بعد الحبيب

[واثق الخطوة]

السلام عليكم ورحمة الله وبركاته

مشاركة بعد انقطاع طويل عن منتدى هذيل العامر

يقول من عانى من البعد والتاع= بعد الحبيب أقسى من الجمر حامي
لولا ظروف الوقت وحصول الانفاع =مانفترق يازين طول العوامي
أول يجود الحظ والقاه مطواع= واليوم عيا لايطاوع مرامي
وحدي ولا حولي من الناس سماع = ماغير أنادي وأتسمع كلامي
وابكي على اطلال ٍلها القلب تباع = وارجي من الرحمن يجلى الغمامي
وارسل رسايل مبحره مالها شـراع = مضمونها في داخلي له نوامي
بعدك ترى مشتاق ضمات الاضلاع = وانته من أول من يدفي عظامي
حتى حياتي دون طلتك تنباع = في غيبتك ولابقبري ظلامي
امشي معا الاسواق لاشري ولا ابتـاع = ماغير افكر في طريقي واوامي
سويتلك في داخلي سوق وارياع = لن غبت عني ماتروح هدامي
كنك مثل ضو المجرات لماع = مرقاك للعليا بقدر المقامي
وان جيت تلعب كنك الريم بالقاع = مصبر عليك ولا عليا ملامي

 

[كرستالة هذيل]

[align=center][table1="width:95%;"][cell="filter:;"][align=center]
صح لسانك وعلا شانك راقت لي جدا مع انها تنزف حروفها من الجراح ولكن رائعه
[/align][/cell][/table1][/align]

 

[عز الرفيق]

واثق الخطوة

حياكـ و حيا ما جيت به

قصيدة شاعرية و شجية

صح لسانك ملايين

كل التحايا

 

[واثق الخطوة]

[align=center][table1="width:95%;"][cell="filter:;"][align=center]
صح لسانك وعلا شانك راقت لي جدا مع انها تنزف حروفها من الجراح ولكن رائعه
[/align][/cell][/table1][/align]

صح بدنك

مرور مشرف

 

[واثق الخطوة]

واثق الخطوة

حياكـ و حيا ما جيت به

قصيدة شاعرية و شجية

صح لسانك ملايين

كل التحايا

صح كلك
حي الله عز الرفيق

حي الله الشاعر الكبير

مرورك شرف لي حفظك الله