حشنا المراجل

[ابن نجد وهذلي]

السلام عليكم
هذي قصيدة لاابن عمي في العوائل الهذليه التي تسكن منطقة القصيم وهم من الحتارشه .... عطونا رايكم

ياناشدن عنـــــا تـــرانا حتاريش
وهـذيـــــل أبـــونــــا مــن قـديم المعاشي

حشنا المراجل حوشة الطير للـــريش
تـسع العـوايــل مابهم مــن خـشاشي

منصور ومبعض والمحيسن نغاميش
وعويس وشقحاء والحمود البشاشي

نانـيـه مـنـا والـجـنـيـنـي مـعـاطـيـش
للـخـيـر دايــــم يـسـبـقـــون النواشي

ومـنـا العـبـيـدالله بـعـاد المناويـش
ناس(ن) علـى الـفـزعـات تعـطي بلاشي

والكـل مـنا يحـفـظ الـملـح والعـيـش
أكبـارنـا وصـغـارنـا فــي تـمـاشـــــــي

ماغـيرونـا لابـسـيـن الـطـرابـيـش
ديـن(ن) عـلـى الـمـله ولابه غشاشـي

الـدلـة الـصفـراء ودق المهابـيـش
والـطـيـبـات مـن الـغـنـم والـحـواشــي

لـضيـوفـنـا جـلـيـلـهـم والـدراويـش
الـكـل نـكرم مـايـجـوز الـتـحـاشـــــي

بعـض الـعـرب يـنعـد ضمن الـتهـامـيـش
لــو يـنـوزن مـاجـاب قـطـعـة قماشي

وحـنـا نـشـيـنـا للـشـكالـه مـطـاريـش
عــز ومـعـزه مـاتـجي بـالـهـواشـــي

فــتـش وتـتـعـب ماتـفـيـد الـتفاتيـش
ياكـود تـلـقى من رداء الناس وآشي


شعر / أحمد عبدالعزيز أحمد العبيدالله
1426هـ

 

[ابو سعد]

صلح لسانه و لد عمك



و بارك الله فيك اخوي ابن نجد




( تنقل لقسم الشعر الشعبي )








تحياتي ,,,

 

[هذلي والفخر لي]

[align=center]صح لسان قايلها

وبيض الله وجه ناقلها

ومليون نعم فيكم والله[/align]

 

[ابن نجد وهذلي]

مشكورين اخواني على الردود .... وان شاء الله تكون القصيده اعجبتكم

 

[فارس الدهما]

صح لسان ابن عمك والنعم به وبقبيلته

 

[البارق]

صح لسانك وبيض الله وجهك

 

[فـتى هذيل]

صح لسانه ، وسبعة أنعام بكم

 

[دق التحيه انا هذيليه]

صح لسان ولد عمك

وتسلم يمينك على نقلها

والنعم بقبيلة هذيل وين ماتكون....

 

[عبدالله السالمي]

تسلم على النقل
وصح لسانه
ونعم بكم وبكل القبائل

 

[صـــقـــر الـــهـــذلـــي]

ونعم بكم يالحتارشه وين ماكنتم

بيض الله وجهك وصح لسان قايلها

ولا تحرمنا من أخباركم يا ولد العم

أخوك صقر

 

[كاسب الطيب]

ونعم بكم يالحتارشه وين ماكنتم

بيض الله وجهك وصح لسان قايلها