـاس
طلـقـتـهـا يــــوم افــخــت الـعـقــل مــنـــي​

يانـاس كـيـف العـيـن تبـكـي عـلـى نــاس
وكـيــف الـعـيـون بـــلا رمـــد يسـهـرنـي​

لـو ينشكـي حـبـي عـلـى ذيــب لاخـمـاس
يــســـرح مـــــع الـطـلـيــان مـايـجـفـلـنـي​

ولـو ينشكـي حـبـي عـلـى طـيـر قـرنـاس
اضـحـى الـضـحـى بمـويـكـره مستـكـنـي​

ولـو ينشكـي حـبـي عـلـى قــب الافــراس
عــيـــن نــهـــار الـــكـــون لايـفـزعــنــي​

ولـو ينشكـي حبـي عـلـى المـيـت مـانـاس
يـثــور مــــن بــيــن الـنـصـايـب يــونــي​

ولــــو الـبـيــوت مـشـدديـنـه بــالامــراس
عـــيـــن مــــــع الــخــفــرات لايـنـبـنـنــي​

وحتـى النـجـوم الـلـي مــع اللـيـل غــلاس
لــــو يـنـشـكــي حــبـــه لــهـــن وقـفــنــي​

ولـو ان غوطـة (دم سلمـان ) واضــراس
يــــــدرن بـمـاقـلــبــي لـقــلــبــه يــكــنـــي​

تلـقـى سـهـل جـبــة هـضــاب ومـنـحـاس
وحـتـى الـجـبـل بـالـقـاع صـــار متـثـنـي​

اشرفت رأس ضراس من فوق الاطعاس
ولالـــوم طــــراد الــهــوى لــــو يـجـنــي​

هلـيـت دمــع الـعـيـن واومـيــت بـالــراس
ورافـقـت كـــور الـعـيـس يـامــا ابـعـدنـي​

ورفعـت نفسـي عـن شـبـا كــل وســواس
الـبـعــد احــلــى مـــــن حــيـــاة الـتـمـنــي​

انـــا زبـــون الــحــرد لـلـخـيـل مــدبــاس
يـاكـلـشـن شــهــب الــشـــوارب نـخــنــي​

نفسـي تـشـوم عــن التدلـبـح مــع الـسـاس
ولاعــاش مــن هــو عــن رفيـقـه يـكـنـي​

مـن شيـدوا (زينـة ) علـى غيـد واغـراس
لــيـــا نــســيــت رســومــهــم ذكـــرنـــي​

يـاعـم انــا لــي طلـبـة الـــراس بـالــراس
يــاعــم شــــوف رسـومـهــم ماانـمـحـنـي​

ولو صرت ان القلاع ماشلت الاضراس
والــمـــوس مـايـقـطــع بــلــيــا مــســنــي​

يـاصـار ماربـعـن عـلـى الــرائ جــلاس
وجـنــحــان طــيـــر الـســعــد يـلـفـحـنــي​

نــصــيــر دوم لـلـصـقـاقـيـر مـــــــدواس
مـثــل الـلــي يـسـمــع صـفـيــر الـمـغـنـي​

والله يــــلــــولا بــــكــــرة يــبـــوونـــاس
حـبـه سـكـن باقـصـى الضمـايـر مـحـنـي​

والله لـــو هــــي ماتـبـيـنـي فــــلا بــــاس
لاشــــك خـبــثــان الـنــفــوس طــردنـــي​

وانــا احـمـد الـلـي خـالـق كـــل الانـفــاس
وجـعــل وســـاع الــقــاع مـافـيــه مــنــي​

دار بـــــدار ولامــنــاخــات الانـــجـــاس
يــاصـــار مـايـمـنــاك عـيــنــك تــزنـــي​

فــي بـلـدة الـغـراف مـــن جـمـلـة الـنــاس
ولا نـيـب مــن يـرجـي الخـلايـق تـحـنـي​

دار بــه الاكـــرام والـطـيـب بـــه ســـاس
دايــــــم تــذكــرنــي لـــيــــال مــضــنـــي​

 

[فيصل هذيل]

وفقت الله

في انتظار ما يثبت بان القصيدة لمن قلت


دمت بخير

 

[الـمـطــ الهذلي ــــرفي]

بالنسبه لنا حنا نعرف انها للشاعر الشلياني
لكن في قبايل اخرى تقول انه منهم
منها عنزه وبلي ....وموجوده عند شمر لكن مع اختلاف في الابيات

 

[ولد الشيخ]

اخي الفاضل اشكرك على طرحك لهذه القصيده التي حاول كثير من القبائل نسبها لبعض شعرائيها​

ولكن الحقيقه انها لسعد بن مشعل الشلياني المطرفي بسب طلاقه لابنة عمه وتركها وسفره لمنطقة الرياض​

وقد ارسل هذه القصيده بعد وصوله الى الرياض يطلب من عمه الشيخ هليل بن عيظه شيخ الشليات في ذلك​

الوقت ان يراضي زوجته ويرجعها له 0000 واليك نسب كلا منهم ​

سعد بن مشعل بن عيظه بن عواضه بن حويمد بن بخيت بن عايض بن عواضه بن شليان بن على بن مطرف​

وكذلك عمه الشيخ هليل بن عيظه بن عواضه بن حويمد بن بخيت بن عايض بن عواضه بن شليان بن على بن مطرف​

وقد رد عليه عمه بعدم موافقه زوجته على العوده وقال هذه القصيده ​

قـولوا لأبن مشعل خذ الهرج بقياس
ذي عــادة الايــام لا دبـرني
اللي مـعه ميز وناموس بالــرأس
يـقدم لأهـل عوص النضا كل فني
ويحـط له بن وهــيل ومحــماس
ودلال فـي حيــد الـوريثه يجني
وحياة جلاب المــطر مـغني الناس
يافــيك نيات الــردا مـاطرني
لاشك ما أبي اللمس في خـاتم الماس
حيث أن ضـنك مـا يبـاعد لضني
أطو العزا يامـكرم الضـيف بالياس
ودور بــدلها ياحـراوى مـضني ​

وسلامتكم​

 

[ماطر السويدي]

أشكرلك أخي ولد الشاعر على طرح هذة القصيدة

ونود التأكد من صاحب القصيدة الحقيقي .

ولي عودة للموضوع إن شاء الله

 

[ولد الشاعر]

[align=center]
[align=center]
اشكر الجميع على التفاعل مع الموضوع

وبالنسبه لنسب الشاعر انا اخذت النسب من ابن الشيخ شويمي بن هليل

وهو \\ سعد بن مشعل بن عيظه بن عواضه بن حويمد بن بخيت بن عايض المطرفي الهذلي

والرد كان من عمه \\ هليل عيظه بن عواضه بن حويمد بن بخيت بن عايض المطرفي الهذلي
[/align]
والله الموفق
[/align]

 

[أبن ماطر]

يعطيك العافية ولد الشاعر على ماقمت به من توضيح...
ودمت بالصحة والعافيــــــــــه ...