سلام

[اميرالشعراء]

تحيه طيبه لجميع الاعضاء

سلام رديتأ ياهل الوفاء يا هذيل
من خاطرأ حبكم ما تختلف نيته

+============================+

حنا رجال الوفاء والطيب واهل الجميل
ومثلنا لا حظر ما تنسي جيته

 

[سلطان السويهري]

تحية يا ضيفنا

يا مرحبا يا هلا من خاطر(ن) ما يميل
وهذيل لا من لفاها ضيفها حيته


+============================+

من بعدها يا عرب في صبح والا في ليل
متى نشوف الحفل خالد ومنقيته

الله يحييك أخي العزيز ونرحب بك في مجلس المحاورات وياليت نسمر معك ليله

 

[اميرالشعراء]

صح لسانك يا سلطان ويعطيك الف عافيه انا ما عندي مانع حدد وانا جاهز ولي الشرف

الفارس اللي رحل ما ظن جاله بديل
دور على قاتله ما تنفعك ديته

+====================

دنياك يا الاجودي ما عاد فيها حصيل
الرجل يسعى ورى جيبه وماليته

 

[سلطان السويهري]

صح بدنك ، والتنسيق لمشرف المحاورة

هو اللي يحدد المواعيد ( أبشر ) و ( استلم )

الفارس اللي رحل ما يعرف المستحيل
اللي ليا من رمى ما تختلف رميته


احرص وخلك على ما قيل عابر سبيل
واحفظ عقالك على راسك وطاقيته

 

[اميرالشعراء]

صح لسانك واستلم

التاجر اللي خسر ما عاد عنده حصيل
والشيب غطى على شاربه ولحيته
=======================
انا اعرف المخطيه وعلومنا بالدليل
والرجل دامه غلط لا تزعله سيته

 

[عباد الهذلي]

السلام عليكم ورحمة الله وبركاته

صح لسانك آخوي سلطان السويهري
صح لسانك آخوي اميــر الشعراء

المحاوره تحدد من قبلكم وفقكم الله نسقو بينكم وآحنا حاضرين للغاليـــن ..

آي وقت يناسبكم يناسبنا ...

 

[سلطان السويهري]

مناسب لي أي وقت

ننتظر الوقت المناسب لأمير الشعراء

 

[اميرالشعراء]

صح بدنك اخوي سهم هذيل انا ما عندي مانع في اي وقت بس عطوني خبر قبلها
ويستحسن لو تكون يوم اربعاء او خميس من بعد الساعه 9 مساء وانا لي الشرف
ان اتحاور مع اخوي سلطان او اي شاعر في المنتدى تقبلوا تحياتي دمتم بخير .

 

[اميرالشعراء]

اسمحو لي يا اخوان انا وطيت في البيت الاول والصحيح هو

التاجر اللي خسر يادوب حمله يشيل
والشيب غطى على شاربه ولحيته

 

[حدي نظر]

شكرا لك على الموضوع المميز

تقبل مروري وتحياتي

 

[أبو رديد]

ماشاء الله

قاف على عجل


لكن قاف عالي المستوى

مؤسس موقعنا ماهوبهين ماشاء الله عليه


نسقوا ولاتأخروا

ننتظر محاورة تحرك المجلس المباشر

 

[برررق الحيا]

ياسلام والله علي قلة الابيات لكنها امتعتني ولاهنتم وحيا الله اللافي ولاهنت ياسلطان

وماعينتم لي بن مغبش ههههه

 

[صعيب الندوي]

امير الشعرآء حياك الله وصح لسانك .


أما الأستاذ / سلطان السويهري , ماشالله عليك عيني عليك باردة كفو ياابو السلاطين لاهنت .

 

[سمير الندوي]

وعليكم السلام

حياك الله يا امير الشعراء قاف حامي وبيوت قويه
في انتظار موعد المحاوره معك ياسلطان في الصف