كذبة ابريل

[غريب الغربيه]

بسم الله الرحمن الرحيم
السلام عليكم ورحمة الله وبركاته
بشروني عن الاحوال
يالربع انا من زمان مادخلت المنتدى
لظروف الدراسه

لكن حمسني ابو وضاح اني انزل قصيده

[poem=font=",6,blue,bold,italic" bkcolor="white" bkimage="http://www.hothle.com/vb/mwaextraedit4/backgrounds/14.gif" border="none,4," type=1 line=1 align=center use=ex num="0,black""]
لاعاد تشكي لي من الحال ياليل= مليت من صوت الحزن والكئابه
تشكي وانا اشكي والليالي محابيل =احلامنا يالليل صارت تشابه
ازريت اشيل احمول ماشلها حيل =وازريت اصور همنا بالكتابه
اشعل شموعي بالامل كذبة ابريل=والفجر يعلن عيد حب الرتابه
يطفي شموعي محتفل بالغرابيل=وانا احتفالي يوم احاكي سرابه
الصدر مدهال الهموم المقابيل=كاهن بصدري قام يتلو كتابه
اعكف بمحراب الامل جيل مع جيل= والفرح عيا مافتح لي حجابه
اهيم كني مرتكب ذنب قابيل=والهم في صدري توارى غرابه
ياوقت لحظه..موبنا صاحب الفيل=واستغفرالله لو اقول الصحابه
تمطر على راسي سوات الابابيل=هم لك الله ويل منهو سطابه
نوخ ركابه بعد عزم المباتيل =واليوم لحفني بضرسه ونابه
لاجات في صدري سوات الهماليل=بقول ياحظي الفرح فك بابه
بيدن بصدري تعشب بجرة السيل=وبعد الفياض تجيك مني الاجابه[/poem]
وان شاء الله لنا رجوع واستمرار في هذا المجلس الطيب

 

[بيرق لحيان]

حي الله الدكتور و حي الله الشعر

يا غريب الغربية

هذي القصيدة سبق إنك كتبتها

أعتقد ن القصيدة مكررررررررررة << بدون ما أتوكد حتى !

صح لسانك أولا و أخيرا

نبي الجديد لا هنت

ودي و تقديري

 

[خالدي صميم]

شكرآ قصيده رائعه بارك الله فيك

 

[علي ماطر الهذلي]

بيض الله وجهك قصيدة اجمل من روعه تقيل مروري​

 

[ابوجنوب]

صح السانك وعلا شانك ولا هنت

وتقبل احترامي وتقديري

 

[جمعان الطلحي]

صح لسانك اخي الفاضل

ومن طول الغيبات جاب الغنايم

الحمد لله على عودتك الميمونه

تقبل حضوري

 

[أبو المثلّم]

اعكف بمحراب الامل جيل مع جيل
والــفــرح عــيــا مـافـتــح لـــــي حـجــابــه

بديع جدا

صح لسانك

 

[رداد الفضلي الهذلي]

إبداع يابو فالح

صح لسانك وبيض الله وجهك

قصيدة زاخرة بالصور البديعة

دمت ودام هذا التألق

تحياتي لك

 

[عز الرفيق]

اشعل شموعي بالامل كذبة ابريل

الله الله على الشعر و الفكر ..

.
.
.



غريب الغربية يا مرحبا بعودتكـ ...


قصيدة تشفع لكل غياب

صح لسانكـ يا مبدع


تحاياي ​

 

[العود القماري]

قصيده رائعه


صح لسانك مدد بلا عدد يادكتور



راقت لي كثيراً