شياخة نياق

[محمد العميري]

مع كامل تقديري للرجال الأوفياء


( تعبر عن نفســـهـــا )

ياهاجسي والشعر زانت قوافيه
هيض وتخير من خيار المعاني
الشعر له منبع وانا اعرف مجانيه
اخذ جزيله يوم اعرف المجاني
البارحه يوم ان فكري مصفيه
صافي ولا يبغى العلوم الهواني
يابندر اسمع ويش اقوله وتوحيه
يا اخوك ميز هرجتي من لساني
ذكرت انا رجل تكابر هقاويه
تكبر به الهقوه وهو في طماني
عكر مزاجي جعل ربي يجازيه
من سوء ماقدم بعد مادعاني
رجل لبس له بشت ماهو مزاهيه
والبشت مايعطى قليل الحساني
البشت له رجل يعرفه ويشريه
ماهو بعارية فلان وفلاني
والمشيخه للي نظيفه مباديه
ماهي شياخة ذود والا حصاني
اللي يحسب الذود شيخه وتكفيه
ليته يبدل ذوده بعشر ظاني
الذود لو يهرج نطق قال مابيه
ينطق يقول الله بصير وبلاني
الذود يبغى قرم تاجر ويقنيه
يعرف تدابيره في قسو ولياني
واللي كذا لابد تقصر لياليه
مادام مايعرف عشر من ثماني
والعاقل اللي يعرفه لا يخليه
راحت علومه بين قاصي وداني
يقول له (شيخ) كبيره ترى فيه
لا يغش نفسه يالله المستعاني
الله يعز الذود ويعز اهاليه
عن مثل شرواه الضعوف المهاني
يابندر الرخمه حذاري تماشيه
ابعد عنه خلك رفيع المكاني
دور رجل ربي عن الناس مغنيه
صامل قوي البأس حسبة خواني
هذاك مشعل من نحبه ونغليه
انا اشهد انه من طوال اليماني
هذاك ابو يوسف قليل المشاريه
له وقفة يوم الضعيف نساني
زيزوم مايعرف دروب المسافيه
وهذا كلام الصدق واخذ الضماني
لا قلت مشعل قال لبيه لبيه
ويلج صوته فالضلوع المحاني
يقضي لزومك لا نصيته وتنخيه
وافي ويذبح من كبار السماني
ويا اخوك هذا الحق من دون تشويه
من بعد مابانت حقايق زماني
​

 

[عماد الهذلي]

صح لسانك أخي محمد

قصيدة فعلا تعبر عن نفسها، ولعل المعنى الأصيل في كلمة "شيخ" وقار النفس.

وللأسف هذا مالا نجده، في كثير ممن تطلق عليهم كلمة "شيخ".

صح لسانك وسعيدين بتواجدك


تحية طيبة

 

[ابوجنوب]

بسم الله الرحمن الرحيم
اخوي/محمد العمري
السلام عليكم ورحمة الله وبركاته

صح السانك وعلا شانك ولا هنت
قصيده نابعه من قهر (واعوذ با الله من قهر الرجال)
قصيده اقوى من ا الحسام لمن يدقق في ابياتها
هذي من القصائد اللي تشفي الصدر.
وتقبل احترامي وتقديري

 

[ماطر السويدي]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياهاجسي والشعر زانت قوافيه =هيض وتخير من خيار المعاني
الشعر له منبع وانا اعرف مجانيه =اخذ جزيله يوم اعرف المجاني
البارحه يوم ان فكري مصفيه =صافي ولا يبغى العلوم الهواني
يابندر اسمع ويش اقوله وتوحيه =يا اخوك ميز هرجتي من لساني
ذكرت انا رجل تكابر هقاويه =تكبر به الهقوه وهو في طماني
عكر مزاجي جعل ربي يجازيه =من سوء ماقدم بعد مادعاني
رجل لبس له بشت ماهو مزاهيه =والبشت مايعطى قليل الحساني
البشت له رجل يعرفه ويشريه =ماهو بعارية فلان وفلاني
والمشيخه للي نظيفه مباديه =ماهي شياخة ذود والا حصاني
اللي يحسب الذود شيخه وتكفيه =ليته يبدل ذوده بعشر ظاني
الذود لو يهرج نطق قال مابيه =ينطق يقول الله بصير وبلاني
الذود يبغى قرم تاجر ويقنيه =يعرف تدابيره في قسو ولياني
واللي كذا لابد تقصر لياليه =مادام مايعرف عشر من ثماني
والعاقل اللي يعرفه لا يخليه =راحت علومه بين قاصي وداني
يقول له (شيخ) كبيره ترى فيه =لا يغش نفسه يالله المستعاني
الله يعز الذود ويعز اهاليه =عن مثل شرواه الضعوف المهاني
يابندر الرخمه حذاري تماشيه =ابعد عنه خلك رفيع المكاني
دور رجل ربي عن الناس مغنيه =صامل قوي البأس حسبة خواني
هذاك مشعل من نحبه ونغليه =انا اشهد انه من طوال اليماني
هذاك ابو يوسف قليل المشاريه =له وقفة يوم الضعيف نساني
زيزوم مايعرف دروب المسافيه =وهذا كلام الصدق واخذ الضماني
لا قلت مشعل قال لبيه لبيه =ويلج صوته فالضلوع المحاني
يقضي لزومك لا نصيته وتنخيه =وافي ويذبح من كبار السماني
ويا اخوك هذا الحق من دون تشويه =من بعد مابانت حقايق زماني

[/poem]
</b></i>

قصيدة تعبر عن ردة فعل بلاشك

جعلتك يا أخ / محمد تغتاض

والشعر يكون غيض او فيض

وهذة القصيدة من غيض .

والشيخ يجب ان يكون زيزوم

حمال الاسية قوي الشخصية

لين الجانب قوي الوقوف يعالج

القضايا حسب ما يتطلب الموقف

باسلوب و اخلاق. قوة بيان ومعرفة

إنسان وفصاحة لسان وليس الشيخ

من لبس مشلح ويحسب مخرجات الامور

ومدخلاتها . وفي نهاية المطاف رضا

الناس غاية لا تدرك . هذا كل ماستخلصته

من ماورد ووجدته بين ثنايا هذة القصيدة.

ولست انا منصب روحي ناقد للشعر

ولكن استنتاج مماقرأته في هذة القصيدة

مع عدم عرفتي بالموضوع على الاطلاق

مع تحفظي عن الذم الجارح . فتقبل مروري وتقديري

 

[سلطان السويهري]

صح لسانك وفعلا قصيدة تحمل في طياتها عتب قوي على من يدعون المشيخه وهم ليسوا أهل لها :55:

تسلم

 

[عمر العميري]

صح لسانك مدد بلا عدد يابو فارس


قصيده تعبر عن نفسها فعلا




ناقشت موضوع اتسع انتشاره فالفتره الاخيره



صح فكرك يالغالي


تحياتي وتقديري

 

[شاهر العميري]

صح لسانك يابو فارس

وسعداء بهذه المشاركه الرائعه

قصيده احتوت على غرض من اغراض الشعر الا وهو الهجاء

سلمت يامبدع وبارك الله فيك

 

[أبو عمار]

يقول له (شيخ) كبيره ترى فيه
لا يغش نفسه يالله المستعاني
الله يعز الذود ويعز اهاليه
عن مثل شرواه الضعوف المهاني




,,, صح لسانك يامحمد


وسعيدين بمشاركتك معنا

وفأنتظار المزيد من ابداعاتك

اعطر التحايا

 

[سمو الذات]

صح لسانك ،، ولا هنت قصيده جزله ،،،


تحياتي .

 

[محمد العميري]

شكرا من الأعماق للجميع دون إستثناء

وبيض الله وجيهكم وصحت أبدانكم


ودمتم بخير ...​