ابو ملاذ
من هجوسٍ حول كعبة حرم فكري تطوفياسلام الله برده تلوح ابروقها
انتبه ياصاحبي لا تنقد فالضيوفلا تحط السفره الا وزادك فوقها
فتى نجد
من هجوس الشاعر اللي من الله فيه خوفمرحبابك واهل مكه نحب اطروقها
والله انا مانقدم خروف ابلا رشوفيالهذيلي نشري الطيبه من سوقها
ابو ملاذ
نحمد الله نعرف الشرع ونصلي صفوفمازرعنا الفتنه اللي طوال اعذوقها
الضمي تصبح وتمسي على الجمه وقوفتنتظر لو كان قطره تبل احلوقها
فتى نجد
ددسنك ياطيبها صافيٍ فيها البلوفوجهها طيب وكل الخطر صندوقها
مير بكره تسمع آذانك وعينك تشوفإبتروّى شجرةٍ يابسات اعروقها
ابو ملاذ
ماني امهندس ولا غير اصفق بالكفوفابدوي واللي صنعها لزوم يسوقها
مايسيل السيل من غير وكافٍ يزوفاستظل بظلها والثماري ذوقها
فتى نجد
الحضر تعطا البدو والبدو ماش امعروفكلما تغفل تجيها البدو واتبوقها
والله اني مارجيت اليتاما والضعوفمات ابوها وانتثر دمعها من موقها
ابو ملاذ
اصبح التاريخ بين التوجد والحسوفوالبدو تشري من الصيدليه عوقها
بعد ماتعلمت بالمدرسه نطق الحروفماحفظت إلساتذتها جميع احقوقها
فتى نجد
البلا من سوف نفعل وراحة سوف سوفلين بقعا حضرت سمها باشدوقها
عارفين ام الشحم والرباع من النصوفمير قلي وش مصر من عقب فاروقها
ابو ملاذ
الجماعه تغزو الفكر واتحد السيوفوالعرب ماباقي الا تكحل نوقها
وان قدرت اتلد فالشمس من بعد الكسوفماقدرت اتلد فيها نهار اشروقها
فتى نجد
إلك خمس اسنين متخفيٍ وسط الكهوفالعجيّز حاقتك ماقدرت اتحوقها
القمر يوم انخسف مابدا عقب الخسوفوالصدور الضايقه ماعلي من ضوقها
وسلامتكم
