ألغاز وحلولها بدع ورد

[صلاح وارد المطرفي]

[frame="2 98"]

صلاح المطرفي ​

انشدك يابو عقيل انشدك==وألبال من يمكم صافي​

وش بنت لاسقيتها تجحدك==ولازعلتها تضهر الخافي​

الرد من ابن عمي فهد حبيني المطرفي​

يامرحبا زان لي مقصدك==والقول من يمكم وافي​

يعجبك من لينها مسندك==وتنفعك لفراش الاضيافي​

وانشدك وش بنت ماتبعدك==رجالها ستر ولحافي​

من خيرها دايم تزودك==ومن شرها قول ياكافي​

الرد الاخير مني​

عسى البقا مير عطني يدك==من ثقلها البنت تنعافي​

مادام فيها رمق تسعفك==ولاغلقت قزها طافي​

ويصحابنا سامحونا ​

[/frame]

 

[العود القماري]

بدع ورد رائع


صح لسانك ولسان خويك


اطيب التحايا

 

[حامد السالمي]

صح لسانك أبدعت مع ابن عمك وكلاكما مميز. جزيت خيراً.

 

[أبو رديد]

ونعم فيك وفي أبو فوزي

أبدعتم

صح لسانك ولسانه

جزالة ومتعة

 

[أبو ملاذ]

ولاغلقت قزها طافي:biggrin:


7
7
7
7
7
7

الله الله عليك انت وولد عمك مبدعين بالالغاز

ننتظر جديدك عمو صلاح بفارغ الصبر

لا تقطعنا




​

 

[صلاح وارد المطرفي]

اشكر جميع الاخوان على المرور واقولهم ماعليكم زود واقولك يابو ملاذ ابشر بعزك يابناخي

 

[عمر العميري]

صح لسانك يابو عادل

بدع جميل ورد ايضاً جميل

اعطر التحايا

 

[فـتى هذيل]

صح لسانك ياأبو عادل ولسان ولد عمك

تقبل مروري وتقديري .