قصائد مسلم بن شعيل الهذلي جمع وتنسيق عمر عبيد العميري مراجعة وتحـقيق الشاعر عماد الهذلي.

[عمر العميري]

أرحب بكم أجمل ترحيب ويسرني في هذا الموضوع أن أورد بعض القصائد الشعبية لأحد أكبر شعراء الجزيرة العربية قاطبة وهو المغفور له الشاعر : مسلم بن شعيل المطرفي الهذلي أحد شعراء قبيلة هذيل ولد شاعرنا في الشاميه من ديار المطارفه ونشى وتربى هناك وتلقى تعليمه في المرحله الأبتدائيه في ديار المطارفه ،وانتقل فيما بعد للعيش في مكه وقد كان من المتمكنين الماهرين في الشعر ، ووضع الصور الرائعة التي تتميز بالقوة والبساطة ، وله قصائد اجتماعية وغزلية وغير ذلك لاقت القبول والإشادة من أباطرة الشعر في العصر الحالي أمثال 1\ سعد بن جدلان 2\ عبدالله الميزاني 3\ عايض بن ذواخ البقمي 4\ محمد بن جرشان البقمي 5\ فيصل الرياحي البقمي 6\ صياف الحربي 7\ ابراهيم اليوسف 8\ راشد بن جعيثن 9 \ محمد الحداري الحربي 10\ سعود الشاطري 11 \ الراوي محمد الشرهان ........ إضافة إلى مشاركاته عبر الإعلام المرئي والمسموع وفي الصحف المحلية وله مشاركات في الكويت أيضا وفي برنامج مضارب البادية وقت المغفور له محمد بن شلاح المطيري وقد خدم الوطن خلال انخراطه فالسلك العسكري سنين عده وقد كانت وفاته بعد صراع مرير مع المرض في يوم 22/6/1428هـ.

وقد خلف بعده كما هائلا من التراث الشعري من شعر شعبي ومن محاورات ، سأسعى من خلال هذا الموضوع ومواضيع أخرى متتابعة أن أوفي للشاعر بعض من تاريخه ، وأستخرج من أهله وذويه ومحبيه الكثير والكثير من تراثه ، والله أسأل التوفيق والسداد.
آملا من الجميع مراسلتي في حالة وجود خطأ أو زيادة أو نقصان فالكمال لله جل وعلى.







قصيدة التوبه ......

وهذه القصيده قالها قبيل وفاته بأيام ..



[poem=font=",6,black,bold,normal" bkcolor="transparent" bkimage="http://www.hothle.com/vb/mwaextraedit2/backgrounds/5.gif" border="none,4," type=1 line=0 align=center use=ex num="0,black""]
يالله ترزقني بتوبه نصوحه=انجو بها مادامت الباب مفتوح

هلال شهر الخير قرب وضوحه=وبرق الامل مبطي وأنا اشوفه يلوح

الذنب واجد مير عفوك يبوحه=عندي يقين اني ليا تبت مبيوح

مستعرف بذنبي واسال السموحه=ولا فيه غيرك يقدر ايقول مسموح

ماعاد ابا سمن الشباب وصبوحه=ابا السلامه قبل ماتطلع الروح

النفس ندمانه على كل روحه=ومعاهده ماعاد تعصاك وتروح

لكن قلبي ماتشافت جروحه=يوم انتبهت وقمت والقلب مجروح

الى متى الانسان يذنب بروحه=يضيع ايامه على غير مصلوح[/poem]

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

من النصائح لاتترك الهراج



أخذ الجواب اللي من ابن شعيل جاك =ينصحك وانت أنصح به اللي تعرفه

لا تترك الهـراج فالمجلـس وراك = مع ناس ما تعرفك حـق المعرفـه

من يوم تقفي عنه يهرج فـي قفـاك =غيبتك فـي راس اللسـان مطرفـه

مثل الختول اللي ليا أقفيـت أقتفـاك= واقعك في عيـون خويـاك يحرفـه

ما يستريح إن كان ما نكـد عـلاك= حتى لـو إنـك بالرجـال معرفـه

يحسب إن الهرج يرخـي مستـواك= جنب طريقك عن طريقـه وأحرفـه

لا تآمنه لو أنه من أحـدى أقربـاك =خلـك مـع الرجـال وإلا صرفـه

يخفي عداوتك ويبيـن لـك غـلاك= لا تصدقه لو شفـت دمعـه يذرفـه

همـاز لمـاز ٍ مخـادع مـا يبـاك =عقرب ثرى يلدغك وأنتـه فطرفـه

يضحك لك بسنه وقلبـه مـا يبـاك= يعاهدك ويخون فـي يـوم عرفه

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

عهد قمري




أسمع كلامي ياصلك ويتعداك =عهدك على قول: المثل عهد قمري

منته بويايا ..ولاني.. بوياك =فكر على قدك وانا اخوك بدري

تقطعت بك في المثاني مطاياك =وهجم عليك الذئب وانته تهذري

أخطا عليك اللي من النوم صحاك= يبا يغزي بك مادرى أن أنت مزري

مالك سبب غير الجماعه هذولاك =تبا تهزى وانت في وضع مزري

كل الكلام اللي تسولف به هناك =يسري من المجلس قبل "منت" تسري

يُنقل مثل ماهو على لسان شرواك=لاتحسب أني عن سوالفك مدري

بس اترفع واستحي من ملاغاك = ومذمتي من مثلك يزيد قدري

وخلاصة الموضوع يكفيك ماجاك=ما ودي اهرج بس ضيقت صدري

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

قصيده اجتماعيه : ياجاهل بالناس انا عارفهم



ياجاهلً بالناس انا عارفهم = بالتجربه والميز والتفكير
تعال لااجل اعطيك عنهم موجز = مافيه وقت انفصل التقرير
فيهم موحد مجتهد في دينه = مشغول بالتهليل والتكبير
في زينة الدنيا الدنيه زاهد = يرجي من الله جنة المصير
من اعمله لامنزله للمسجد = على السراط مواصل المسير
حسّب حسابه واستراح بقبره = مايطلبه منكر ولانكير
هذاه الاول ثم اليك الثاني = اعطيك روس اقلام يابصير
صاحب سنافي حزت الميقافي = رجلً لياجات اللزوم امير
اليا نخيته قال يا فرَحي بك = من ساعته يرسلك البشير
متورث المعروف من شيابه = ماورثوه البخل والتقصير
واليا عطيته سر ماعلم به = سرك على قول العرب في بير
عني انا مااقول قاله ليه = واحد من اهل العزف والتصفير
اما اترك الاصحاب وإلا دوّر= صاحب على جور الزمن صبير
لو مايسوي خير تسلم شره = واليا تكلم يحسن التعبير
يبادلك نفس الشعور الطيب = انسان في حسن الثناء جدير
التجربه برهان "سال" مجرب = هو الطبيب الماهر الخبير
ينصحك عن تجاربً ملموسه = ان كان تسمع كلمه الشوير
والثالثه لاتمزح امع العيّه = يمزح ويزعل والمدى قصير
اقريّب الهقوه مداه الهفوه = طيرً يفر ولايعرف يطير
يجرح شعورك بالكلام الفاضي = متخلفٍ عقليته بالخير
على من موالاه قل الصحه = نمو عقله صايبه تأخير
يسكت سنه واليا هرج مايسكت = شجاعته هرجً فقط لاغير
اليا انفلت بالهرج ياوجه الله = من كثر هرجه جايله معصير
اما سكت وقال خايف مني = ولاتوسخ يدك فالخنزير
والرابعه لاتستشير الاحمق = احذّرك واكرر التحذير
ترى المضره والمسره عنده = متساويه واللي يصير يصير
ممكن يبدل احسنتك بسيه = سيَ التصرف اجوف التفكير
اكيد تعرف قصه الاعرابي = وحكايته مع دبه الشهير
يبغى يطير ذلك الذبانه = وخلت دماغي الادامي نثير
قصده يرد اله الجميل بمثله = دبّاً حبيب وصالح الضمير
وامر وادهى منه راع النمه = منـافقٍ فالمجتمع حقير
دود الحسد والبغض ما كل صدره = والكذب دامر سيرته تدمير
من يوم يسمع هرجهً بطاله = اما اتصل وإلايجيك امغير
قدام يجلس قال انا جايبلك = هرجه كبيره كبر هضبه عير
لو مانشدته قال سلمك الله = واجترّ له سبحه سوات السير
ثم استعد لكذبةٍ جايبها = واظفـآ علاها الملح والتبهير
وان ما اقتنعت يزود التبهيره = تسمع لحيّـه كأنها الجنزير
واليا بغيت اتعرف وش صحتها = زيد انشده وتلاحظ التغيير
من يوم يبدا.. لخبط التقسيمه = كثر الغلط واللغط والتكسير
والكحكحه والنحنحه من بدري = حرق الفلاش وخرب التصوير
هذا قليل من كثيراً باقي = أكبر من التصوير والتعبير
انزيد نذكر ماتيسر ذكره = للموعظه والنصح والتذكير
واخوكم ابن شعيل يستسمحكم = ياسامعين القول فالتقصير
واختامها صلوا على سيدنا = نور الهدى واسراجه المنير

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

" النقد المر "



اللي ما يسمح للعرب ينقدونه=قدام يظهر كلمته ينتقدها

وإلا لايستبعد متى يكسحونه =يبا يحصل كسحت(ن) مابعدها

ماكل خلق الله يبا يجاملونه =حقيقه عند النشاما سندها


انا ادري ان به عالم ينافقونه =بهروج معدوده ماينقص عددها

رائع.. جميل.. احسنت.. عنده ودونه =يازينها زيناه بالله عدها

وصدقهم وقامت تقلب عيونه =ثم انتفض فوق الحروف وهجدها

هان القصيد بكل معنى المهونه =من ليلة(ن) حملت وجابت ولدها

ثم اتصل فيهم لآجل ينفخونه =وكل العلوم اللي يباها وجدها

تائه ولا يبا العرب يرشدونه =يشعب ذلوله ويتراخى جهدها

لا هو بسامح للعرب ينقدونه =ولا هو بعارف كلمته ينتقدها

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

الناس مامنهم سلامه



أشهد إنه ما كذب راع القصيده =يوم قال الناس ما منهم سلامه

ماش أحد هَرْج الأوادم ما يصيده =لو بلغ أقصى حدود الاستقامه

إن عطاه الله شكّوا في رصيده =واتهموه بكذب ونفاق ورخامه

واشعلت في قلوبهم نار الحسيده =العداوه ما تخفيها ابتسامه

وإن هرج قالوا معه كذبه جديده =وإن تركهم وانتحى قالوا علامه

شايفٍ نفسه عسى الله لا يعيده =رافع "إرقبته" كما "إرقبة" النعامه

كل شخصٍ بخاطره شئٍ يريده =وأنت وش يدريك عن غاية مرامه

لازم إنك تنقصه وإلا تزيده =والزياده نقص والنقص الملامه

الرسول المصطفى صفوة عبيده=ما استحوا من غيبته ولا اتهامه

إنما هذا هو بيت القصيده =يعني إن الناس ما منهم سلامه

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

وهذه القصيد ألقيت بين يدي صاحب السمو الملكي الأمير عبدالمجيد بن عبدالعزيز رحمة الله عليه حينما كان أميرا لمنطقة المدينة المنورة.





قصه حزينه




يا سمـو آميـر منطـقـة المديـنـة=إعطني مـن وقتـك الغالـي دقايـق



سيـدي أدري عـن أوقاتـك ثمينـه=ماني لوقتـك وشغـل النـاس عايـق



ما معـي الاّ الله ثـم أنـت استعيـنـه=بعد أبت تنجـح معـي كـل الطرايـق



عاطـل ومديـون وظروفـي مهينـه=شوف لي لو في نظـام البنـد سايـق



والله إن المبلـغ إلـلـي مستديـنـه=فوق سبعين الـف بشهـود ووثايـق



نصهـا قيمـة ونـيـت مقصديـنـه=صاحبه قبـل آخـر الشهـر يتهايـق



وصاحـب المطبـخ يقـول معلمينـه=قول بإنه مسلـم ابـن شعـيـل بـايـق



ثـم صـدق فـي عميـلاً ظالميـنـه=ماصبـر حتـى تبيـن لـه الحقايـق



والتلـفـون الصيـانـة فاصليـنـه=صرت اصّرف في الهلل وأشري بطايق



كـم ضعيـف الفقـر نزلنـي بعينـه=ومن مجرد شوفتـي صـار يتضايـق



قصتـي ياسيـدي قـصـه حزيـنـة=مرتبـك وآقـول للعـربـان رايــق



راحت أيامـي يابـو فيصـل غبينـه=تايهـاً بيـن الصحـاري والحدايـق



يا ولـد مـن تكسـب الطالـة يمينـه=كـان ما ساعدتنـي مـالـي لحـايـق



وختمها صلـوا علـى نـور المدينـة=عد ماتمشـي الثواني و الدقايـق

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

الناس والدنيا




الناس والدنيا على طول في سباق =طبيعه الأنسان ماهي بديعه

يالي تقول ابا عقارات واوراق =اقضب طريق المرجله وأرق ريعه

ماهو بعيب انك للأمان تتاق =تخشى خريف السن وانت بربيعه

هذا هو الأنسان فرحا ومنساق =حب التملك فأبن آدم طبيعه

من حق كل الناس تفرح وتشتاق =وتسير بأمر الله فالأرض الوسيعه

حتى البحور الله جعل فيهن أرزاق =شييء نتغذى به وشيءٍ نبيعه

اهم شيء الأدمي يطلق الساق =يسعى ويبذل كل ما يستطيعه

ولايشكي همومه على غير خلاق =شكوى البنادم للأوادم قطيعه

ان كان ماهي شرك فالغالب نفاق =والشرك منكر والنفاق الفجيعه

وان كان ماهي كلها قلة اخلاق =ترجي صنيعه من يدور صنيعه

الرزق بأمر الله يرسل ومنساق =الله يأمر والخلايق تطيعه

كتبتها ذكرى لمن خاطره ضاق =يلجى لرزاق الطيور المجيعه

والحمدلله كل مالاح براق =على الأمن والعافيه والشريعه

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

الليله الأثنين




الليله الأثنين تسعه وعشرين =وانته مواعدنا من أول شهرنا

اما تعاهدني على الصدق يازين =وإلا عن الحب التجاري صبرنا

الحب ياباله قلوبن مصافين =ماهو شهر غبنا ويوماً حضرنا

لا خار في طرد العباد المقفين =اللي مطاردهم يسبب سهرنا

العام ضلينا على العسر واللـّين =واللي يحاول بعدنا ماقدرنا

واليوم صار العكس مابيننا بين =دارت ليالينا وغيّب قمرنا

كنت احسب الدنيا تعين المحبين =واثَـرْكِ يادنياي مصدر قهرنا

أخذتي اغلا ماعلى القلب والعين =وابعدتي ديار الغضي عن ديرنا

الله اكبر وين انا والغضي وين =إنّهد كل اللى من أول عمرنا

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

المظهر البراني





عقل الرجل مدسوس سد لسانه =لاتنخدع فالمظهر البراني

وأتقول أعرف الخط من عنوانه =بعض الخطوط يخالف العنواني

الساكت عن الهرج مثل اخوانه =مثله مثل كل البشر من داني

ناهيك عن ظلمه وعن بهتانه =أخـْذ الكلام وعط.. معه ويباني

تعرف مدى عقليته وإيمانه=هذا هو المقياس والميزاني

وإن طعتني دع كل شخص وشانه =مالك ومال فلان شال فلاني

ما أنت بوكيل آدم على ورعانه =بعض العرب معهم مرض نفساني

والوقت الأقشر مقتوي شيطانه=صرنا نعاني من عمى الألواني

الحنظله خضرا كما الريحانه=لكن ربي فضل الريحاني

والنحله اقرب مالها الذبانه=في الشكل والمضمون شيٍّ ثاني

والعود لولا داخنه ودهانه=وش يفرقه عن باقي العيداني

والحمدلله والشكر سبحانه =على كثير من البشر بداني

لامشعوذ ولا نيتي خربانه =ومن الظغينه والحسد عافاني

وعد السحاب اللي تهل امزانه =صلو على نبينا العدناني

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

وللشاعر مسلم بن شعيل هذه الأبيات الطريفة :





الموت حق وكلنا نكـره المـوت =من كرهنا له ما عرفنا جميله

لولاه يأخذ فالمهابيل ويشـوت =صاروا مهابيل القبايل قبيلـه

يازينهم زيناه مقفين واسكوت =واليا اهرجوا يامال قطع العقيله

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

أهل التكاسي




حنـا لـنـا الظـاهـر وربــي عـالـم=كم شايباً فيـه العـرب مغشوشـه

قـبــل يتـكـلـم تحسـب إـنـه عــالــم=وليـا فتـح بنكـه تـعـاف قـروشـه

تبـا السلامـه منـه منته سـالـم=يهوش مـن حالـه بـدون تنوشـه

لـو كـل شايـب محتـرم ومسـالـم=ما صار بين أهل التكاسي هوشه

متقـاعـديـن ومبلـشـيـن الـعـالـم=سووّ.. لهم وسط الشوارع دوشـه

كــلٍ يبحـلـق فـالـعـرب ويـزالــم=الحلـق دالــع والـلحى منفـوشـه

يبالـهـم مشـعـاب نشـمـي وآلـــم=يطير من شوشه ويلـزم شوشـه

يـسـدّح المظـلـوم جـنـب الظـالـم=وأفلح شنـب منهـم يحـت رموشـه

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

ياميت النار


ابك انثبر لا قمت ياميت النار =اصلا انا لا قمت ماني معبرك

تدري على شان ايش يدينك اقصار =صغير لين تموت ما الله مكبرك

والثانيه حنا رياجيل وكبار =وانا عن علوم الرجال امتحاقرك

والثالثه اصحابك خبول وصغار =ماقط شفت انسان صاحي يدورك

قلت اخذ بعقلك وخاطرك يا ...(..) =واثرك من جدك تبانا نقدرك

ماعندي لمثلك وشرواك مقدار =وان قمت قبل آقوم لعنت خيرك

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

وفر سوالفك




محدٍ بيمك بس وفر سوالفك=سوق الخرد مال للذهب فيه قيمه

مجلسك مع بعض العرب يعتبر أفك=وهرج على غير النشامى ظليمه

لاتهرج ألا مع رياجيل تعرفك=أهل الوفاء اللي معرفتهم غنيمه

ترى التواضع بعض الآحيان يوقفك=في موقف فيه أحتقار وهزيمه

أنته تواضع طيب واللاش يوصفك=في تهمة مالك علاها وسيمه

أقل حاجه يستخفك ويقذفك=من يوم تقفي بالغباء و الجريمه

عني أنا لايمكن الآش ينصفك=قلبه مريض.. ونيتك مستقيمه

معناته أنه مستحيلٍ يحالفك=حال التنافر بين ذيب وبهيمه

ياذيب دورلك ذيابٍ توالفك=واترك غنم سلمى على الماء محيمه

أكيد ماتعرف وش أسمي ولا أعرفك=بس الحقيقه معرفتنا قديمه

عرفت ليش أقول وفر سوالفك=سوق الخرد مال الذهب فيه قيمه

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

لا تامن الدنيـا







لاتأمن الدنيا ليا قّبلت لك=ترى الثقه فيها غرور وجهاله

ولا تنسجم معها ليا دندنت لك=كم واحداً دارت عليه المحاله

لوانها دامت لحد محصلت لك=كان احتكرها الجيل الأول لحاله

لكن جتله وانتهى ثم جت لك=ولابد يمضي فوقك اللي مضاله

لاتحسبٍ سود الليالي انجلت لك=منت احسن من اللي سعت لك بداله

ولاتصدق الاصحاب لو صفقت لك=ناس تقيس الرجل في راس ماله

ان شافوا الدنيا الدنيه دنت لك=كل لبس بشته ونكس عقاله

وان قل مالك عندهم حل قتلك=من حَبـّك لشيٍ كرهك لزواله

جرب وقول إن فيه حاجه بدت لك=واشره عليَ إن شفت منهم جماله

دنياي ضحكت لي مثل ما اضحكت لك=واليوم يكفيك الرجل عن سؤاله

اخذ التجارب واعتبرها جرت لك=من واحدٍ عَلمك باللي جراله


.........


الهم والغربال والحزن والويل
ابطال قصة في مسلل حياتي

من صدمه الايام ماعد بي حيل
والوقت حطم لي جميع امنياتي

احط من نكبات الايام واشيل
واكتم همومي والتزم في سكأتي

لو مال ضلع طويق لا يمكن اميل
هاذي محاصيلي وهاذي سواتي

وتكثر همومي كل مايظلم الليل
واقول ..للحسرات ودي وهاتي

قصه ..حيأتي كلبوها غرابيل
الله يزيينها ومافات فأتي

الحزن مثل قصه الوقت تمثيل
والصبر والكتمان...هاذي صفاتي

قصه حياتي مالها ..اي تحليل
ولابانت العبرره يزيد التفأتي

لاكن ترى الغربال والحزن والويل
ابطال قصه في مسلسل حياتي

،

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

الكفاره


[frame="13 98"]

[poem=font=",6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

يالله تغفر ذنبي اللي اقترفته =من كثر ظلمي للمساكين بالمدح

خطاي فادح بس دوب اكتشفته =المدح في بعض العرب يعتبر قدح

لأني بأوصاف غيره وصفته =والمشكله لآهي حقيقه ولا مدح [/poem][/frame]

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

"ســر يـاقلم"





ســر ياقـلـم فالـبـوك حشـمـة ومـقـدار =للصـاحـب إلـلـي لـــي يمـيـنـه يـمـدهـا
يابـو محمـد شــوف لــي حــل وأخـتـار =وإلــيـــا بـنــيــت بـنـايـتــك مـانـهـدهــا
وأعرف تراني ياابيض الوجـه محتار =مشاكلـي تصـعـب عـلـى إلـلـي يجـدهـآ
ثلثـيـن منـهـا فالـهـوى ســـر وجـهــار =والـثـلـث الآخــــر قـصـتــه مـانـحـدهـا
أنـــا هـوآيــة حبـيّـبـي والــهــوآ نــــار =الهـجـر يشعلـهـا والأخــلاص ضـدهــا
والـيــوم قـلـبـي فـيــه نـيــران تــنــدار =وأسبـابـهـا هـجــر الحبـيـبـه وصـدهــا
عاهدتـهـا مــن صــدق مـانــي بـغــدار =وبـاحـت بـسـدي قـبــل أبـيّــح بـسـدهـا
قـفّـت وأنــآ قـفـيـت ودمـوعــي عـبــار =وداســة عـلـى قلـبـي وقـلـبـي يـودهــا
طيـر السعـد وقّــع وأخــذ مــده وطــار =وأقـفــت لـيـالـي حـبـنـا مــــن يــردهــا
وإللي حصلي من تحت روس الأشرآر =قـوم الحلوق..إللـي عسـى الله يسدهـا
شرهـتك فيمـا قلـت بعـض الـذي صــار = للـشـاعـر إلــلــي كـلـمـتـه نسـتـمـدهـا
أبـــــو مـحــمــد لـلـثـمـاثـيـل بــيــطــار = وإليـا نصـى الـدعـوه بحكـمـه يشـدهـا










[poem=font="arial,6,,bold,normal" bkcolor="transparent" bkimage="http://www.hothle.com/vb/mwaextraedit2/backgrounds/11.gif" border="solid,4," type=1 line=0 align=center use=ex num="0,black""]
اه واويلاه من كثر الغشش =والعيون اللي هدبها غشني

للغضي عامين يضربلي فرش =يتصل ويقول هيا مشني

اه واويلاه يحظ الطفش =اخرتها فالزفلت يطشني
[/poem]



* * أبيات لقصيده لم تكتمل

 

[عمر العميري]

قصائد مسلم بن شعيل جمع وتنسيق ابن عادي وتحـقيق الشاعر عماد الهذلي.

" ماعندهم دم "





مدري متى بعض الأوادم يجوزون =من غيبة الغّياب والكذب والذم

أثره صحيح حثالة الناس يبطون =شابت لحاهم مير ماعندهم دم

من الأكل فوق البشر مايملون =مثل الذباب اللي على الجرح يلتم

وبالقدح فــ \ اعراض العباد يتسلون =ماعندهم غير انتهاك العرب هم

فلان فيه وفيه وفلان مجنون =وفلان شغله وين ومرتبه كم ؟

إذاعت اإسمع من وكالة يقولون =متى ما تبغاهـا.. تكلم تكلم

في مامضى على الاصابع يعدون =وفي وقتنا الحاضر طوابير بالكم

اشوفهم في كل عام يزيدون =يالله عساهم بالطاوعين والهم

الشله اللي بالنفاق يتعادون =المجتمع بأسبابهم صار منسم

 

[عمر العميري]

قصائد مسلم بن شعيل جمع وتنسيق ابن عادي مراجعة وتحـقيق الشاعر عماد الهذلي.

جاراً ماتأمن يأبنـادم بوايقـه "




جاراً ما تامـن يا بنـادم بوايقـه=لاتقربه يعميك داخـن حرايقـه

وإن كان ماتعرف وصوفه.. ليا هرج=تنبيك كلمات الردي عن حقايقه

من يوم مايهرج تعرفه بمنطقـه=يفتح سجلاته وتقرأ وثايقـه

ومن لايخاف الله فالضيق والسعه=لا ساكن بجنبه ولاني بطايقـه

ماهو بجاري من شياطينه اقتوت=شيطان مرتـده وشيطان سايقـه

اليا نصحته واجتهدت فــ \ هدايته= الله ما يزري عن هداية خلايقـه

و اللي يجيب الحكي يمْيّ وياخذه=ماهو رفيقـي.. من يعذرب رفايقـه

راعي النميمه لا بدا شف ملامحه =مايختفي ضحك الكذوب وتهايقه

اليا هرج قـام يتلفـت ويقربـك=خايف يضيع واحده من لفايقـه

حديثـة الأنتـاج دوبـه معـدّها=من شأنها ضيع عشر من دقايقه





________________________________________




واقلبي إللي ماتريـح لـه شهـور=قلبـيٍ معنّـا والليالـي تـحـداه

أصبر على ماشوف لو كنت مجبور=حيث الصبر واجب على دبـرة الله

الله على مـاراد للنـاس مشكـور=وشيءٍ رضيـه الله لابـد نرضـاه

مايندم المؤمـن ولاشاهـد النـور=والله كريم ولا نـدم مـن ترجـاه

ما ينـدم إلا ظالـمٍ يشهـد الـزور=المشرك اللي طاوع ابليس واغواه

والناس فيهم صاحب الظلم والجور=وفيهم خبيث النفس خبـلاً بممشـاه

يا ابنـادم الأيـام دورا بـعـد دور=ومن يأمـن الأيـام لابـد تبـلاه

ياكم ضلعٍ كـان مرعـاه مذكـور=ضلوّ هل الديره تذاكـر بمرعـاه

واليوم مابين الضلاعيـن مدهـور=ماكنه اللـي كـان يذكـر بمفـلاه

وياكم داراً كـان بالنـاس معمـور=واليوم غالـي والمخاليـق تجفـاه

اصبح بعد ماكان معمور مهجـور=هذي فعـول الوقـت والأمـر لله

مافيه أحد عن فعل الاحسان معذور=ولا للبنادم فالقبر غيـر مـا طـاه

ريالك.. اللي فك له عسر معسـور=اخيـّر من مليون غيـرك تـولاه

في يوم ما ينفع جماعه ولا شـور=كلا يحَاسَب فـوق ذنـب توطـاه

والعاقل اللي يحسب حساب مقبـور=يحسب حسابه في حياتـه ومقفـاه

من لاحسب نهاية العمر مضـرور=خلّـت بـه أيامـه وحبـه لـدنيـاه

تلقاه دايم فـوق الامـوال مقهـور=وده يليّم مال الأمّــه مـن اقصـاه

وإن شاف له رجلاً قنوعا ومسـرور=تلقاه ينشد ويـش عنـده وماجـاه

كنه على حسد المخاليـق مأمـور=من ضعف نفسه مايبا شيء يخفـاه

يطبخ وينفخ ويتغـدا مـن السـور=مايدري إن الحـر يأكـل بيمنـاه

رجلاً بلا شيمه وقيمه كمـا الثـور=الله "ولا من بطنـه" يهيـّن معنـاه

وراع الشهامه من هذا الفعل مأجور=الله يجير أهل النـفـوس المـعـلاه

ساس معزز ينبني فوقـه قصـور=إشّـره "بغاليـت" الثمـن لا تغـلاه

واختامها عـداد ماشعشـع النـور=الله يهديـنـا لديـنـه وتـقــواه

وصلو على اللي ابسط النفس لنور=الرحمه اللي لأمة الديـن مهـداه


قصيده يمدح بها الاستاذ لافي الحساني :


سلام يامن ضحكته في حجاجه = شوفه شرف ومقابله فلة احجاج
رجل كريم ولا يعكر مزاجه = يضحك حجاجه لو همومه كالامواج
ويزيد مع زود الضيوف ابتهاجه = ماهو رديْ.. ينتابه هموم وازعاج
وأنا يابو فهد نصيتك في حاجه = وجدك وأبوك يجي لهم كل محتاج
يوم الزمان اللي يروع احتلاجه = ابوك بالطيّب كما عد هداج
وقتٍ مضى والجود صعب انتهاجه = نهجت دربا للمطاليق منهاج
وأنا نصيتك في بلاد المواجه = تدفعني الحاجه على نار الاحراج
ماغير ابا الفزعه مدام انتواجه= قدام ياتي يوم مامنه مخراج
ظهري تسوس مير مقدر علاجه = افزع معي حتى ندور له اعلاج
والهم بعد الله عليك انفراجه = ونور الامل بوجيه الاجواد وهاج
ولا قلتها مدحه على شان حاجه = ولا هو بعيب ان الرياجيل تحتاج
سود اليال يجي لهنَّ انعواجه = ولو زانت الايام تاخذ وتنعاج
وحتى لو ان الوقت يكثر عجاجه = اخاف اعرض سمعتى لكل هراج
هماز لمازن كثير احتجاجه =قلبه على قول السديري كما الصاج
وانا هذليًا عزة النفس تاجه = كرامتي من فوق راسي كما التاج
ما كل بيت اجي واقف في دراجه = والله ورب البيت ماني بدواج
والمدح لمثالك تبنى براجه = امن الثناء تُبنى لشرواك الابراج
وعداد مطلاع الفجر ونبلاجه = صلوا على شفيعنا بين الافواج


,,,,,

يوم البيوت من الشعر والتيازير = كلا قبل ماينزل يعرف جاره
مع إنه إليا جاء من الجار تقصير = يقدر يغير منزله من نهاره
مايلزمه سوى مشدين وبعير = ويشتال قشه ويتْنصى دياره
يقفي ويقبل سالم من المخاسير = لا شال هم ولا تحمل خساره
كيف الذي قافيه هدمٍ وتعمير = وديون من شان الهدم والعماره
تعبان في جسمه ومتلف دنانير = وأقساط كل أخر شهر بأنتظاره
وديانةٍ مايقبلون المعاذير = منهم يحصل كل يوم الزياره
فالبيت حازينه عصر بالمسايير = وفالصبح يلقى نصهم فالأداره
هذا الذي لازم يدور هل الخير = يختار ويعيد النظر فأختياره
بعد الخساره ماتفيد التفاكير = اليا لصق جدر الردي في جداره
يصبر على صوت الغنم والعصافير = اللي لجار السوء فيها تجاره
اجازه الاسبوع عزفٍ وتصفير = من عصر كفه يختبر صوت طاره
وبعد العشاء قامو صفوف وطوابير = اللي يمين الباب واللي يساره







* رحمة الله على الشاعر العلم \ مسلم بن شعيّل المطرفي الهذلي

جـمــع الأسـتاذ \ عـمر بن عـادي العميري الهـذلي

مراجعة وتحقيق \ عماد بن معتوق العبيدي الهذلي

 

[رايد الهذلي]

رد: باقة من روائع قصائد الشاعر الراحل مسلم بن شعيل الهذلي.

الله يرحمه رحمه واسعه . .

ويغفر له ويجعله من اهل الجنه .. ان شا الله




قصائد بماء الذهب



شاعر له حجمه الله يرحمه




ويعطيك العافيه يابن عادي وتشكر كل الشكر ولا يكفيك

حقيقه جهد جبار لا يهتم به الا من احب هذي القبيله وسعى لرقي بها



بن عادي شكراً من اعماق قلبي






تقييم للموضوع وصاحب الموووضوع



احترررامي