قصيدة اجتماعية

[صلاح وارد المطرفي]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
المطرفي هاضت هجوسه بالامثـال = ومن هاجسه رتب جميل القوافـي
قاف كما شرب مصفـى وسلسـال = واللا كما ذ وب العسل فالصحافـي
وصفت فيه رجال ورجال ورجـال = واظهرت ماهو كان بيـن وخافـي
اشوف دنيا مثل دلو علـى جـال = واللا رحى راع الثمـان الرهافـي
ماكل منهو لابـس ثـوب وعقـال = ومشيـك لبسـه يقلـه سنـافـي
ولاكل منهو حـط بيجـر وجـوال = له ماقف بيـن الجماعـه يشافـي
ولاكل مـن لـم الملاييـن رجـال = ولاكل شاعر جـاد نظـم القوافـي
ولاكل من عام البحر ياصل الجـال = ولاكل صاحب قلبه ابيض وصافـي
ولا كل منهو قال تبدي لـه افعـال = ولاينبع الماء في ديـار الجفافـي
وراع النميمه طاح في شر الاعمال = يجيـك بعلـوم ثـقـال خفـافـي
ومن لايخاف الله خسر يوم الاهوال = يرميه ربي فاسفـل النـار حافـي
والظفر لو يمشي بلا قرش وريـال = يقضي لزومه لـو حياتـه كفافـي
واللاش لوعنده خزاين من المـال = مامنه نفعه لوسعـى بعـد طافـي
والرزق عند الله بلا شك وجـدال = ومنهو مشكـك للشريعـه منافـي
هذي هجوس مجود الجد والخال = المطرفي بعـد اعتـلا فالشرافـي
وصلاة ربي عـد وبـل ليا سـال = واعداد من مر السعي والطوافـي
على النبي الهاشمي طيـب الفـال = شفيعنا يـوم الحشـر والتجافـي
[/poem]​

 

[صالح الكعبي]

ولاكل منهو حـط بيجـرجول له.......... ماقف بيـن الجماعـه يشافـي
ملاحظه :: خطأ مطبعي في هذا البيت آمل تعديله

تسلم يالمطرفي

صح لسانك لا عدمناك

تقبل ودي قبل ردي ،،،

 

[حامد السالمي]

ونعم والله يالمطرفي وبيض الله وجهك قصيدة تحتوي على خلاصة تجارب ومكارم أخلاق تقبل مروري وتقديري

 

[عمر العميري]

والله ونعم بالمطارفه كلهم

وصح لسانك يالغالي

قصيده اكثر من رائعه


تحياتي وتقديري

 

[ماطر السويدي]

لك الشكر يا أخ / صلاح على هذة القصيدة والتواجد

بهذا الاثراء الله يعطيكالعافية وتقبل مروري وتقديري

 

[هذلي قديم]

صح لسانك ياصلاح
وبيض الله وجهك

 

[صلاح وارد المطرفي]

اشكر جميع الاحبه على المرور وكذلك اشكر من قام بالتعديل والتنسيق الاخ ماطر السعيدي وايضامن اكتشف الاخطاء المطبعيه شكرا للجميع