قصيـــــــدهـ للشاعــر الكبيــر ... قشيمــع الرصي الندوي

[سلمان الندوي]

قصيـــــــدهـ للشاعــر الكبيــر ... قشيمــع الرصي الندوي

البارحه أصارع همومي والافكار................وهد وابني في خصوص وعمومي

يالله تكفي في ثقيلات الاعمار......................اللي وراها حكم سيفٌ صرومي

اللي خلق عمار يسلم لي عمار....................عمار قرم ومن مناسب قرومي

عمار لاطب الخطر ماهو هذار....................يرسي كما ترسي جمال الخصومي

انصحك ياعمار عن قوم الاشرار.................اللي توصلكم لدرب الوهومي

جنٌب عن اهل الشر واقيس واختار...............اصبر ومفتاح الفرج للعزومي

واذا بليتم باللي مافيه معذار.....................اعجل بسهمك قبل ضرب السهومي

الاوله لك والثواني للاصفار....................والعمر بـي دبره رفيع الرجومي

وانصحك لاترغب نسب ميت النار...............ترى المناسب فيها برد وسمومي

تنشب ببنت اللاش اذا دورها دار............... يجي ولدها مايطب الهجومي

ووصيك في (الرصان)وافين الاشبار.........ادمحلها الزله وربك رحومي

ربعك عضود الجنب لو صار ماصار........... ماتذكر الشرهات وقت اللزومي

وربعك الباقين مافيها منكار.................. ذربان الايدي يوم دق الخشومي

الجد واحد مادخل عزه اخشار.................تبدي مبادي مابدوها الرخومي

ونيت ونٌه في فؤادي اشعلت نار...............اذا ذكرت الشيخ ضد الخصومي

عبدالله اللي حكمته قص منشار.............يرمي خصومه في بحورً تعومي

عبدالله اللي نوُُُُُُُُر القوم والدار..............يالله على الباقين سترك يدومي

ليت الليالي شاورتنا بالقدار...............وافدي عبدالله ومرفوع لومي

تمٌت وصل الله على سيد الابرار...........محمد المختار ختم العلومـي

 

[عماد الهذلي]

السلام عليكم ورحمة الله وبركاته


والله ونعم بالشاعر قشيميع الندوي، ونعم بك أخي شاعر المستقبل.

صح لسانه، ولاهنت على النقل.


اسمحلي بنقل القصيدة / فكل منقول له مجلس مخصص... قسم المنقولات، وهذا المجلس لقصائد الأعضاء المشاركين فقط.


مرة أخرى صح لسان الشاعر قشيميع، ولاهنت على النقل.

تحية طيبة

 

[حدي نظر]

شكرا لك على الطرح المميز

تقبل مروري تحياااتي

 

[درة الاماني]

تقبل مروري اخوي قصيده رائعه واعجبتني كثير يالغلا
قصيدة تستحق الاشادة فعلا

ودمت بود

 

[الرصي]

ونعم بقشيمع وعمار والرصان والندويين كلهم
تقبل مروري

 

[السعودي]

جنٌب عن اهل الشر واقيس واختار...............اصبر ومفتاح الفرج للعزومي


صح السانه

مشكوور اخي على النقل الرائع

سلمت على ماجلبت
تحياتي
ابوسندالهذلي ـــــ

 

[ابوصبيان الندوي]

صح لسان الشاعر الكبير قشيمع الندوي ومشكور ياشاعر المستقبل النقل
قصيده مميزه بمعنى الكلمه اطال الله عمر الشاعر